CMSA巴屎閉閉暨CMSA爸媽爛屎得閒有舖癮部落: ● 寵物

顯示具有 ● 寵物 標籤的文章。顯示所有文章

2010年4月8日星期四

復活節 (Day 5) - 大潭 with 朱古力奶

4月6號, 假期最後一天了, 天色仍不是太好, 但也理不了, 最後一天要好好把握! 所以我們便決定"舉家"遊大潭!

由於CoCo須要特別照顧, 所以要出動工人姐姐"幫拖". CoCo後腳控制得不太好, 怕他興奮起來不顧身世弄傷自己, 所以只好全程上繩拖實, 到草地才可以放繩!

這對專程從美國訂回來的dog boots真的物超所值, CoCo喪跑後仍然原好無缺, 也沒有"走位"! 加上有反光帶, 穿在CoCo腳上份外"型仔"!

兩姊妹合照:

我們有充足人手拖狗, 連Sheryl也幫忙:

媽媽真的好久好久沒有這樣悠閒地拖著CoCo散步了, CoCo也好像很珍惜, 沒有像從前般"搶繩"!

到久違了的草地了, 朱古力奶喪跑的同時, 竟然找來一個網球, 令牠們更瘋狂!

平時走路不願用後腳出力的CoCo, 為了一個網球, 連Milky也給牠"鏟"了起來!

Milky一向都很"鍚身", 累了便down下來休息, 不像Coco般不顧一切!

Milky連拍照都不願站起來!

Sheryl跟家姐Milky一樣鍚身, 站在一旁看朱古力奶大戰!

Sheryl對草地好像很陌生, 不太願意自己在草地上走動:

還是喜歡纏著媽媽:

玩氹氹轉時Sheryl最開心:

玩完後媽媽已經筋疲力盡, 畢竟你已經二十多磅了!

2010年2月28日星期日

家有ip cam真好!!!

上回見到我張sofa慘遭毒手, 兇手終於現形! 有證有躆, CoCo呢次斷正!

同一個位, Milky就用黎扮演"望窗的少女"!

家陣屋企果3粒孫真係大晒, 為左比位d狗瞓, 阿嫲寧願自己唔坐. 至於小魔怪Sheryl仲離譜, 扭計唔食奶阿爺阿嫲就當佢皇后咁服侍! (remarks: 平時佢係自己拎住樽奶食架!!!)

平時我地返晒工, 屋企d人同狗就作反啦!!!!!

2010年1月16日星期六

CoCo 5歲生日啦!

今年CoCo生日, 生日禮物好特別:

因為佢後腳未行得好, 落街玩完上黎對後腳會磨擦到流血, 所以0係美國訂左呢對dog boots比佢, 終於都到手啦! 希望用左之後可以去多d街街同埋去"樹wim明"啦!

今年生日唔買/整蛋糕, 因為阿囝要食d有營養d既野, 所以決定比雞肉雜菜佢歎:

而家sit好左好多啦, 之前係完全無意識點sit架:

Happy Birthday CoCo! 我地祝你健健康康開開心心!

2009年11月9日星期一

Coco post FCE 3 weeks - 開始行啦! 但係中左牛蜱......

5日高壓氧療程完成, 有好消息同壞消息, 好消息係CoCo後腳明顯有movement, 唔單止可以自己企起身, 仲可以"行", 雖然力度, 耐力, 控制等同真係行得返仲差好遠, 不過由見住佢最初兩個幾星期後腳一d反應都無, 到而家勉強行到, 仲可以用後腳抓頸, 真係好似miracles一樣!

CoCo自FCE出院之後, 接受治療如下:

