維多利亞小豆豆合唱團 - Rapunzel音樂劇

學期最後一堂合唱團安排左去維小表演音樂劑 - Rapunzel.

阿囡一人分析兩角 - lettuces and wedding guest (即係大咖!)

扮演主角嘅多數係K3, 人地真係好叻叻呀, 又唱得又演得!

表演完後派發成績表......

 

仲有之前校際張 cert.

$3200 一年 (9個月) 都算抵玩, 出年繼續玩!!!

第65屆香港學校音樂節 - 優勝者音樂會

3月份Sheryl學校合唱團參加第65屆香港學校音樂節, 得到甲等成績, 其實幼稚園組係無名次之分, 只有grade, 即係同一組別可以有幾組係甲等. 

後來學校通知原來我地被選為各分區 (全港) 之中最優秀的隊伍 (有點驚訝), 更被邀請於4月27日的優勝者音樂會中表演!



門票係要自己比錢買嘅!

當日場刊......

其他組別優勝者......全部都係名校............

 

可想而知名校點解係名校, 佢地嘅表演真係令人拍晒手!!!!

表演過程同樣係唔可以影相, 不過頒獎就可以啦!

Sheryl......竟然做代表上台攞獎!!!!!!  好彩有佢個靚仔"boyfriend"磅住!!!

孔校長親自出席打氣......

2013樂施音樂馬拉松

4月21日, 參加了2013樂施音樂馬拉松, 表演地點係太古城商場.

只係揀左一首Sheryl比較喜歡又好聽的歌仔, 希望佢唔好怯場.

表演前同PPEA其他學生大合照......

 

心情好輕鬆, 因為未知發生咩事???

出場啦.....一開始.....佢係.....唔記得左!  其實有譜得, 可能太緊張了.  佢自己亂噤彈左半分鐘......之後可能冷靜左d就彈返原本隻歌啦!!!

好彩竟然無人發覺佢彈錯, 都叫可以完成首歌

事後同校長合照:

阿囡其實你真係好叻了, 比著係我, 第一次上台彈, 一定驚到唔知彈左d咩,  所以一於有獎品!!!

第65屆香港學校音樂節－幼稚園唱遊

３月１１號放學後，Sheryl跟隨學校合唱團參加第65屆香港學校音樂節－幼稚園唱遊組比賽．

其實都唔算係比賽，因為呢個組別係唔計名次的，只係分Grade A,B,C,D.

比賽曲目係”春天來了”，　阿囡負責扮花

 

仲要set頭化妝．因為我平時唔化妝，所以阿囡見人化妝有ｄ驚，仲以為會痛痛，我同佢講只係put some color on your face, 　佢先肯試下，點知試左之後一照鏡，佢轉頭走去老師度話要搽多ｄ．．．　女仔天性都係貪靚！！！！



當日比賽場地係浸會大學大專會堂，門口有長長的家長人龍等入場．

因為大會好嚴格規定唔準影相，連拎個電話喺手都唔比，　所以係影唔到任何相．．．．．

其實大部份比賽隊伍都表現得好好，結果阿囡學校攞Grade A, well done! 

項目: U79

幼稚園音樂唱遊 - 中文歌曲 - 6歲或以下 Kindergarten Music Activities - Singing in Chinese - Age 6 or under 每隊參賽隊伍的人數不能少於20人或多於30人。 本項目不設評分及名次，參賽隊伍之表現均以等級(A、B、C或D)來評定。隊伍成績如獲A、B或C級，將分別獲發榮譽、優良或良好獎狀。 參賽隊伍可自由發揮，但不可超出限時。隊伍可自行決定是否需要服裝、道具或鋼琴伴奏。 限時：5分鐘(包括台上的準備時間) 音樂節比賽目錄內有關此項目的特定要求，參賽者必須遵守。 請按此細讀比賽目錄。 比賽樂曲: 春天來了   以下參賽者的報到時間為下午2時00分，比賽時間為下午2時15分 1. 聖保祿幼兒園 2. 明我幼稚園（奧運校） 3. 東華三院力勤幼稚園 4. 威廉（睿智）幼稚園 5. 嘉諾撒聖心幼稚園 6. 民生書院幼稚園 7. 朗思國際幼稚園／幼兒園（麗港城） 8. 學之園幼稚園（凱帆薈） 9. 嘉德麗幼稚園（粉嶺） 以下參賽者的報到時間為下午3時30分，比賽時間為下午3時45分 10. 維多利亞幼稚園 11. 明我幼稚園 12. 右思維幼稚園 13. 德望小學暨幼稚園（幼稚園部） 14. 蘇浙小學 15. 聖安當幼稚園 16. 學之園幼稚園暨雙語幼兒園 17. (取消資格)

鋼琴課@HKPPEA

基於媽咪只係識彈鋼琴嘅關係, Sheryl 順理成章地學鋼琴.

上完Tom Lee的Music Wonderland, 柏斯的兒童鋼琴班後, 4個月前開始比Sheryl喺屋企樓下Tom Lee單對單學琴.  學左3個月, 發覺佢都ok有興趣, 同埋老師話佢學得幾快,於是就上個月就開始轉去HKPPEA學, 因為師資好d.

報名時學校問我有咩要求, 係想要考級數定提高學習興趣, 我毫不猶豫地答唔係考級數.  自己學琴, 知道打好個底係好重要.  考級數某程度上係限制左佢琴技上的發展.  仲好記得細個考琴, 為左要考得好, 全年大部份時間都只係彈考試果幾首歌, 即使彈得好, 都只限果幾首考試歌而已.  當然每個家長要求唔同, 有人覺得樂器只係一種考名校的工具, 噤考級數好重要.   不過講真, 而家除非考4,5級, 如果唔係的話, 報學校拎住1,2 級真係無咩用. 

