大肚相 @ Fab Studio (26 weeks 27.8.11)

27.08.2011  (26 Weeks)

上次有影大肚相, 今次曾經諗過唔影, 不過反而係老公話想影.  第二胎個肚大得好快, 所以就約早少少影, 今次26週已經好似人地30週噤嘅size......

上次得我同老公去, 今次就全家一齊去, 包括Sheryl, Coco 同 Milky.

都係去返上次果問Fab Studio, 因為好鍾意佢地個style.  仲有就係佢地攝影同化妝都係女仔, 影大肚相著得少衫都唔驚

今次同上次好唔同, 今次多左Sheryl, 變左我影少左單人, 不過出黎個效果好好呀, 好warm好開心.

 

 

 

 

好彩無book遲d影, 因為影完之後兩個星期左右就開始肥啦 ~~~~~

多謝Fab Studio 嘅 Misa 比左個超級無敵大優惠我呢個老主顧, 令到我無揀相嘅煩惱, hehe!

全家總動員的大肚相(花絮)@26 weeks

相信第二胎的媽咪都有同感, 相比起第一胎無噤緊張, bb野盡量番用唔買新野, 食野唔多介口, 又拎重野(大囡/囝)唔錫身....etc. 

 

今次有諗過不如慳返唔好影大肚相lu, 不過竟然係老公想影, 加上有d後悔上次無帶Coco Milky一齊去影......所以都係決定"豪"多次!

 

上次去Fab Studio 影嘅效果非常好 (http://hk.myblog.yahoo.com/cocomilkyclub/article?mid=1693), 大肚肥滕滕佢地都可以影得噤靚, 真係唔可以唔番頭幫襯囉   (絕無廣告成份!!!)  加上佢地全女班, 著噤少影大肚相都唔會太尷尬!

 

一般大肚相最好30-34wks去影, 因為太早個肚唔夠大, 太遲個人又水腫!  不過我今次自己知自己事, 個肚大得快過第一胎時好多, 所以特登約早d, 26wks就去影.  之前一晚度下個肚, 原來已經37", 係人地30wks嘅尺寸呀!!!!!   如果我再遲d先去影, 一定肥死左!

 

約左星期六中午12:30pm, 由於路途遙遠, Sheryl要未夠11點就喺屋企食lunch, 好彩12點前都可以出發.  因為要帶埋CoCo Milky, 所以唯有帶埋工人姐姐去幫手! (勁唔想帶佢去囉, 唔想比佢見我著噤少影相呀~~~)

 

影相地點有停車場, 又b又狗又大肚婆都好方便 (係泊車費金d.....)

 

攝影師姐姐Misa仲認得我地呀, 佢仲好好人噤比左個"超級無敵大優惠"我地, 因為我地上次d相post左上blog之後好多媽咪睇完都覺得靚而去幫襯佢地!   我呢個C9有著數即時開心到飛起, hohohohoho!

 

換好第一套衫就開始化妝, 都化左成差不多大半個鐘.  CoCo Milky等待中........

 

等媽咪化妝期間Sheryl都算好合作, 好彩我地一早帶定balloon吹比佢玩, 有balloon玩佢就超happy架啦!

 

因為媽咪平時唔化妝, 所以Sheryl見到化妝師姐姐拎住d好支畫筆噤嘅野喺媽咪塊面度畫畫畫, 現出一副非常錯愕同疑惑嘅表情, wakakakaka! 希望佢千其唔好返屋企拎佢d paint brushes黎畫我塊面呀!!!

 

等待期間少不了周圍搵野攪..........

 

 

Fab Studio可以比客人自己帶相機影相, 不過daddy掛住影個囡, 無咩點影我囉....... 得幾張咋.......

 

當日CoCo Milky都好興奮, 一向十級social嘅Milky仲滿場飛, 成日做攝石狗添.....

 

 

由開始化妝到影完約兩個鐘, 對大肚婆黎講唔算太辛苦, 同埋過程都好開心好輕鬆, 最煩係要Sheryl合作做某d動作, 如果唔係應該可以影多好多相同換多一套衫添呀.......不過帶埋一個就黎3歲加上開始好有"主見"嘅小朋友影相都預左架啦!

 

最尾果半個鐘Sheryl開始扭眼瞓, 因為已經過左佢nap hour, 3點鐘上車走人 (平時兩點係nap time), 阿囡已經眼瞓到呆左, 連平時令佢著迷嘅barney dvd都唔睇! 

 

好在我地早有準備, 影完相之後直接去婆婆屋企nap, 車程只須15分鐘.    攰到傻左嘅Sheryl喺婆婆屋企瞓到豬頭炳噤.........

 

要等大約一星期先有相睇, 好心急呀...................