太平道呂醫生: 放尿藥, 擴張血管藥, 一星期一次針灸

何醫生: 4隻vitamins同補神經線藥, 甲狀腺素

CAU clinic: 5日高壓氧治療

如果做手術, 呂醫生可能真係好pro, 不過一但無手術做, 佢就好似束手無策, 對FCE認識好似仲少過我, 次次淨係話無deep pain sensation就行唔返, 仲叫我買架輪椅比阿囝 (咁early stage, 比架wheelchair佢咪即係叫佢唔洗用對後腳? 如果佢發現唔用後腳都可以行動自如, 我諗唔洗一個月就muscle wasting啦! 香港d vet係咪真係完全無rehab concept?) 如果阿囝end up真係無進步, 我唔介意比架wheelchair佢, 只要佢開心唔痛就ok, 但係外國好多資料都話FCE行得返機會好大, 有咩理由post injury一個星期就叫我買wheelchair? 仲有, 我地去睇何醫生, 人地好有心機諗下有咩方法幫Coco, (諗左成粒鐘, 出面仲有成村人得緊睇佢) 所以有成4-5種藥, 唔會放過任何一個可能性! 但係呂醫生就好似有d是但同放棄咁, 淨係開一種藥, T4 test又唔做, 當初無打steriod我都未同佢計!!!!!! 另外, 我地打親去問野, 覆親都係呂醫生個assistant, 想同醫生對話? No way! 但係打比何醫生, 佢次次都係收左工之後親自覆我, (人地何醫生夠忙啦, 佢都一定親自覆架!)我地問佢牛蜱d野, 佢答完之後仲主動問我CoCo企成點, 去唔去到大小便, 叫我多d同佢做weight bearing etc. 講真, 唔係個個都覺得何醫生好, 有人覺得佢用藥重, 但係作為一個醫生, 有無醫德同埋有無heart係好重要, 無heart既醫術幾高都無用!

由於同時間做左幾樣treatment, 唔可以confirm係邊樣treatment既效果, 不過做高壓氧前後分別好大, 所以應該都係HBOT既功效!

壞消息係CoCo去做高壓氧最尾果兩日, 帶左廿隻牛蜱返屋企!!!!! 連續兩日朝早都發現佢張床下面有七,八隻吸飽血0既牛蜱, 情況壯觀到得人驚. 即時向CAU clinic投訴, 初時個vet assistant仲好似好平常咁話"呢d野我地好難避免架, 咁多狗, 帶左入黎都唔知啦!" 下???? 而家唔係一兩隻, 係二十幾隻!!!!! 雖然唔係隻隻牛蜱都帶菌, 是但三幾隻有牛蜱熱都死得啦! 之後個vet打比我地, say sorry認衰, 仲話如果真係中左tick fever, 可以免費醫CoCo同 Milky. 真係多謝你囉, 你唔洗錢我都唔敢再帶佢地去你個clinic啦, d vet assistants差成咁, 去醫病變成染病!

我地打比何醫生求救, 佢話tick fever有潛伏期, 建議一至兩星期後先去驗血. 原來每個月滴frontline對牛蜱作用唔大, 因為frontline個mechanism係要隻牛蜱咬左隻狗先會死! 所以一定要用牛蜱帶! 我地可以做既就係買支frontline spray噴CoCo同Milky, 因為frontline spray可以24小時內殺死牛蜱同牛蜱蛋, 不過之前咬左就無計, 唯有等下會唔會病發. 我決定之後唔用frontline改用advantix, 因為可以防牛蜱上身, 不過殺唔到蛋, 如果去草地之前最好噴埋spray先!

2009年11月3日星期二

高壓氧治療

CoCo "病發"到而家, 已經兩個幾星期. 呢兩個幾星期真係好難過好擔心, 好多謝各方好友支持鼓勵, 由於太忙, 唔可以逐一回覆你地0既reply, 希望大家唔好介意, 你地每一個0既支持同安慰, 對我地同Coco都好重要, thanks a lot!!!!

另外要好多謝Dr. Andrew (kuby爸) 同Stella 0既關心, 多謝Andrew好快咁幫我地search左一d 關於FCE 0既 journal, 數據上好似都幾樂觀, 有88%0既狗可以行得番! 對我地黎講, 好似打左支強心針一樣!

呢兩個星期不斷上網搵有關FCE 0既資料, 發現外國都有唔少病例, 不過外國support好好多, d vet對FCE認識多好多, discussion forum上發現好多狗都行得返, 雖然須時有長有短. 有好多一個月左右已經可以企起身. (不過我諗CoCo唔得啦, 而家兩個幾星期對後腳都唔太有voluntary movement......)

有時我會諗, 如果vet 0係事發後6個鐘內同佢打steroid, Coco條spinal cord 0既傷害可能就無咁大啦. 不過佢地無打, 半夜1:30入院, 到第二朝成11點先照MRI, 期間只有等! 不過香港好0既vet真係唔多, 真正有料0既就更少, 加上已經發生左返唔到轉頭, 怨都無用, 唯有諗下有咩方法可以補救!

