弟弟的中文名字

弟弟的中文名, 到出世後都未有定案.

我地鍾意個"桓"字, 當初屬意"子桓", 不過後來發現原來曹丕個名又係叫"子桓",  爺爺話
唔好同個奸臣一樣名, 所以要再諗過......

根住諗到"柏桓", 不過兩個字都係 "木"字邊, 又好似太重"木".......

後來姨姨提議"珀"字, 經過翻查字典典故, 就決定用 "珀桓"啦!

珀：受雨露以彌堅，與日月而終畢
桓：古時之巨柱，隱含巨大威武之意

Welcome, Mr. 馮珀桓! 

 

參觀藝術展

其實這是學校聖誕假期的功課, 但媽咪仲坐緊月, 去唔到遠d嘅藝術館參觀... .....

 

12月27日, 叫做坐完月, 好彩Creative Kids喺太古城有個作品展, 近近地媽咪可以陪家姐去啦!

媽咪終於可以陪下家姐仔去街, 睇佢幾開心:

好似好有興趣噤喎........

 

一直都好欣賞Creative Kids, 因為小朋友d作品真係好creative, 畫畫畫功唔係唔重要, 不過噤細個creativity仲緊要, 可惜時間地點就唔到, 唔可以比Sheryl去上堂

一向無咩耐性嘅Sheryl, 真係須要一d訓練耐性同專注力嘅課程, 過多一排等媽咪無噤忙, 就要開始為佢物色了!!!!!!

 

Aidan滿月

雖然話第二胎有晒心理準備, 不過都唔代表唔辛苦.  頭一個月全人奶, 2-3個鐘餵一次, 無覺好瞓都預左.  不過今次仲要驚佢嘈醒家姐, 好鬼大壓力....

唔知點解, 瞓埋一間房, 但係頭3個星期弟弟都無嘈醒過家姐!

第3星期開始試下泵奶出黎用樽餵, 原來弟弟已經食到150ml..........




差不多滿月啦!



弟弟同家姐仔一樣, 一出世就好"硬頸":



滿月了, 開始好多表情, 不過鍾意玩通頂唔瞓覺......

 

12月24日滿月日, 又係平安夜, 同爺爺嫲嫲公公婆婆落樓下食滿月飯:




一個月大返健康院, 體重有3.84kgs (約8磅半), 重得好ok, 全人奶無問題啦.  希望弟弟快d夠10磅可以介夜奶!