發表文章
所有留言
星期日去左海港城, 消費$300再捐$100比公益金就可以玩 Artjamming 啦!!!!
仲著埋呢套親子裝出動!
Sheryl都有圍裙著呀!
Sheryl's first painting!!!!!!
Sheryl: "我有idea啦, 一於畫"人體彩繪", 你地睇下我隻髮夾係咪好靚呢???"
Sheryl: "我又畫!"
Colorful hand........
媽咪最後畫左我個best friend, DUCKIE! 我日日沖涼都同佢玩架! 不過媽咪d畫功真係.....
當日見到其他人個個都畫得好靚架! 我呢d自初中之後都無畫過畫0既, 只係畫到呢幅亳無層次感0既"超低能, 近攪笑"鴨鴨畫! wakakakaka!
8個月大0既Sheryl, 真係唔同左好多!
7個半月(6月4號)我第一次發現佢下面有兩隻牙仔凸左出黎, 前幾日又發現上面又有兩隻! 不過上面果兩隻有少少"爆牙"feel, 同佢阿媽我一樣, 死未?!!! 6個月大之前明明已經可以一覺訓天光, 個幾個月前開始每晚起碼醒一次, 我估應該係吽牙仔唔舒服, 但係我又唔想比藥佢食, 唯有日日挨眼訓返工!
食緊每日3餐人奶, 1餐奶粉, 1餐粥仔. Sheryl對粥仔興趣唔大, 每日都要好辛苦先食完碗粥, 30 - 45分鐘先食完!
抱住佢坐唔定, 唔係當我山咁爬就係周圍拎野, 有次9秒9掃左我杯紅豆冰, 倒左落自己個身度, 仲要發老脾爆喊!!! 攪到我無得飲都未鬧你呀, 仲惡人先告狀!!!!!! 而家就算坐係度抱住佢睇電視, 最多半粒鐘我已經成身散晒啦!
坐已經穩陣左好多, 伸手reach for toys都唔會lost balance, 係有時坐得耐或者轉身望後面果時會趺. 同我去Starbucks可以share一張sofa啦......
識得扶住野企起身, 仲要懶得戚咁un下un下! 爬就反而唔係好識, 而家開始可以爬到幾下, 不過會失控collapse, 所以只可以0係床度爬, 如果0係地下會撞穿頭!
訓覺都咁粗魯........唉......
.
好鐘意去街, 見到人食野好似好想食咁, 但係比佢又唔食喎!
同哥哥家姐相處融洽, 不過經常發生疑似虐畜事件!
Sheryl之所以笑得咁開心, 全因為佢左手扯住家姐執毛! Poor Milky!!!!
The sisters, so sweet............. (其實右手又扯住家姐執毛!)
3兄妹! 唔知Sheryl大個d會要求同哥哥定家姐一齊訓呢????
Sheryl對狗都幾有興趣, 對第一次見面0既珠女同波仔, 好唔客氣咁起勢扯佢地d毛, 扯完仲笑! 契仔契女只好無奈接受!
5月7號至31號, fisher prices 又開倉! 今次仲要0係正我公司果座building, 搭lift落幾層就到, 唔去出下血 (應該係放血) 真係對唔住自己! 加止我公司附近無咩好行, 落去開倉變成每日lunch之後0既餘興節目! wakakakaka!
今次放血後0既收獲如下:
雖然話開倉開一個月, 不過好野第一日已經比人掃晒, 其後有d再返貨, 不過竟然坐地起價, 貴過第一日!!!! 好彩我第一日已經買左大部份, 後期分段購入果d都confirm無加價先買!
今次佢地呢間learning home賣$720, 點知toysrus有幾日做promotion只係賣$699, 我再用埋d stars coupons之後只係要$630:
真係唔明點解d玩具正價可以貴得咁離譜, 下下都幾百蚊一個, 買兩三件都要千千聲, 所以呢d唔趕住用0既0野真係要等開倉先買, c奶d都要啦!!!!
