Dream bed 公主城堡床

5月中收到業主通知要收返層樓黎賣, 經過一波三折之下終於租到同一屋苑另一個同尺數單位!  (真係一波三折架, 仲要搵埋律師出律師信..........)

原本住緊層樓已經住左7年, 真係好唔捨得. 因為層樓7年前我地買嘅, 之後因為想搬去錦旗花園所以賣左, 但係又好唔好彩地有阻滯搬唔成, 結果租返原本住緊果層樓.  之後因為Sheryl出世, 樓價又喺噤升, 結果買唔返........ (買樓租樓方面我真係好黑仔架, 下次都係唔好落我個名啦 )

原本層樓3房改2房,  所以我地有間超大主人房 (可同時放兩張bb床都大把位行).  而家新租果度係原則3房, 主人房即時顯得細到得人驚......不過有3間房, 對小朋友點都好d.

Sheryl就黎4歲了, 唔想佢再同工人瞓, 想佢有自己間房, 雖然間屋係租嘅, 不過訂造張床就算搬都可以搬走, 所以決定訂張公主城堡床比Sheryl啦, 希望佢鍾意張床可以快d習慣自己一間房就好啦!

睇過幾間, Art Deco 超貴, 另一間平d但d油漆味勁到我聞到都想暈.......最後上網搵到一間價錢合理, 用環保油漆無味, 款又ok的.

其實我唔想太fancy, 簡單就ok, 所以睇左幾個design之後, 我自己設計左之後比個designer出圖, 原來而家d software好勁, 可以出到3D圖.

粉紅同粉紫係Sheryl's favarite colors:

 

 

下層衣櫃Sheryl夠高可以自己拎衫換!   樓梯係柜筒可以儲物, 而且成條樓梯係可以拆走, in case將來搬, 間房細左都放得落, 因為上層只係長5.5呎, 我諗無房連5.5呎長嘅床都放唔到呱?  到時可以轉掛梯.






下層呢個位其實係放Sheryl而家張單人床, 因為佢仲細, 我唔想佢瞓上層住, 好似有d危險, 過多兩年上小學, 佢就可以瞓上層, 而下層呢個位張床就可以轉放書枱啦!




3D圖好勁呀....................




雖然只係簡單design, 無Art Deco 果d噤fancy, 不過我已經覺得好靚啦



由於寫呢篇blog時我地已經搬左入去, 所以補返幾張實物圖先!

上層圍欄我要求加高, 一來靚d二來安全d......

兩隻色都好ok, 唔係太鮮色......


下層就係噤樣放埋Sheryl本身張床啦!  



遲下再影搬左入去個樣比大家睇下

原來Aidan最似......

好多人都話Aidan似我, 其實我自己都覺得似

不過近日發現, 原來阿囝最似果個唔係我, ,而係...........

簡直係.....餅印一樣!!!!!!!!!!!!!!!!!!!!!!!!!!!!!!

原來阿囝最似係.....公公!

Aidan的第一口semi-solid

Aidan 6個半月了, 係時候開始食semi-solid 啦!

好多媽咪可能覺得6個月先食太遲, 不過上次Sheryl5個月開始食, 結果消化唔好, 又唔係好肯食, 加上健康院姑娘三番四次提醒最好足6個月大先食, 所以今次 Aidan就6個半月先開始食.

First trial:  南瓜蓉

磨完之後再過濾, make sure無渣



攪掂!




第一口..................睇佢個樣就知咩感受....wakakakaka!



食左幾啖之後...................發現係好野黎, 自己張開口 !  Aidan you are soooo lovely :)

環保衫design

上個月Sheryl學校生日會的主題係設計環保衫.

自從Aidan出世之後, 講真真係忙到爆 (連 blog都唔得閒update), 雖然一早已經知道要做環保衫, 但最終都係之前一日先開工.

材料係呢個不織布袋, 一條紅色水仙花用絲帶, 同埋兩個喺舊衫拆出黎的襟花.

一個鐘起貨........



老師同其他家長竟然覺得靚呀.........wakakakakaka!

Bracelet photo frame - 正!

Sheryl同Aidan出世之後, 佢地醫院條手帶一直都唔知放喺邊度好, 又驚整唔見!

最近發現Pearhead呢個product..........


可以放出世張相之餘仲有位專比你放條bracelet, 呢個design真係好貼心!