上網見到"高壓氧治療", 香港得一個vet有做, 問過價錢都唔算貴, 只要無害我都要比CoCo試下.

高壓氧艙, 好似個焗爐咁, 入面好細, 阿囝想轉身都有難度!

一個療程5日每日兩次1.5小時, 中間出黎休息4小時, 即係阿果最少要係clinic留7個鐘! 一向唔係好吠0既CoCo吠到拆天! 連零食都唔食, 陰公! 不過無計啦, 都係為佢好!

療程做左3日(唔知關唔關事), 阿囝企得好左好多, 之前扶佢企佢只企到半分鐘, 而家企到幾分鐘! 而且feel到佢大脾肌肉有收縮用力, 不過小腿以下都係未有control, 所以自己企唔到起身, 要人幫, 行就仲未得!

可以碟橙先係"靈丹妙藥", 阿囝望住碟橙, 自己企左幾分鐘都唔覺!

2009年10月29日星期四

CoCo 開始rehab - post FCE day 11 / 12

阿囝星期六出院, 我地星期日帶左佢去睇何大成for second opinion.

何醫生覺得CoCo係有deep pain sensation (呂醫生話無/唔明顯, 因為如果佢痛佢會轉身過黎想咬人咁款, 但係CoCo係唔咬人0既, 就算整痛佢佢都係望下only, 我返去試Milky, 佢直頭望都唔望, 咁佢係咪有問題?), 何醫生話佢痛時有body movement, 應該知知地. Vet好concern佢地知唔知痛, 因為係4級受損同5級0既分別, 如果無deep pain sensation就係5級, 行得返機會好微. 何醫生睇完張MRI, 見到T13/L1有少少compression, 於是幫我地send左MRI去美國個睇MRI 0既expert睇做report.

等到星期二, 終於收到report, 不過無驚喜, report 話 T13/L1有mild compression, 但係因為non-painful, 不可以排除FCE 0既可能性. Suggestion係如果過一排都無improvement / 退步, 就考慮做手術 decompress T13/L1

問題係, mild compression + non-painful, 係disc問題0既機會好細, 即係好大機會做完手術都無幫助, 咁無情情挨一刀又何苦呢?

所以暫時都係當FCE處理, 星期三先去呂醫生度針灸, 再去做physio.

雖然針灸係唔痛0既, 不過見到佢比人插到成身針, 加埋佢個innocent樣, 真係好心痛!

Hydrotherapy - 阿囝有得"樹wim明"當然開心到震, 不過對後腳都係無active movement, 好彩有件救生衣頂住:

Underwater treadmill - 後腳都係唔郁, 不過0係水入面練企係企得好d:

返到屋企攰到死, 以前阿囝最鍾意上梳化瞓覺, 而家上唔到, 佢會行去張梳化度將個頭long係上面, 咁我見到就即刻用條毛巾幫佢, 佢就好勇敢咁起前腳上去啦!

To be continued.................

2009年10月27日星期二

CoCo返屋企 - post FCE day 8 to 10

星期六終於都可以接CoCo返屋企啦, 接佢之前, 我地買定晒所須物品 - 尿片, 濕紙巾, 尿墊, 手套. 但係買唔到sling, 唯有用住毛巾先.

平時坐車企足全程既CoCo, 出院上車仍然想企起身, 試左幾次之後佢知道企唔到, 唯有訓係度, 一直返到屋企樓下, 佢突然好興奮, 竟然比我見到佢用4隻腳企左起身! 不過只係keep到5秒左右, 但係我已經好開心, 阿囝努力呀!

返到屋企佢好似好攰咁, 訓到死豬咁, 一定係醫院無安全感訓得唔好啦, poor CoCo!

放尿 - 呢個係好難既task, 難在真係唔知放清未, 長期放唔清會膀胱炎, 所以真係好擔心! 放尿既trick唔係要大力, 而係要按中之後keep住個pressure, 所以係超攰, 手都軟埋. 不過我地都好比心機試, CoCo爸仲按得好成功添, 尋晚放左兩張半尿墊先absorb得晒! 唔知係Coco爸太大力, 定係阿囝d感覺好左, 佢越黎越掙扎, 我地都好驚整親佢其他內臟! 除左第一日返黎之外, 阿囝都無用過尿片, 因為佢係urinary retention, 只要定時放尿, 佢係唔會有leakage, 除非bladder滿到漏, 不過定時放尿就唔會有呢個問題.

