久違了的大潭

自從上年大肚開始, 就無黎過大潭啦!  計下都有年幾, 朱古力奶都應該好掛住d草地, 復活節假期一於約埋公公婆婆去行大潭啦!

去到草地我地就開餐, CoCo就負責"等食"

Milky原來肥左好多喎!

Sheryl好合作, 全程都無扭過計, 就算過晒食奶時間都無嘈, 果然係"哨街精"!

三母女合照!

企鵝look -Ms. Penguin

媽咪通常都會幫bb扮下動物, 今次Sheryl就扮......企鵝

Ms. Pengiun!!!!!!!

我愛哥哥家姐

Sheryl而家開始有stranger anxiety, 望陌生人多一陣都喊!  但係佢好鍾意CoCo哥哥同Milky家姐, 其實佢鍾意CoCo多d, 望住佢地會自己笑到出聲, 仲成日伸手想摸佢地!  而家如果Sheryl扭計我就帶佢見下哥哥家姐, 即刻唔喊收聲!

唔通鍚CoCo Milky呢樣嘢都有得遺傳?????