Aidan 識企了 @8個月

8個月大的Aidan, 學識扶住野企起身了.

識企姐....個樣唔洗噤串呀????

 

好得戚...........

除左識企, 仲識同人玩, 係成日撩人同佢玩!

同Daddy玩拋波波喪笑中.......

唔該可唔可以同我玩呀?  Pleeeease!

Aidan的新highchair

Aidan出世之後一直用緊Sheryl之前果張Aprica highchair, 好處係可以瞓平當搖床, 喺Aidan未識坐時真係幾有用, 我地喺廳或者食飯時可以放佢瞓喺highchair瞓.

不過Aidan已經8個月大, 唔會甘心瞓喺度, 要坐直直8掛睇野.  張aprica太大張又嘥位, Aidan而家係須要一張坐得穩陣食飯嘅就ok, 唔須要瞓平.

想搵一張可以摺埋慳位的, 睇左好多如chicco, fisher price.....etc.  就算摺埋都好大張, 同埋又貴.

最後比我搵到呢張joovy highchair, 好simple design, 無得較高矮, 無得挨斜d, 不過就可以摺得好細, 摺埋之後仲可以放食飯枱底, 勁正!!!!   Baby Central 賣$1300, 唔係貴美國買好多, 加上我$950賣左張aprica, 補返$350就有張新highchair啦!  (好師奶.....)


Joovy highchair:  http://www.amazon.com/Joovy-Nook-Highchair-Black-Leatherette/dp/B003U9V19C/ref=sr_1_1?s=baby-products&ie=UTF8&qid=1347948919&sr=1-1&keywords=joovy+high+chair

摺埋之後好細張..............




黑色simple無公仔, 好型呀!!!  加埋Aidan呢個cool bossy look, 真係一流.

睇黎boss幾滿意張大班椅, hehe

K1畢業家長日

Sheryl的K1過得好快!  因為我要照顧初生的弟弟, 所以講真Sheryl K1全年我都無咩點理, 好彩Sheryl間學校係happy school, K1基本上唔多功課.

學期完結家長日, 老師派下學期評估表同埋一大本profile............




英文老師Miss Claudia!    Sheryl間學校最好我覺得係語言, 因為雙班主任 (英粵), 英文老師全程喺度, 所以全班小朋友對住英文老師就自動識轉台講英文.  佢地全部都係唔止講full sentences, 仲要係一段conversation都無問題, 我諗local 幼稚園K1應該未必可以.  當然學費同成效成正比, 不過學習語言係要語言環境, 要製造每日3個鐘全程有英文老師在場, 就算出去學英文最多都係一星期一兩堂, 如果一星期15個鍾我諗而家學費嘅兩倍都唔知得唔得. 學校有埋phonics唔洗出去學, 計落條數其實都唔係貴.  不過香港家長一般要求學術, 噤Sheryl間幼稚園就唔係佢地杯茶了.   個人始終相信學習係終身嘅, 幼稚園最重要係語言發展.  不過呢個concept 唔match香港嘅教育制度同遊戲規則...........................

Sheryl返學好開心, 老師比佢嘅評語係"主動"  "有領袖潛質", 同埋......."成日講野, 咩都講, 咩人都傾計, 不停講不停講........."

上到K2唔可以再係噤啦, 掛住傾計就會聽唔到書,  上堂傾計喺學校不嬲都係死罪黎架!!!!!!   真係要諗下計先得!

已經幾肯定Sheryl係用左手的.....希望學寫字唔太困難啦.................

K1正式完結了, K2會多好多功課, 同埋phonics進度會快好多架啦, Sheryl同媽咪都要加油!

Aidan睇煙花

7.1回歸, 個人認為無咩值得慶祝.....

不過既然有煙花睇又唔好嘥.  公公婆婆屋企裝修緊搬左去海灣軒暫住, 一行落樓下就有得睇, 仲唔洗逼!

Aidan 第一次睇煙花, 好叻叻唔驚無喊喎!  (可能係蠢得濟唔識驚?)

無喊不過呆左.....................

Sheryl去左邊呢?   有公公婆婆喺度, Sheryl係唔跟我地架啦, 一早去左搵公公抱...............