大便 - vet話大便無得放, 總之屎屎到肛門就會排出黎, 呢樣都係我地好擔心既, 一來係衛生問題, (之前阿囝唔係屋企大小, 一定要出街先痾), 二來係佢行唔到, 又唔知佢知唔知自己痾左, 會攪到自己成身係! 我上網搵左好多FCE 0既資料, 外國有d人教每日定時定候同佢去大便, 每次帶手套用手指伸入肛門一寸左右, stimulate大腸movement, 就會自動排便. 我地呢樣就好好彩, 因為阿囝4年以黎一直都係早晚食完野就落街開大, 風雨不改, 所以而家每次佢食完野, 我地就帶佢出去後樓梯, 我用手按幾下佢肛門位置 (外面only,我無伸入去), 就見到佢肛門收縮, 跟住就排便. 係試過兩次行緊去後樓梯途中佢就痾, 不過就未試過瀨, 阿囝真係好叻叻呀! (其實我地懷疑佢係忍到少少0既)

行動 - 呢樣反而真係唔知點攪, 因為阿囝前半身無問題, 基本上佢係可以0係室內自由行, 不過會拖住對後腳, 同埋整親扭親都唔知, 唯有當我地睇唔到0既時候困圍欄 (包括瞓覺), 成個area都要放晒軟墊, 仲要唔可以放水, 因為佢會整到周圍濕晒, 連自己都濕埋, 好易皮膚病! 而家唯有每日兩餐水溝糧, 就可以make sure佢飲到足夠0既水, 不過d糧浸軟晒, 又驚佢d牙會唔乾淨, 唯有定時同佢brush teeth. 如果Sheryl瞓左, 我地就會放CoCo出黎用條毛巾同佢行路, 郁下d關節, 但係佢好似好唔開心咁, 好down好depress, 無晒信心, 我地見到都好心痛!

呢件事令我體會到, 平時訓練定時大小便係好有幫助架, 當然希望大家呢世都唔洗識放尿放屎, 但係萬一不幸發生, 平時訓練左0既野真係有好大幫助!

返左屋企3日, 我地覺得CoCo可以自己gut高個pat pat, 不過對後腳都係無control, 條尾0既deep pain reflex強左好多, 仲見過佢自己lick小便位同後腳! 雖然每日都只係有少少進步, 但係我已經好安慰, 我地要think positive, but prepare for the worse!

阿囝加油呀!!!!!

2009年10月23日星期五

CoCo @ hospital and post FCE day 7

CoCo入左院已經一個星期啦, 一星期前嘅呢個鐘數, CoCo仲享受緊佢出事前最後一次玩波波, 可能真係玩得太癲啦........

入院後第二日去探佢, 可能庥醉藥未過, 見到佢個身係度震, 對手肘損晒, 我真係喊到收唔到聲. 因為佢前半身可以郁, 佢就喺間房度爬, 張床墊又比佢踢左去後面, 攪到手肘損晒!

見到阿囝呢個眼神, 真係好心痛!

於是我地幫佢放返好張墊, 基本上間房後半part係唔須要墊, 因為佢長期痴實房門, 想走佬!

過左48小時, medical condition穩定左, (FCE嘅最壞情況會係24-48小內"現形", 之後就穩定, 雖然阿囝嘅情況應該已經差到無可再差!) 即刻同佢做運動, 唔keep住到時肌肉委縮就隻腳郁到都行唔到架啦!

第4日, 阿囝精神番晒, 個牌仲比姑娘加左句: bite drip! (呢個先係正常嘅CoCo!) 結果要帶喇叭, 左撞右撞, 攪到個鼻都損左少少!

終於可以off drip啦 (打drip打到兩隻手都損晒!) 姨姨同姑婆日日都黎探佢, 我地就同佢練企. 其實前半身係唔洗用毛巾, 不過佢對前手向後縮, 想balance後身, 唯有用條毛巾拉返佢對前手向前, 咁後腳先可以練到力架!

努力學習放尿..........

