些路放狗@赤柱

國慶假期前3日阿囡都發燒, 學都無得返, 好彩佢好識做地一放假就退燒!

國慶一於出去吸下新鮮空氣, 就近近地去赤柱啦! 

今次仲帶埋Milky家姐去添!

幫手拖狗..........

呢張好姊妹情深噤款!

見到人地玩緊bubbles, 又肉緊到唔知點好..........

好難先捉到Sheryl企定定影張相

姊妹合照, 我地似唔似樣呀?

有小朋友過黎摸Milky, Sheryl仲負責介紹, "Milky's head!"  但係點解要介紹個頭only呢??????

餵家姐飲水水.....

玩到天黑三父女攰到行唔郁.....

點知唔夠幾秒, 喪b又叉足電再玩過!  仲要係噤玩"行樓梯", 難為你阿媽我要跟住你後面一齊行!  攰屎我!

結論係: Milky真係乖好多, 叫佢行就行企就企, 又唔會扭計, 同佢出街輕鬆好多 (所以daddy全程爭住要負責拖Milky....)

喪跑日

難得有個噤大又唔洗錢又無人嘅大草地比喪b跑........

加埋至愛嘅bubbles............

真係喪上加喪, 連阿媽喺邊都好少理!

So happy ~~~~

Marco哥哥: "我想拎個波黎睇下呀..."  (下? 有咩好睇?)

Sheryl " no ~~~~~~~~~~"

最終Marco失敗左.....因為個籍口實在太爛!  不過....個波其實係Marco架喎!  wakakakaka!

喪跑完入酒店食好抵食好味dinner buffet, 仲有Halloween theme

Sheryl呢排好鍾意Zoe姐姐.......

食飽仲有免費playroom玩!

呢d就叫床頭打交床尾和, 仲一齊玩煮飯仔!

Happy到唔捨得返屋企.....

I like painting 之 bb畢加(思)索

阿囡係一個開心bb, 成日笑又鍾意同人玩, 媽咪希望你呢個性格可以keep住, 做個開朗嘅小朋友.  

不過有時又覺得你hyperactive得滯, 一玩開就玩到喪~~~

所以要比你接觸下"藝術", 培養下耐性同"內涵"

上緊柏斯音樂班, 大d應該都會比你試下學樂器. 

而家開始比你玩下painting啦!

呢set有10支paint brush, 10隻顏料杯, 同埋10支顏料.  不過我淨係買左brush同cup, 無買果10支color, 買左crayola普通果隻6色paint color.  一來因為果10支color貴, 二來我打算一開始只係比3原色(紅黃藍)Sheryl玩, 可以學埋mix color , 所以平平地買 crayola.

好有興趣噤喎.....

右手又得...........................

左手都得........................

媽咪當初仲擔心你周圍畫, 點知你已經好"自律"地淨係畫喺張紙度, 乖乖.....

本來舖排左比你"發現"red+blue=purple.  點知溝極個purple都唔似, 反而突然聽到你大叫"GREEN"!  叫到好似發現新大陸噤款!  原來無意間真係比你自己"發現"左blue+yellow=green!  因為係自己發現, 印象特別深刻, 自此之後, 就學識左blue+yellow=green啦!  . 

畫畫下又出新招, 話要坐喺地下畫.........

跟住又話要試下企喺側邊畫.........................

畫畫下又開始喪...............................

最後仲要玩埋finger paint...................

畢加(思)索大師完成左兩幅大作, 等我去ikea買個相架掛起你d名畫先!

最後玩到唔肯收嘢, 而家成日都話要玩painting!