驚喜!!!

原來已經N年無update個blog, 因為用左facebook之後, 無咩心機寫噤多字 :P

不過今次一定要寫, 如果唔係就唔多公平........

因為.....Sheryl就快做家姐啦!!!  家姐果時有寫blog, 細佬/妹如果無就唔多公平啦~~~

其實由Sheryl一歲半開始, 就計劃有第二個.  由Sheryl一歲九個月開始實行, 點知一直............都唔成功.  可能第一次太容易, 一take過ok, 今次有d懷疑係咪身體有問題.  上次生完Sheryl之後兩個月, 因為有胎盤殘留要入院刮宮.  但係我開刀架喎, 醫生應該清晒唔會有殘留?  我只可以講.....再有經驗嘅名醫其實都係人, 都會有出錯嘅時候.  由於擔心呢次事件影響之後懷孕機會, 我地去睇左另外兩個醫生, 兩個都話上次係個醫生唔小心, 犯左一個連新仔都唔應犯嘅錯........ 

醫生建議我地試多幾個月先, 如果都唔ok, 可能要考慮用一d人工方法.  雖然好唔願意, 不過都無法啦, 我地決定呢幾個月順其自然, 點知, 奇妙嘅事就發生左啦!  喺無仕何計算之下, 竟然第一個月就有好消息!

由於有之前胎Sheryl嘅經驗, 更清楚自己身體變化, 未夠4週已經驗到positive, 即時打去上次個婦產科醫生clinic度 (今次book另一個醫生, 始終對之前果個無左信心...), 因為佢地有我record,所以即時幫我book左養和, 姑娘話如果等我我第一次產檢先book, 到時肯定full左!  而家d私家醫院生仔位真係full到不得了, 多得內地同胞同無能嘅香港"正苦", 攪到香港人生仔都要爭!!!!

今次無上次嘔得噤多, 不過其他唔舒服 (胃氣, 作嘔, 無胃口, 頭暈, 攰)就由6weeks已經開始, 一直到而家15weeks都仲有, 雖然已經好左好多!  相對上一次, 今次更加辛苦, 可能年紀大左 :( 

醫生12weeks時已照到係囝.  雖然自己鍾意囡多d, 不過囝囡都好, 最緊要健康就得啦~