今日已經係day 7, 每日朝早10點都好緊張咁等vet assistance打黎報告進展, 今日好難得聽到佢話vet覺得CoCo有進步, 拖佢出黎行佢對後腳試過有幾下企落地! 我去到探佢, 放完尿就即刻爭取時間同佢做運動, 今日扶佢企好之後, 放手佢可以企到5,6秒, 不過佢好似好驚我走, 我企佢後面佢keep住轉頭過黎望我, 攪到lost balance! 跟住我hold住佢大脾, 細細力幫佢屈個knee joint, 叫佢sit, 我feel到佢對腳muscle有震下震下, 即係佢自己出緊力!!! GOOD! 之後我叫佢sit好同stay, 我行開去拎treats比佢, 返到黎佢仲sit緊呀, 無collapse! 雖然呢d improvement對vet黎講唔算係d咩, vet淨係concern deep pain sensation, 但係對我黎講, it means a lot!!!! 我見到阿囝每日都有少少進步, 同埋佢好似知道我幫緊佢, 做physio時好合作, 無平時咁唔聽我話!

講真, 日日都比vet撥冷水, 話阿囝無咩deep pain sensation, mit佢唔望過黎, 真係有一刻想放棄! 而家見到阿囝自己都咁努力, 我無理由放棄!

btw, 我返屋企試milky deep pain sensation, 佢都無望過黎喎! 如果無記錯, 當初考Dr. Dog果時, 其中一樣係整痛佢佢都唔可以轉頭過黎, 呢樣milky一向都做到, 咁其實Coco係咪好似Milky咁, 係唔望而唔係無sense呢?

聽日就接阿囝返屋企啦, 係一個好大好大嘅挑戰, 我都好擔心應唔應付到, 都唔知要應付幾耐, 但係點都要試下先, 希望阿囝同我地都堅強d, 一齊過呢一關!!!!!

2009年10月22日星期四

CoCo - post FCE day 6

今日lunch再去學放尿, 其實都仲係唔係好feel到個bladder係邊, 不過咁上下位置按都按到, 不過到個bladder清左70%左右, 就更難按, 因為bladder細左, 要"搵"仲難, vet assistance幫我清, 都仲按到好多出黎, 不過姑娘話已經好好, 如果一日放3次, 就算每次只係放到70%都應該ok, 今晚輪到CoCo爸去學.

去到同CoCo做physio, deep pain reflex都幾強, 不過都係時望時唔望 (其實唔知係咪習慣左呢?) 今日試下同佢企, 感覺上佢無咁傾向前半身, 開始肯weight bear多d係後腳, position好佢後腳, 放手佢都可以企到5秒左右. 雖然唔知係因為佢對後腳increase左tone定真係自己出到力, 不過起碼可以balance到幾秒係事實! 跟住我扶住佢個hip, 叫佢sit, 佢可以慢慢坐低 (我只係扶少少), 不過都可能係佢前腳向後移, 所以後身自動向下"sit". sit左之後我叫佢 "up", 我feel到佢係自己pay緊effort去企起身 (當然我都仲要扶佢).

我真係唔知叫唔叫做有進步? vet 0既角度, 只係睇deep pain sensation, 問佢有無進步, 佢就只係得一個答案: deep pain sensation唔consistent!

如果出得院, 我會帶佢去Grace Li度做針灸, 同埋去CAU間rehab centre度做physio, 希望可以幫到Coco!

CoCo - post FCE day 3 to 5

自從星期日(post FCE day 2) repeat 左MRI之後, 星期一到星期三我地日日都"心力交瘁", 又要返工, 又要照顧Sheryl, 又要日日撲兩次過太平道睇Coco.

阿囝day 3 開始有番deep pain reflex, 不過係reflex only, vet 話要有deep pain sensation先樂觀, 即係整痛佢佢唔係只係鏥腳, 要轉身望過黎先得. 只要有deep pain sensation, vet 就有信心佢可以企返起身.

Day 4 我地打去何大成度, "求"佢即日見下我地比second opinon, 何醫生真係好好人, 佢已經fully booked, 都肯睇晒d症之後見我地 (已經夜晚7點幾8點). 基本上治療方向同呂醫生一樣, 不過佢話佢見過0既FCE cases 90%可以行得番. 本來想同Coco轉院去何醫生度, 起碼近d方便探病, 不過原來夜晚係無人on duty, 唯有stay係太平道先. 何醫生話如果想接佢返屋企一定要學識放尿, 佢唔suggest manual expression (用手按), 因為多數都按唔清, 佢suggest 插尿喉, 不過要好小心一定要sterilize所有野, 如果唔係好易infection.

