"鴉烏"攪Sheryl

記得我細個果時d大人成日嚇我話如果唔乖就會有"鴉烏"黎捉我!  據我當時(幾歲大)0既理解, "鴉烏"=巫婆之類, 其實當時我都已經唔信架啦!  wakakakaka!

最近Sheryl令我對"鴉烏"有另一番理解, 事緣而家佢一眼訓或者扭計就會喊住叫 "鴉烏", "鴉烏"!  唔通真係有"鴉烏"???

不過呢隻"鴉烏"真係好恐怖, 最近晚晚都黎攪 Sheryl (攪佢即係攪埋我地, 因為我地都無覺好訓)!  之前Sheryl一直好地地, 食完最尾餐奶就一覺訓天光, 最近晚晚又抱又搖又唱歌都唔肯訓, 係咁搵野咬, 我手臂都比佢咬左幾啖!  呢隻咁可惡0既"鴉烏"就係Sheryl上面果兩隻門牙!!  之前出下面果兩隻都好d, 而家出上面呢兩隻真係......攪到人都癲!!!!!!

Sheryl因為呢兩隻"鴉烏"攪到成日"fing頭"同搵野咬, 係咩都咬, 仲要好狼好狠咁款!  晚晚好辛苦咁用成粒鐘tum左佢訓, 佢就每兩三個鐘醒一次, 一路喊一路叫"鴉烏"一路搵野咬!

呢兩隻"鴉烏"真可惡, 唔知幾時先肯走??!!!!