發表文章
上完Tom Lee的Music Wonderland, 柏斯的兒童鋼琴班後, 4個月前開始比Sheryl喺屋企樓下Tom Lee單對單學琴. 學左3個月, 發覺佢都ok有興趣, 同埋老師話佢學得幾快,於是就上個月就開始轉去HKPPEA學, 因為師資好d.
報名時學校問我有咩要求, 係想要考級數定提高學習興趣, 我毫不猶豫地答唔係考級數. 自己學琴, 知道打好個底係好重要. 考級數某程度上係限制左佢琴技上的發展. 仲好記得細個考琴, 為左要考得好, 全年大部份時間都只係彈考試果幾首歌, 即使彈得好, 都只限果幾首考試歌而已. 當然每個家長要求唔同, 有人覺得樂器只係一種考名校的工具, 噤考級數好重要. 不過講真, 而家除非考4,5級, 如果唔係的話, 報學校拎住1,2 級真係無咩用.
我希望樂器可以陪佢一世, 唔係只因為考學校. 雖然自己好耐無彈琴, 但其實偶然都會手痕想彈下, 而彈到自己鍾意嘅歌係一種樂趣, 音樂欣賞係一種修養, 所以好希望Sheryl可以真正愛上音樂, 唔好淨係為考試而學樂器.
老師話佢sight reading 比同年齡小朋友好, 不過都係怕難, 成日想avoid一d難嘅歌, 希望老師可以鼓勵佢克服呢個問題.
Sheryl好叻呀。我女快三歲，打算開始學ballet。請問Sheryl仲有無在sdm學跳舞？
回覆刪除讀維記不用在外學英文？thx
彈到自己鍾意嘅歌真係好滿足，不過我好懶練琴。Sheryl 加油呀！
回覆刪除皓皓專注好差，而家只上緊籃球課，老師都話佢唔專心攪攪震....想佢學其他靜態d都未敢。