發表文章
10月2 號約左Jodi同阿大一齊去香港狗公園BBQ, 果度有個好大0既草地同游泳池, 個BBQ site好大, 自成一角, 好正架!
一去到CoCo同Milky就去左草地狂跑, 當然仲有Momo同Creamy, Ginny同Lego啦! 今日係第一次見Lego, Lego係阿大住果個屋苑一對情侶養0既金毛仔仔, 因為對情侶分左手, 個男仔搬走左, 個女仔竟然唔要Lego, 仲話如果無人要就送去漁記!!!! 好彩阿大可以收留Lego, Lego仲好乖好定, 佢原來已經考左甩帶試, 我地BBQ果時得佢一隻唔洗比人綁住, 因為佢真係好good boy架! 所以話比人遺棄過0既狗狗係知架, 佢地會更加珍惜新0既主人!
BBQ d 野食都唔錯, 不過時間唔夠, 所以0野食都食唔晒! 加止CoCo上演一幕"逃"0既真狗show, 0係BBQ個場度跳過圍牆, 跳左落去2米下面0既草地同d雪橇玩追逐! 我地用左阿良教果招 - 唔理佢! 過左幾分鐘, 兩隻雪橇走左, 成個草地得返CoCo一隻狗, 佢玩到無癮就發現唔見左我地, 嚇到三魂唔見左七魄, 又發現圍牆太高上唔返黎, 唔知點算, 只係識sit 0係度"支支"聲叫! 教訓左佢一陣, CoCo爸就落去草地接返佢, 佢就死死地氣heel到實返上黎, 連狗帶都唔洗上! HaHa!
我地仲巧遇Salina, 哈佬, 朱大爺同埋kuby爸媽tim! 原來kuby爸同阿大係同事黎架, 世界真係細!!!
總括黎講, 個場好正好好玩, 下次一定要再去!!!!
BBQing
Momo:出面好似有0野食喎 Creamy: 係喎, 快d諗下點樣出去啦!
都係Lego乖仔, 自己玩飛碟!
Creamy: 快d同我影沙龍啦!
點解......多左隻狗0既? 原來係隔離"爐"0既, 過左黎玩到唔肯走!
Milky 同 Lego玩到無力啦!
CoCo身後就係BBQ區, 佢就係上面跳落黎, 表演"CoCo Break"
Lego: 個草地咁吸引, 又難怪CoCo要跳落去! Ginny: 如果唔係阿爸叫住我, 我都跳左落去啦!
Creamy and Momo, 你地好似坐左阿爸阿媽個位喎.......
