Aidan的新highchair

Aidan出世之後一直用緊Sheryl之前果張Aprica highchair, 好處係可以瞓平當搖床, 喺Aidan未識坐時真係幾有用, 我地喺廳或者食飯時可以放佢瞓喺highchair瞓.

不過Aidan已經8個月大, 唔會甘心瞓喺度, 要坐直直8掛睇野.  張aprica太大張又嘥位, Aidan而家係須要一張坐得穩陣食飯嘅就ok, 唔須要瞓平.

想搵一張可以摺埋慳位的, 睇左好多如chicco, fisher price.....etc.  就算摺埋都好大張, 同埋又貴.

最後比我搵到呢張joovy highchair, 好simple design, 無得較高矮, 無得挨斜d, 不過就可以摺得好細, 摺埋之後仲可以放食飯枱底, 勁正!!!!   Baby Central 賣$1300, 唔係貴美國買好多, 加上我$950賣左張aprica, 補返$350就有張新highchair啦!  (好師奶.....)


Joovy highchair:  http://www.amazon.com/Joovy-Nook-Highchair-Black-Leatherette/dp/B003U9V19C/ref=sr_1_1?s=baby-products&ie=UTF8&qid=1347948919&sr=1-1&keywords=joovy+high+chair

摺埋之後好細張..............




黑色simple無公仔, 好型呀!!!  加埋Aidan呢個cool bossy look, 真係一流.

睇黎boss幾滿意張大班椅, hehe