Day 5 醫生話deep pain sensation唔consistent, 有時會望過黎有時唔會, 不過reflex強左好多, 縮得好大力, vet話當佢reflex縮腳果時同佢鬥力, 可以prevent muscle atrophy. 另外vet教我地放尿, 佢話我地一定要學識先可以出院. 不過manual expression真係好難, 要按得arm已經難, 要按得清更難, 同埋好攰, 對手都軟埋, vet話係咁, 佢按都手軟.

Day5 開始, 由開頭完全flaccid, 到而家second stage開始有tone (有spasm), 一有stimulation後腳伸到直晒, 要扶佢企, position對後腳有d吃力, 因為要break左佢個 tone先. 佢由開始果時neglect自己後半身, 到而家我覺得佢at least 知道自己後半身有"野", 因為佢企起身果時前腳會放後d去balance自己 (如果佢唔知後半身有野, 又點會用前腳去 balance呢?) 不過呢d都係我地 rehab人睇野既方法, vet只係concern有無deep pain sensation, 無就一定行唔番!

精神同食野都無問題, 不過見到佢自己都好frustrate點解企唔到行唔到, 每次我地用毛巾吊住住下半身, 佢就行得好快想走佬, 等到我地去探佢, 一向都裙腳既CoCo變得更裙腳, 我行入佢間房同佢做運動, 佢用前腳行過黎, 後半身拖住都要死跟, 如果坐係佢隔離佢就一定要將個頭放係我隻腳上面先放心.

我地要努力學放尿, pass就可以帶番屋企啦!

2009年10月18日星期日

再一次的晴天霹靂!

尋日聽到vet話好大機會復原, 放心左好多, 今日中午去探CoCo, 佢下半身仍然未郁得, 不過就ok精神.

探完佢之後兩個鐘, 醫院打黎, 今次係vet親自打黎, 聽到佢把聲都心知不妙! 佢話剛剛同CoCo 檢查完, 發現情況比尋日差左, 尋日對deep pain仲有反應, 今日就無, 佢話想再做一次MRI, 睇清楚有無出血 / 其他deterioration. 因為黃金48小時就黎過, 要check要treat都係asap. 如果照左有出血可能要做手術. 基本上我係無得揀, 唔通唔做MRI咩? 雖然又要庥醉多一次, 但係都無得唔做啦.........

原本同太公太婆食飯, 但都無計要送Sheryl同工人返屋企先, 我地係醫院stand by. 由4點等到6點半, 終於見到vet, vet話唔洗做手術, 因為佢照晒成條spine, spinal cord無明顯compression, 無出血, 只有退化. 咁點解條cord會無端端shut down? 根據symptoms同MRI, rule out其他情況之後, 最大可能就係spinal infarction, 即係條spine中風, 血管塞左, spinal cord無血到就唔work, 正確黎講係Fibrocartilaginous embolism (FCE)

Vet話因為情況差左, comment由尋日"復原機會好大" 變成 "我都唔敢講會唔會好番", 我地又晴天霹靂多一次! Vet話可以做嘅係continue針灸同食藥, 等多48小時睇下有無improvement, 如果都無, 行得番嘅機會唔大! 所以其實有手術做仲好過無得做, 無得做=聽天由命!

夜晚探病時間再去探CoCo, 見到佢剛剛庥醉完個樣, 我真係忍唔住喊, 我覺得好對佢唔住, 佢喺度受苦, 我又一d都幫佢唔到, 連帶佢返屋企我都做唔到.

CoCo, 無論點, 我地都唔會放棄你, 就算你行唔返要坐輪椅, 媽咪都會接係返屋企, 但係你要努力d, 我相信奇蹟!

2009年10月17日星期六

晴天霹靂........

星期五晚, 如常放完狗, 執緊野準備迎接繁忙的星期六! (朝早要去Tutor Time上playgroup, 跟住返屋企比Sheryl訓晏覺, 4點入元朗同labclub班好耐無見嘅朋友食大閘蟹, 再返出銅鑼灣同Sheryl太公太婆食晚飯!) 正當大家準備訓覺, CoCo突然嘔, 跟住兩隻後腳無晒力, 行唔到路!!!! 正確黎講係下半身完全唔郁得, 包括條尾同pat pat.

