2011 bb展收獲

由於今次係第2胎, 所以大份bb用品都可以返用, 加上第2胎心態上比較"求其", 二手都無問題!

今次用免費ticket入場, 無排隊換贈品, 因為知道多數都係"唔等洗"嘢, 換果時就happy, 換完返屋企都係擺一排無用就掉, 無謂特登去排隊lu!

收獲如下:~~~~~

上面兩個HALO睡袋係Sheryl嘅, 遲d佢轉瞓小童床, 著凸腳睡袋比較方便落床,  一厚一薄, 好似係$180(薄) $250(厚)

下面果個係bb展必買grobag睡袋, 全年最平係bb展, 半價or below! $200 only, for弟弟嘅.  之後都唔洗再買grobag啦, 全部執家姐2手都夠用到3歲!

Perry入院set $220:~~~

今次無日本奶粉食, 唯有揀比較接近日本奶粉又唔太貴嘅思敏兒.  雖然都會盡量餵人奶, 不過有上次經驗, 知道唔係話想餵就餵到, 加上今次仲要照顧Sheryl, 時間上會更緊迫, 所以都係平常心, 人奶+奶粉已經好好啦! 

思敏兒1號 $170/罐,  訂左一箱12罐可以9月尾先送貨, 仲有一盒玩具同3罐細嘅送!  都叫幾抵, 因為剛剛加左價, 藥房都要$18x/罐

第2胎本來打算唔用貴野沖涼, 用返平靚正aqueous cream.  不過mustela呢隻唔洗過水沖涼又真係超方便, 冬天又唔驚冷親, 所以買兩支only, 應該夠用幾個月過左個冬天就用返aqueous cream!

另外mustela支vitamin barrier cream搽pat pat又真係幾好, 買兩支看門口!

(Mustela全部8折)

臨走老公見到$99一大包波波, 唔理我話屋企無位放, 係都要買比個囡........

Sheryl見到噤多波波開心到癲左..........

BB展, 出年再見!  下年target應該都係奶粉, 同埋jack and lily鞋仔比弟弟

BB成長教育展收獲

2月26至28日會展又有bb展, 不過今次係"成長教育展"成份居多.  都好, 因為Sheryl已經唔係bb, 去bb展都無咩好買, 返而想搵d台灣出版嘅教材 ("東西圖書"係我target之一, 因為佢地d products唔係好貴但係質素好, 好多都係比幼稚園用嘅.

星期五下晝去, 行得好舒服, 因為一d都唔多人, 仲比我搵到想搵嘅嘢添, hehe!

"東西圖書'嘅Let's Find Out", 不過太重要下星期先免費送貨黎我屋企:

"東西圖書" A Picture Reader, 即時自己拎走;

有書, VCD, 字卡圖卡, 發聲貼錢, 雙語發聲筆(送貨先送黎):

故事內容簡單, 又多公仔:

有flash cards 同  雙語(英普)VCD:

之後再行完成個會場都只係買到一本書 ( $39), 因為Sheryl好鍾意屋企隻gingerbread man公仔......

其實都好想買呢一set, 不過都係等Sheryl大d先啦, 有排都未識!  好希望Sheryl可以學好d中文!