發表文章
所有留言
04.07.2010 - Day 6
最後一日, 朝早10點機返香港, 7:30am起身, 搭酒店shuttle去機場, 車程10分鐘左右, 大約8:20am去到, check in排長龍........................
Check in完去左食早餐, 食完都無咩時間行, 直接去閘口上機.
今次班機就差差差啦! 舊到連d制都甩晒色, business class都只係econ闊少少, Sheryl成程都唔肯瞓, 爬黎爬去又要落地walk walk, 攪到我地兩個人只係食左一個飛機餐.
阿囡情緒高漲, 抱到我成身散晒!
最慘係, 人地架機一land佢就瞓著左, 一路抱到佢上的士.............
返到屋企沖完涼, 整左少少ABC粉加工人姐姐預先整左嘅雞肉菜菜比阿囡食, 之後就一家三口瞓晏覺, 大昏迷左3個鐘!!!!!!
今次因為就7.1大減價, 所以其實係行街居多, Sheryl表現已經唔錯, 成日坐喺車仔等我地shopping都唔係太扭計, 係唔肯食嘢就煩d!!!!
下次等阿囡大d可以去東京, 應該多d親子地點, disneyland, farm, etc.
03.07.2010 - Day 5
今日要check out Hotel New Hankyu啦, 朝早check out前去返Hep Five間Hysteric Mini shop掃貨. 呢度同崛江果間專門店真係差得遠, sales姐姐好nice又同Sheryl玩, 買得開心好多囉!
Check out之後就坐返酒店門口嘅Airport Limousine去機場, 再轉機場JR搭一個站去Rinku station間Washington Hotel
Washington Hotel喺airport對面, 其實有shuttle bus往返機場, 不過一早一晚先有, 我地中午時間去就無, 不搭JR. 不過喺Rinku station行過去全程都係行人天橋, 所以問題都唔大!
間房好大呀! (其實係正常twins size, 只係梅田d酒店實在太細, 比較太大啦!)
Sheryl仲喺張sofa度爬上爬落
休息左一陣, 4點左右就行去隔離嘅Rinku Premium Outlet. 途經Seacle商場, 原來呢個商場好正, 係親子theme, 好多小朋友嘢賣, 有間西松屋, 仲有indoor playground比小朋友玩!
Seacle有大摩天輪:
到Outlet啦!
其實我地仲未食晏, 所以去左醫肚先, Sheryl 又nap左:
其實梅田都減緊價, 所以outlet相對唔算吸引, Sheryl nap左果粒幾鐘, 我地已經食完嘢行完啦!
Sheryl瞓醒都差唔多6點, 帶佢去outlet間lego shop玩免費lego:
玩完再行多一陣, 就返Seacle行, 我地發現左一個類似香港playtown咁嘅地方, 不過d遊戲係比細d嘅小朋友玩, 500yen一個鐘 (~$43), 雖然果時已經係7:30pm, 佢地收8點, 只係玩得半個鐘. 不過最後一晚喺大阪, 唔緊要啦, 一於照玩!
阿囡勁鍾意呢個遊戲...........
原理其實好簡單, 只係用風吹起d波波, 好似吹bubble噤.......
阿囡玩完一間又要去另一間...............
開心到震!
仲唔肯走, 捉佢出黎佢又走入另一間波波房, 最後當然係要夾硬將佢抱走!
Dinner喺Seacle D 餐廳食, 之後就返酒店執嘢, 因為第二日早機返香港啦!
Sheryl今晚有bb床, 我地3個都攰到一覺瞓天光!
02.07.2010 - Day 4
又出發啦! 今日第一個目的地係本町站的Akachan
好大好多bb嘢賣, 仲好多香港人呀 ~~~
講真唔係平好多, d奶粉仲貴過香港, 只係買左少少嘢.
Sheryl又有免費玩具玩, happy!
下一站係位於堀江嘅Hysteric Mini專門店, 之前係梅田Hep five果間無買到嘢, 因為諗住睇埋堀江呢間專門店先.
途中食一風堂拉, yummy!
食飽行去Hysteric途中, Sheryl已經nap左.
人地d公園比狗狗入架, 又見到隻靚仔黑lab啦!
Hysteric Mini shop! d裝飾設計好靚, 無價減, 加上sales寸爆, end up淨係買左件飯衣就走人! 決定返梅田幫襯Hep Five果間好過!
今日再去到難波間0101, 因為尋晚姨姨報料話呢度有加大碼jelly beans鞋減緊價, 所以一定要去! 點解我尋日見唔到架????
嘩, 好多款呀, 仲要係26號, 香港d jelly beans鞋我從來都無見過有26號咁大架! 大減價只係4百幾蚊一對. 試試試.....其實好多都好靚, 加上jelly beans係made in japan, 真係唔買對唔住自己囉! 不過佢地幾乎無平底/踭款, 所以只係買左兩對 (姨姨買左4對呀!!!)
買完鞋Sheryl nap完, 心情靚靚又周圍跑!
之後行左去Namba Park同Namba City, 好大好靚好新, 好鍾意難波, 呢度間swissotel hotel仲係車站直達, 最衰無limousine, 下次如果再黎, Sheryl又大d就一定要住呢度先得!
又到攰到爆嘅時候, 又返酒店比Sheryl食粥, 搭地鐵時Sheryl要daddy抱,
架車仔用黎放晒d戰利品, 正!
由於我已經行唔郁, 所以就由daddy負責去阪急百貨掃減價sushi返黎. 原來呢度仲平過我地第一晚喺阪神買果d, 大大板海膽半價, 只係要HK$70, 大大盒toro都只係HK$60, 想點????
01.07.2010 - Day 3
到7月1號啦, 日本全國一年兩次大減價開始. 另一次係1月, 不過1月勁凍, 都係7月去好d!
由梅田搭3個站地鐵去心橋. 一出站就有大丸新館, 年青版, 好多嘢睇架!
跟住一路行到落道頓堀, 全程有遮頭, 不過有單車行, Sheryl落地行都要小心睇住佢. 途經agnes b 專門店, 部份減價, 但係自己買唔到嘢, 買左呢對超正減價水靴比Sheryl.
去到道頓堀, 食超好味的四天王拉
食飽繼續行落難波, 途經某寺廟, Sheryl突然好高興, 喺咁喺人地門口擺pose, 真係善哉善哉!!!!
近難波有間bic camera, 其實同yodobashi差唔多係好大好多層嘅電器舖, 有一層係賣玩具嘅, 人地日本百貨公司好好, 開左好多玩具出黎比小朋友任玩, Sheryl淨玩免費玩具都開心到不得了. 最後我揀左個平平地嘅anpanman玩具比佢, 係佢呢期最鍾意嘅入coin噤制玩法
經過出名食咖喱飯的自由軒, 又食......
Sheryl好合作, 我一開始shopping佢就nap左, 瞓醒之後心情大靚, 仲見到大minnie 公仔, 好happy!
真係度度都減, 正!
嘩, 超攰, 打道回府(酒店)休息下先, 順便喺房比粥仔Sheryl食. 有新玩具, 勁開心!
8點幾快charge完就行過阪神百貨搵嘢食. 途中有d舖仔都減緊價, 講真d款同牌子嘢差唔多, 但係價錢只係千零二千yen (約HK$160 - HK$240), 超抵, 又掃! 阿囡等我掃貨時自娛中......
Dinner食shabu shabu set, 好好味呀, 不過就貴d, 成3500yen一個人.