第一個諗法就係spinal injury, 但係CoCo落完街行返上黎抹埋身攪左一輪準備訓覺都無事, 唔似係trauma! 但係休息左15分鐘都無改善, 我地即刻打比睇開個vet, 佢建議我地直接帶CoCo去太平道睇急症! 當時已經係凌晨一點, Sheryl訓左覺, 我地叫工人姐姐睇住佢, 我地即刻飛車過海去太平道診所.

Vet檢查完話用手按CoCo個身佢都唔覺痛, 應該可以排除係trauma 嘅可能性, 應該係either 椎間盤突出 / 有血瘤壓住神經線, 但半夜無得做MRI,要等第二朝專科返黎先做得, 所以要留院. 當時已經半途兩點幾, 我比CoCo嚇到腳都震埋, 好驚佢會好唔返, 放低佢返到屋企已經3點幾, 好眼訓但係根本訓唔著, 第二朝8點半又要起身, 真係心力交瘁!!!!!

今朝帶Sheryl返playgroup, 10 點幾收到vet電話, 話準備同CoCo庥醉做MRI. 11點幾再收到電話, vet約我地3:30pm去見佢.

Vet話MRI見到有兩節脊骨退化, 其中一節(T13)退化得好嚴重, 不過退化如果壓唔到神經線係無問題既, 問題係MRI見到有swelling情況, 因為swelling導致壓住神經線, 令下半身完全唔郁得. 好彩係呢個情況唔洗做手術, 要食藥同針灸等swelling 減退, 下半身就可以郁返, 須時大約3-4日, 跟住要"學行路", 大約兩星期左右先行得番 (進展良好的話), 要keep全食supplement半年, 理論上半年後就同普通狗狗無分別.

原因呢? Vet話唔係trauma, 原因不明, 總之係退化引致. 至於點解4歲半就退化? vet 話同CoCo平時玩得太癲太唔錫身都有關係!

聽到vet話復原機會好大, 放下心頭大石, 即刻上病房探CoCo. Vet話想CoCo留院3日observe下同埋等佢control到小便先返屋企, 方便照顧, 我地見到CoCo果時佢個身係度震, 見到我地好開心想過黎又過唔到, 我地見到佢咁, 個心好痛, 喊到收唔到聲! (vet d staf一定以為我地痴線, 又唔係critical case, 喊到劏豬咁!) 其實我地明白佢震係庥醉之後嘅反應, 但係見佢吊晒drip, 下半身又唔郁得, 又想行過黎果個樣, 我個心真係好痛! 由於唔係正式探病時間, 我地只可以留幾分鍾, 當我地走果時, 聽到CoCo哀鳴, 個心真係痛上加痛!!!!! 平時CoCo已經好驚去clinic, 加上又有separation anxiety, 而家仲要唔知點解行唔到, 佢一定好驚!!!!!

好唔想掉低阿囝一個喺醫院, 但係又擔心vet斷症唔知係咪100%準確, 萬一過左幾日都仲係郁唔到咁點算? 如果而家同佢出院又好似有d擔心..............

希望vet無推斷錯, 希望CoCo好快可以好返, 好掛住阿囝呀! CoCo你要be a brave boy, 快d好返去游水水啦!

2009年10月14日星期三

Dr. Milky @ Woodland Pre-school

已經差唔多一年無帶Milky去做義工, 雖然animalsasia好好, 唔會因為無join visit好耐而將Milky"炒魷", 不過好多visit都係九龍/新界, 實在太遠啦! 今次咁arm就到地方時間, 所以Dr. Milky又有得開工啦!

今次係去一間國際學校做presentation, 向小朋友介紹下"狗"係咩, 同埋點樣對待狗狗. 外籍小朋友大部份都唔驚狗 (呢樣我真係好佩服外籍daddy mammy, 唔似得d港爸/港媽, 自細就灌輸狗會咬人既concept比小朋友, 見到人帶狗就miu咀miu唇!!! 人地外國人自細就教小朋友點樣尊重生命, 狗係人類既好朋友 etc.)

我基本上係行唔到埋Milky度..................