我希望樂器可以陪佢一世, 唔係只因為考學校.  雖然自己好耐無彈琴, 但其實偶然都會手痕想彈下, 而彈到自己鍾意嘅歌係一種樂趣, 音樂欣賞係一種修養, 所以好希望Sheryl可以真正愛上音樂, 唔好淨係為考試而學樂器.

老師話佢sight reading 比同年齡小朋友好, 不過都係怕難, 成日想avoid一d難嘅歌, 希望老師可以鼓勵佢克服呢個問題.

中國水墨畫揮春

CNY 2-days workshop at Creative Kids.

自己幾鍾意中國水墨畫, 覺得柔和得黎又好有美感, 平時Creative Kids d 堂噤貴唔捨得比Sheryl去學, 見CNY有2-days workshop, 平平地又係水墨畫, 製成品仲可以當巨型揮春掛添......

我覺得好靚呀, 同埋我覺得係佢自己畫嘅, 最多係老師幫少少.  個春字都係佢自己寫嘅, 因為之後叫佢寫多次佢係識寫嘅.

張相可能睇得唔清楚, 張畫上面有d金色閃粉架, 好靚靚架!

如果我有時間都想學下!

維多利亞小豆豆合唱團 - xmas show

開學時學校":邀請"左Sheryl join維多利亞小豆豆合唱團, 而家每星期練習一次, 遲d會去校際同其他表演.

其實上左3個月, 都唔係好知佢perform成點, 終於聖誕前邀請我地家長去睇xmas performance.



身高算係高嘅Sheryl要企第一行中間...因為合唱團大部份都係K3學生, K2唔多, 加上阿囡10月出世係細囡, 所以企埋去好似好矮噤.

以下呢段video係Sheryl最鍾意嘅歌 - I saw mammy kissing Santa Claus:

 

個個都唱得好落力喎, 你睇幾大個口


有埋動作, 絕無欺場架!!!!

Music Wonderland 畢業了

上左半年的Music Wonderland畢業了.

家姐好鍾意上, 因為係唱歌為主, 會彈少少琴, 訓練listening多. 

因為我自己識彈琴, 所以明白佢地上堂教嘅野看似簡單, 其實係train緊一d好重要嘅學樂器嘅foundation, 因為如果Aurel唔好, 學任何樂器都只會事倍功半. 




Music Wonderland最後幾堂會試上JMC內容, 包括唱歌 (其實唔簡單架, 因為係要唱drmfs)

其實真係好鍾意Tom Lee Yamaha 呢個課程, 有家長可能覺得淺同進度慢, 但係識樂器嘅人就會知佢個課程其實唔係唱歌仔噤簡單, listening真係好重要的.
 
不過決定唔上JMC, 一來家姐會開始單對單學琴, 二來JMC要上兩年, 好大commitment, 出年家姐K3轉下晝班d時間又唔啱.  最大問題係要有大人同佢一齊上, 工人姐姐同嫲嫲其實未必應付到, 即係要我同佢上, 但係又夾唔到時間.

唯有忍痛唔上JMC......不過yamaha呢個course 都係強烈推介的.

維多利亞小豆豆合唱團

早前收到學校通告, 邀請Sheryl加入佢地嘅"小豆豆合唱團".   家姐一向鍾意唱歌, 不過走音架喎......

通告話家姐有潛質...走音喎...wakakakaka!   可能係有潛質比錢, 因為係要比學費的.  Anyway, 唱歌又真係家姐仔鍾意嘅, choir可以訓練下佢跟下規矩都好.

合唱團有機會join校際音樂節, 雖然幼稚園租別係不設"比賽", 只係計分分grade, 不過都應該係一個好好嘅經驗 

 

除左校際, 仲會join下其他表演同比賽, 平均每月三百幾蚊都算好抵啦!

合唱團有三十人左右, 好多都係K3學生, 身為K2細囡嘅Sheryl, 分分鐘係合唱團入面最細果group, 希望佢ok啦!

Yamaha YM5 鋼琴

Sheryl 就快上完Tom Lee的Music Wonderland, 而柏斯的兒童鋼琴班都已經上左一半, 過多兩個月要開始單對單學琴了.

媽咪自己好多年無彈琴, 有時都會手痕想彈下, 所以決定買部二手琴, 一為Sheryl練習, 二為媽咪手痕彈幾下

又係經過一波三折, 終於同個私人賣家買到個好新嘅Yamaha YM5 made in Japan, 只係兩年琴齡. 有齊Tom Lee單, cert同tune琴record, 真係算係good deal! 

YM5同U1一樣高121cm, 只係用料次U1一級, 不過問過Tom Lee sales, 佢話其實分別唔太大, 如果初學就更加無問題.  我信佢因為佢無利益衝突, Tom Lee而家已經無YM5賣, 最平made in Japan只有U1, 所以佢無理由sell YM5而唔sell U1


根據serial number, 係2010年尾製造:



齊晒Certificate 同單:


Size剛剛好.......



Sheryl見媽咪彈歌仔, 佢好興奮話又要彈......



呢個就係我嘅策略, 特登喺佢面前彈d佢like嘅歌, disney princess 果d , 佢見媽咪彈佢就自動自覺話要彈