朱古力奶細佬/細妹?

睇見呢個post, 相信好多狗友都會好興奮, 以為我終於攪掂CoCo爸, 可以養多隻狗...多就係多, 不過唔係狗仔, 係人仔呀!  係咪好surprise呢?  我諗好多人都會覺得我地唔似係想生bb嘅人, 不過其實我地有晒計劃架, 好似揀養咩狗, 我地都揀容易同小朋友相處既狗種, 我地又等到朱古力奶起碼3歲定d先, 加上我又趕得切唔駛做高齡產婦, 所以大家唔駛surprise!!!

至於朱古力奶, 我同佢地既相處方式暫時冇變, 佢地依舊同我瞓埋同一張床瞓晏覺, 因為朱古力奶好乖, 瞓覺唔會周身郁! 我地每晚都依舊落街玩波(不過每朝就要coco爸負責), 當然我只係負責茶水檔啦! 而水, 都一樣照游, 分別在於我只係負責坐係一邊睇, 同埋坐係度同牛奶妹吹毛! 

至於辛唔辛苦.......真係好辛苦! 一日24小時無論食野唔食野, 個胃同腸都充滿氣, 頂到上心口, 又嘔唔出喎, 如果唔夠瞓仲死, 試過有日喺公司坐喺度做野(仲要係唔趕既嘢)都可以頭暈!  到10週之後, 情況更加惡化, 有時朝早嘔胃酸, 日頭個胃繼續頂, 頂到半夜一兩點就頂到嘔, 仲要嘔返夜晚果餐消化唔晒嘅嘢出黎, 到朝早五六點又要起身去廁所, 基本上係無覺好瞓!   我仲嘔到隻眼爆埋微絲血管(後來睇醫生先知原來嘔得勁會爆眼微絲血管!!)   食又食唔到, 又係咁嘔, 攪到坐低起身都眼前一黑暈暈地!  月頭覆診醫生見我辛苦成咁, 開左一個星期病假比我.  不過都唔見得好舒服! 最慘係終日好似患左絕症嘅病人咁, 有病又無得醫, 如果屋企唔係有朱古力奶日日擺出一副(係兩副至啱) super cute嘅樣, 我諗我已經有產前抑鬱啦!   唉, 所以話做人阿媽真係好偉大架, 大家要對阿媽好d啦!!!

我係睇朋友介紹嘅尹鎮偉醫生, 佢雖然cool D, 不過好有經驗同比人感覺好pro. 4月頭覆左診, 度o左頸皮驗o左血, 唐氏screening正常.   至於係男定女呢, 醫生話未可以confirm, 但係佢都估左個性別(佢估嘅都係我希望嘅! )  而家bb大約15星期啦, 大家又估下係仔定係女?

呢幾張係12週左右0既ultrasound, 睇阿b瞓喺度個樣幾c服, 佢就c服得過啦, 真係難為佢阿媽......我!!!!!! 

 

手指仔:

一對腳仔, 仲見到腳指添:

p.s.  呢個就係上次淨係帶Milky去赤柱無帶CoCo嘅原因啦!  因為基本上我一直都唔舒服, 所以同朱古力奶出街都係輪流帶, 果次淨係帶Milky, 有時就淨係帶CoCo, 咁樣會輕鬆D!

香噴噴的朱古力奶

呢隻洗毛shampoo同conditioner真係好正.  舊年上網見到喺美國有得賣, 好多人用過都話正, 加上成份係全天然無化學嘢, soap-free, 又有香到震嘅香薰味, 所以舊年去美國果時諗住買黎試下, 點知行左好多間pet shops都無得賣!  點知返到香港竟然比我發現紅蘿蔔剛剛開始有得賣, 即刻買黎試下!  呢個係product嘅網頁: http://www.cloudstar.com//8B85D0640D2843F5A8CD806F241058A0.asp?sc_id=B10631071AB94FD89B42AF41F9BAEE13&pcs_key=444C8CBDE9C0483AA8D7FFA24E96A866

左邊果兩支係護毛嘅, 我買左兩隻味(薰衣草加薄荷, 同埋雪松木油加苦楝).  右邊果支係洗毛嘅, 我只係買左薰衣草加薄荷味.  我自己就鍾意薰衣草加薄荷多d.  朱古力奶用完香足成個星期, d香味唔係好濃, 同埋聞落好天然, 唔係好似香精咁!  之前CoCo有頭皮問題, 用左呢隻shampoo and conditioner之後就無左呢個問題啦!  而Milky以前乾旱嘅毛毛而家都軟熟左好多!  有次去游完水沖涼, 隔離個狗主話隻shampoo好香, 問我地喺邊樹買!   價錢都唔算貴, $85大大支(而家好似加左價), 朱古力奶大約3星期沖一次涼, 一支用成年!

睇過d成份, 都幾天然, 多數都係香薰油

有次見到有travelling set, 又買埋佢, 每次去游水就可以倒入呢兩個樽仔度, 朱古力奶兩隻用份量剛剛好!  啡色果舊係soap, 不過我無用過呀!

馮妙3歲啦!!!

馮妙今日3歲生日啦!  咦? 點解Milky個中文名由馮妙琪變左做馮妙嘅?  事緣有日公公好攪笑咁話"個囡嘅名唔可以有阿媽個名嘅字架!" (因為我個名有個"琪"字), 所以就變左叫馮妙啦!  wakakakaka! 

因為正日公公婆婆唔得閒, 所以提前左一日同馮妙慶祝.  阿囡今年又係食阿媽整嘅獨孤一味香蕉蛋糕!

姨姨送嘅零食 (for girls only!)

仲有好0錫Milky嘅婆婆肉緊地攬住個孫囡影相!

點解唔見公公嘅? 因為......公公偏心CoCo囉!!!! (其實係因為公公睇緊波, 不過佢都係偏心架啦! wakakakaka!)