Milky 7歲生日

全屋最乖嘅Milky 七歲啦!  開始步入耆英行列了......

不過無論你幾多歲, 媽咪都係噤愛你的.

Sheryl都好鍾意你 (因為你比佢蝦唔會反抗 XD), 仲借出佢個birthday princess badge比你用添.....

Milky你今年又做家姐, 多左個弟弟Aidan啦!  (多左個人蝦你了....)

Sheryl比個birthday kiss 你 , 不過你好似唔多受落, haha!

Sheryl 妹妹仲特登陪你行街街.

Happy birthday to my lovely Milky, wish you healthy and happy in our family!!!!!!

公主病？？？

有人公主病發, 自己作故事.....

Sheryl: "I am the princess, Coco is the prince, and Milky is the witch! Milky gives me a poison apple, I eat and die on sixteen birthday....." (佢mix up左snow white同sleeping beauty囉....)

我:"啋啋啋......"

Sheryl: "Coco the prince gives me a true love kiss"

我:"..............."

全屋最曳果兩個做prince and princess, 最乖果個要做witch....wakakakaka!

朱古力奶終於有水游

嘩．．．．半年無沖涼啦! 

雖然每日都有抹身抹腳，　但係工人姐姐都係是但抹下，　乾淨極有限．

襯住daddy mammy放假，　帶朱古力奶去游下水啦！

Coco撩人玩中．．．．．



Coco後腳唔好，無以前遊得噤快，　不過仲會蝦Milky, 唔比怇咬個玩具：




佢地沖涼時個樣真係好可愛　：）

 

 

 

2012復活節 - 廸士尼星級煙花晚餐

年票舊年12月到左期就無再續期, 因為弟弟出世都預左好唔得閒無得去disney住.

好彩弟弟表現好好, 好乖又少扭計, 可以放心交佢比嫲嫲, 我地就同Sheryl去 disneyland搵佢至愛嘅princess 同 minnie :)

 

第一次睇3D Mickey, 竟然驚到用手遮住對眼.......



指定節目.....排隊同princess影相.  之前已經不停問幾時去搵princess影相, 連排隊都十級興奮:




今次仲有埋prince, 你睇Sheryl幾happy:


一影完snow white就去返龍尾再排過, 因為跟住就有另一對princess and prince啦!



阿囡係仲咩淨係拖住prince?  係咪比人錫左一啖手仔之後以為自己真係princess????

 

影完相興奮過後眼瞓到暈左.......



襯佢瞓左去左toy story果邊, 不過太太太太多人啦, 完全排唔到隊玩機動遊戲!

今次join左"星級煙花晚宴", 每位$360包dinner, 有公仔影相, 同埋有vip area睇煙花.  (3歲以下免費)

阿囡瞓左我地可以relax下啦:



Minnie同duffy出場，　阿囡仲瞓緊叫極唔起身．．．．唯我我地自己影啦!


第二次出場阿囡終於起到身，　見到Minnie醒晒：

 

 

佢勁恨要個大balloon....好啦見佢今日都幾乖就買個比佢：

 

到左差唔多７：５５pm, waiter會帶我地出去vip area睇煙花．　正呀，　唔洗霸位又唔洗迫，　仲正中無遮擋！

睇完煙花去行shop.  Sheryl開始貪靚了，　要買公主首飾．．．．．話要扮媽咪帶頸鍊!

 

2012復活節 - Aidan初遊赤柱

好鍾意赤柱, 一來dog friendly, 二來好relax, 三來又近屋企.

Aidan第一次黎........



三年前家姐仔差唔多大時都係第一次黎, 同一個地點留影 :)



赤柱廣場新裝修後, 多左好多餐廳, tea下先.......



家姐仔最鍾意玩bubbles, 一樽bubbles已經玩得十級興奮, 小朋友真易滿足!

 

家姐仔玩到喪左, 突然大叫"我唔得啦.."

O shxt!!!!  原來忍唔住癩左尿..........

 

好彩赤柱大把衫賣, 即刻同佢去買衫換.

攪左一大輪, 太陽都落山, 先可以弟弟影下相.



弟弟好happy, 好似都好鍾意赤柱喎:)

2012復活節 - 小白鷺BBQ

放低弟弟比嫲嫲, 同Sheryl去BBQ.

 

環境ok, 不過一向唔鍾意食野嘅Sheryl咩都唔食, 好彩佢阿媽我預左佢係噤, 一早食定野打底......



Sheryl連朱古力都唔食, 不過今日成班朋友仔一齊食, 群眾壓力下終於第一次食朱古力!

2012復活節 - barney show with朋友仔

Sheryl 約埋朋友仔去睇Barney Show.  Daddy負責陪佢去, 我就負責留喺屋企照顧弟弟. 

(d 飛噤貴, 我當然唔去啦, wakakakaka!)

今次自備booster seat, 唔怕比人遮住, 又唔洗比錢租張booster :)




 弟弟唔知係咪抗議無得去睇show, 玩到用條紗巾蒙眼.........


見佢噤無聊, 捉佢做下運動.........

出發去會合家姐同daddy去食dinner, 用咩帶真係好方便......

Dinner time.....而家d小朋友中晒毒蘋果d毒:

Zoe姐姐知道弟弟鍾意ginger bread man, 好慷慨地借出私伙公仔比弟弟玩:

5個小朋友飯後一d都唔眼瞓 (其實因為睇完show, 食埋飯已經十點幾了), 反轉人地個商場.....

2012復活節 - 弟弟之草地初接觸

今日其實係清明節, 不過因為過多一日就係復活節, 所以當係復活節噤玩啦 XD

 

香港而家真係好少有噤大噤靚的草地, 仲要免費泊車加唔多人, 仲可以滿足埋小朋友去disneyland的欲望 (disney hotel only)

 

 

弟弟第一次去大草地玩, 十級好奇週圍望, 好奇到成餐奶skip左, 點都唔肯食.....

家姐仔之前已經黎過, 今之仲同埋公公婆婆一齊黎, 有強大後台撐腰玩到喪晒.....

玩完仲可以去disney hotel 食dinner, 點知而家個playroom而比一百大元先可以入去玩 (之前如果喺度食野係免費玩的), 不過一早應承左家姐仔同佢去玩, 佢好期待已經成晚提住, 唯有照比錢 :(