開學洗剪吹

開學前, 又係剪髮時間了.

Sheryl一直都好好好好好驚洗頭.  係真係好驚果隻, 所以從來無喺出面洗過頭.

就黎4歲了, 點都要佢試下, 出盡法寶先氹到佢試下..........  都仲係超級驚.........

好唔容易捱過左果十分鐘, 即係得戚返........

 

Magic Mirror嘅 Chris姐姐好好手勢, 好快攪掂了!

剪個靘髮等開學啦!

Aidan 自己食奶 @ 9 months

生第一個時, 一般媽咪都會好著重快d教bb學野, 拍手, 企, 行.......務求要令bb大小肌肉心智發展都超前正常的develeopmental milestones.  就好似當年我對Sheryl噤.

到弟弟了, 要照顧兩個實在係非常充實, 沒有多餘的時間去幫弟弟超越起跑線....   反而要早d train佢自理能力, 好似自己揸奶樽食奶奶噤.

其實係要我幫佢放對手埋去, 佢就會自己揸實, 食完又會自己拎出黎

教識左之後, 真係方便好多, 佢自己食我就可以去做下其他野, 對手又唔洗抱到噤辛苦

Yummy yummy..........

暑假最後衝刺之Mermaid遊迪迪尼

成個暑假掛住攪搬屋d野, 完全無同阿囡去過玩.  8月尾搬屋d野settle晒, 開學前同佢去一次佢最鍾意去嘅迪迪尼啦!

仲著埋佢偶像 Mermaid Ariel 件衫扮公主......

今之仲比工作人員揀左做vip, 幫手派貼紙比其他小朋友.  不過佢唔鍾意著件衫, 開始時苦口苦面話件衫遮住佢件公主裙....

完成任務後哥哥送左成包貼紙比佢, 先至有返笑容!


今次玩左好多野, 阿囡都好乖要排噤耐隊都無扭計.  第一次坐toy story 彈弓狗車, 驚都要我攬住....



佢都係鍾意同卡通人物影相多d.......








今次唔算太多人, 玩左好多game好盡興呀!  不過有段小揷曲.  我地次次都會租架bb車比Sheryl坐同擺野, 我地放左架車喺shop門口入左shop買野, 出黎架車竟然唔見左!!!!!!   你話我歧視都係噤話, 一定係d大6人攞左.  好彩架車上面咩都無, 工作人員都即時比過架我地.  不過呢d行為真係好唔要得, 噤我下次唔洗比錢租啦, 是但攞一架咪得囉!!!!  噤仲成世界嘅????

 唉, 國民教育就係教出呢d人?

搬屋記

終於都要搬啦! 

搬屋當日搵左1128搬屋公司, 佢地好好人呀, 仲主動話幫我搬多d野等我唔洗自己搬噤辛苦.  因為我地只係搬去同一屋苑另一座, 所以廚房toilet同埋衫都係自己搬, 一車推過去即時放回原位 (間隔都一樣的).  佢地好快手就攪掂, 全程好有禮貌好helpful


其實之前一星期已經安置好大部份傢俱, 因為舊屋大部份都係入檣搬唔走, 新屋要再買過搬屋當日只係搬雜物同幾件傢私.

搬完之後, 面對成間屋都係紙箱紅白藍, 真係人都癩!!!!  好彩一早安排左Sheryl Aidan去嫲嫲度住兩日, 如果唔係都唔知點算!




新傢私大部份Ikea攪掂!

Sheryl 房:


呢個柜真係要介紹下, 其實係一個二手柜, 只係$800, 加埋運費$1600.  好新淨, 仲要size good fit!!!  因為有條樑, 買新嘅現成都搵唔到啱位, 如果訂造一黎要等, 二黎好貴, 呢個size要成3千幾4千蚊.  噤啱網上見到呢個二手勁新又fit size, 即買!    好襯阿囡間房張公主床呀, 阿囡仲話對門好似castle windows

阿囝間房張床同個柜都係上手租客留低的, 又係好新淨.  加上而家阿囝噤細唔會瞓住, 暫時比工人姐姐瞓, 下層可以放好多書同玩具添!

 

主人房細過舊屋好多, 放埋阿囝張床之後只可以放一個好細嘅衣柜.............



Aidan入伙了!

搬一次屋真係勁辛苦.......不過都有好處, 就係我掉左好多好多好多野, 又比左好多野救世