發表文章
去完沖繩之後好多朋友都問我呢個問題, (多過問我沖繩好唔好玩, hehe!
我個答案係: 無想像中咁辛苦! 
不過我覺得辛唔辛苦真係因人而異, 有少少經驗可以分享下:
1. 平時involve幾多揍bb - 如果平時大部份時間都依賴工人(包括weekends), 自己involve 唔多的話, 去旅行一定超級辛苦!
2. 自己帶水 - 幾個朋友之前去日本都因為食水問題而令bb水土不服, 我地當然汲取經驗, 今次自己帶左3L水去 (1L屋企熟水, 2L屈人寺distilled water), 因為Sheryl 每日3 餐奶只有1 餐要開奶粉, 另外兩餐食人奶, 所以如果全奶粉就要帶多d水啦!
3. 目的地選擇 - 最好揀d "文明"d同乾淨d, 仲要d人識英文, 如果唔係有咩病痛真係睇醫生都唔識講d symptoms! 當然仲有機程, 去沖繩只係兩個幾鐘, 不過如果Sheryl唔訓, 都真係幾辛苦架, 去程佢清醒左一個鐘, 我地已經好攰, 因為要抱住佢, 佢又無時停!
4. foldable highchair - 呢張野真係超有用, 因為好多餐廳都無highchair, 而我地食飯時間通常Sheryl都要食粥仔, 有左佢就好方便啦!
5. 唔好跟團 - 真係唔好呀, 辛苦死都似! 早出晚歸時間又唔flexible! 最好就set到個行程relax d, 玩resort就最好啦, 攰就返房訓! 最好係自駕遊, Sheryl坐車最好訓, 可以比bb係車上訓, 慳返d時間!
有d朋友又問, 帶bb去旅行係咪"攞苦黎辛"? bb咁細都唔識架啦! 個人覺得同bb去旅行個目的係享受親子時間, 因為幾日都係24小時同bb一齊, 唔係玩就係食, 好開心架! 呢樣野真係要有bb既朋友先feel到! 加上去旅行就係人都開心d架啦, Sheryl都比平時開心左好多, 可能因為24小時都有daddy mammy陪住啦!
好似養狗咁, 我身邊有d朋友覺得我個個月山長水遠帶CoCo Milky去游水沖涼係"攞苦黎辛", 比人沖咪得囉! 我覺得同佢地去游水, 見佢地好開心咁玩, 我都enjoy我都開心! (養狗(認真果種)0既朋友應該明白!)
重點係, 你享唔享受個過程, 同埋享唔享受同身邊0既人/狗一齊做呢件事, 即係話, 主角係人/狗, 去邊, 做咩, 都只係一個media! (當然, 去日本就最好啦, 可以shopping放血!
生bb係要投入享受育兒樂, 唔係淨係叫工人餵飽佢照顧佢, 比錢佢讀書; 養狗都係一樣, 養左又唔同佢出去玩, 又怕煩又怕攰, 咁就唔好養啦!!! (唔好意思, 突然有感而發! haha!)
當然去旅行就一定比平時辛苦d, 所以一定要做好planning呀! 對我黎講, 辛苦程度可以接受, 所以已經plan緊下次去邊! hehehe!
