CoCo的4歲 "陰公"生日會

今日係CoCo四歲生日, 阿爸阿媽無論幾唔得閒都要同阿囝慶祝下!  過去兩年CoCo Milky d 生日蛋糕都係我自己整, 因為驚街買果d唔知有咩成份, 自己整就最安全又一定無防腐劑.  但係今年真係忙到訓都唔得閒, 唯有做左一樣為人父母最差0既行為 --- 用錢買野做補償! 

買返黎0既花生漿味birthday cake:

CoCo對住個cake當然勁開心, 不過總係好似有少少憂鬱咁... (唔知係咪我心理作用!)

自從上次我post左某人買比CoCo果張床之後, 引黎極大迴響!  近至各方狗友, 姨姨婆婆, 遠至美國0既姑婆, 都替CoCo抱不平, 極力要求要買過張大床比CoCo, 最終某人0係輿論壓力下就範, 阿囝有大床啦!  仲有生日禮物 "CoCo the Elephant"陪訓添!!!  CoCo對張床真係"愛不惜手, 趕佢都唔走"!!!!

咁多好野,又點解會"陰公"呢???  話說前幾日有人發現個杯墊"受傷倒地", 有被咬0既痕跡, 有人一怒之下打左CoCo一身, 跟住果兩日疑犯再度犯案, 估計某人應該又再"教訓"左CoCo一次!  直至CoCo生日會之後, 疑犯又再犯案, 某人正打算施刑之際, 工人姐姐供出真兇, 原來真兇係MILKY!!!!!!!!!

CoCo無端端比人打左一身都唔知咩事, 佢阿媽真係心痛到死, 即刻攪住阿囝安慰一番.  某人都好內疚, 呢幾日阿囝應該會有無限量0既零食同埋波波玩!!

呢個可能就係CoCo有少少憂鬱0既原因, poor CoCo!!!!

硬頸

雖然Sheryl出世只有5磅14安士, 但係個個都話佢"硬頸", 食完奶坐直掃風, 佢個頭仔都可以有少少control, 唔係軟lai lai果隻. 

而家Sheryl兩個半月, 依然"硬頸", 對腳仔有時仲大力到可以撐到自己由床尾上左去床頭!  可能係因為我大肚果時除左食醫生prescribe 0既維他命之外, 仲日日最少飲一杯鈣思寶0既原固!

兩個半月人仔, 個頭仔撐到幾高!!!!!

仲撐得鬼咁開心!

阿囡, 你大個左一定好硬頸, 我地今次屎梗!!!!!

去街街

上次食buffet食得唔暢快, 於是元旦日又出動, 今次去左公公推介嘅Sheraton, 用HSBC信用咭仲有15%off.  今次唔算好多嘢食, 不過樣樣都好好食, 最正係有即開oyster, 完全唔同平時buffet食果d"行"嘢, 好甜好creamy!

姑婆過兩日返美國啦, 仲提早派利是比Sheryl添, thanks!!!!

Sheryl又係成晚都有人抱!

元旦先去完街街, 星期日 (1月4號)又出動, 今次出發前問左Auntie魚片, confirm左Element商場有育嬰室, 就出發"過大海"!

我諗Sheryl一定係遺傳左我鍾意Shopping嘅gene, 明明眼瞓到死都唔肯瞓落車仔, 成餐飯都要人抱, 手都軟埋!

食完嘢去行街, sales姐姐話Sheryl 好似男仔!  睇真d又真係幾似架!

行到夠鐘食奶, 就去呢間好靚好大嘅育嬰室, 最正係好少人, 可以"包場"!

仲有獨立餵人奶房, 真係無得彈!