Letterland phonics course for parents

早兩個月前去左上一個Letterland phonics parents course.  其實Sheryl學校係用 jolly phonics 的, 不過letterland 有攪parents course, 地點又喺太古城近我地屋企.

 

一共4堂,  每堂內容如下:

Letterland每一個字母都會用一個character代表, 仲會有故事, 聽完之後覺得letterland有趣過jolly phonics.

 

上完4堂, 對phonics認識多左, 其實對無phonics training的家長黎講, 真係唔識點教個小朋友. 而有d音對大人都有難度, 特別唔係native speaker的家長.  所以小朋友學英文, 真係要native speaking teacher架, 如果唔係d音唔準, 學拼音都會難d.

 

2012亞洲校際朗誦比賽 - Solo verse speaking

本來呢個比賽報左英詩同普兒歌, 不過分開兩日, 而普通話比賽果日弟弟病左, 又得10度好鬼凍, 所以放棄左無去到.  只係去左英詩獨誦.

今次依然係用Pat a cake, 依然係無特訓.

今次Sheryl 好輕鬆, 可能對比賽流程有一定認識, 除左未夠大聲之外, 其他表現都好滿意, 起碼佢唔再驚喺人前表演, 而信心都大左好多.

結果......竟然有金獎!!!!!


可惜呢個比賽就算金獎都只係得獎牌無獎盃, 如果唔係就可以一圓阿囡話想要隻"gold cup"嘅夢想.

睇黎都係英文會發揮得好d, 因為佢有native tone, 最緊要係可以增強自信心, 比佢知道佢都可以做得到!!!!!! 

短短一個月時間, 已經由驚到唔講野到攞到金獎, 訓練自信心嘅目標可謂超額完成!   Well done Sheryl! 

人生第一個金牌

聖誕老人真係黎左呀!

"聖誕老人真係黎左呀!!!"  12月25日Sheryl一起身就大叫

因為佢發現佢床邊有份禮物, 仲有聖誕老人寫比佢嘅字條!

聖誕老人當然都送野比Aidan啦!

家姐又要玩埋一份, 坐左落去差d出唔返黎......

聖誕節下晝姨姨婆婆黎左我地屋企decorate薑餅人間屋......

好靚呀!  ]

Dinner去左Ritz Calton 食 buffet


其實弟弟發緊燒, 不過見佢精神ok就照去啦!

返到屋企家姐話要教細佬咩係聖誕樹......

Gingerbread man cookies 自家制作

Christmas is coming!!!

今日去左婆婆屋企, 同姨姨一齊玩自家制薑餅人曲奇.

Sheryl第一次自己設計, 好有心機地玩左半個鐘!

噤當然阿媽我整果d靚d啦!

完成晒啦!!!!  好可愛呀!!!!  最上面果4塊係姨姨的作品......

呢5塊係我整架, 都唔差呀!

呢3塊係Sheryl嘅作品, 因為佢唔係太控制到d糖漿嘅flow, 所以變左......受咀咒的薑餅人!  wakakakakaka!

至於Daddy呢兩塊, 我只可以話.....好有童真.....hahahahaha!

第四屆[華藝盃]粵港澳朗誦藝術人才大賽 - 英普

 

聽聞華藝盃水準同要求都幾高, 又係去見識嘅時候啦!

今次報左英文verse speaking - Pat a cake, 普通話兒歌獨誦 -  小老鼠

開始係英文, Sheryl有上兩次經驗, 今次知道發生咩事啦, 雖然出場果下都有少少驚要我陪佢行出去, 不過今次Pat a cake發揮得好好, 有節奏有native tone, 不過對手真係好牙勁, 七情上面又大聲.  我地完全無同佢練過, 只係喺屋企得閒叫佢讀一次. 

結果......


無獎, 不過見到Sheryl一次比一次進步, 佢絕對已經贏左自己!!!!

跟住係普通話, Sheryl的英文被老師形容為"好native"都無獎, 普通話更加唔洗諗, 不過今次又進步左, 就係Sheryl變得好輕鬆, 自己出場無驚驚, 大聲又有動作,




宣佈結果時, 評判話有幾個perform得好好, 不過混淆左一, 四聲, 所以可惜無獎. 



唔通係講緊Sheryl??   評判老師好認真比評語, 雖然無獎但都獲益良多, 知道佢將一,四聲混淆左, 對跟住學普通話好有用!

今次兩個項目都無獎, 不過呢個比賽絕對唔係豬肉獎類, 其他小朋友真係好叻表演得好好! 

最慶幸同安慰嘅係, 每一場比賽, 都見到Sheryl進步緊, 由第一場完全唔記得, 到好緊張朗誦晒但無動作, 到今次可以輕鬆應付, 真係一個好好嘅訓練!!!

維多利亞小豆豆合唱團 - xmas show

開學時學校":邀請"左Sheryl join維多利亞小豆豆合唱團, 而家每星期練習一次, 遲d會去校際同其他表演.

其實上左3個月, 都唔係好知佢perform成點, 終於聖誕前邀請我地家長去睇xmas performance.



身高算係高嘅Sheryl要企第一行中間...因為合唱團大部份都係K3學生, K2唔多, 加上阿囡10月出世係細囡, 所以企埋去好似好矮噤.

以下呢段video係Sheryl最鍾意嘅歌 - I saw mammy kissing Santa Claus:

 

個個都唱得好落力喎, 你睇幾大個口


有埋動作, 絕無欺場架!!!!

第四屆中國盃朗誦節 - 普兒歌

一早報左一月份GAPSK普通話朗誦比賽, 所以12月份就用同一誦材去其他朗誦比賽, 當rehearsal.

普通話兒歌誦材 - 影子

同樣沒有考究主辦單位及認受性, 因為Sheryl普通話比英文弱, 只希望她可以順利完成全首詩.

今次Sheryl好叻, 無再唔記得台詞, 諗晒成首, 不過因為緊張, 後半首無做動作.

宣報結果了, 完來呢個比賽係有豬肉獎類的, 幾乎所有可以諗完成首的都有獎


豬肉獎......

分紙連手寫評語都無, 好似又hea得喎......

當宣佈優異獎時叫到Sheryl個名, 阿囡竟然好驚訝噤問我 "點解我會有架?"

其實呢一刻, 我有d心痛, 因為佢其實知道自己諗得比人差, 眼見其他人有獎盃, 佢曾經同我講話佢都想要, 我同佢講只佢多d練習, 遲d一定有架!

今次呢個雖然係豬肉獎, 但對 Sheryl黎講係一支強心針, 我答佢"你有獎因為你好努力, 今次無再唔記得, 所以大家都覺得你好叻!"

難得可以Aidan去左嫲嫲度, 可以單獨同Sheryl 去睇下Christmas裝飾!

第三屆香港學界兒童朗誦大賽 - Nursery rhyme

同好多K2家長一樣, 我希望可以訓練一下Sheryl在人前大膽講野, 雖然佢一向都唔怕羞加太多野講, 但係要企喺一左班人面前朗誦, 唔係平時多野講又可以做得到.  朗誦係一個好好嘅機會提昇心理質素, 而呢樣對小一面試黎講, 比有無獎項來得重要!

第三屆香港學界兒童朗誦大賽係Sheryl第一個生平第一個朗誦比賽, 我都無去考究邊個係主辦單位, 都無考慮認受性, 因為我根本唔expect佢無有獎, 所以只係比佢試下. 

連誦材都只係用Sheryl考Trinity時老師教的那首Pat a cake, 平時喺屋企當玩噤同佢讀下, 完全無特訓.

等待嘅時候, Sheryl望住台上其他小朋友精彩嘅表演, 似乎仲未意識到發生咩事....................



結果上到台, 發生左完全唔記得台詞事件, 平時滾瓜爛熟, 掉轉頭都識諗嘅Pat a cake, Sheryl完全唔記得.......

最後大會都等其他人諗晒之後, 比Sheryl諗多次, 今次佢記得啦, 順利完成, 不過係唔計分的了.

之後去左搵婆婆飲茶, 唔知係咪頭先嚇一嚇, 平時已經好嗲婆婆嘅Sheryl, 今日更嗲!

呢次係第一次, 對於一個4歲小朋友, 發生唔記得台詞,係完全正常嘅事, Sheryl好叻叻地喺第二次時順利諗晒, we are so proud of you!!!!!