我和太陽伯伯

有日早左放工返屋企, 喺梳化度休息, 果日都幾好天, 所以我地西斜嘅屋企就更加西斜, 點知比我發現......Milky會追住太陽伯伯黎瞓架! 

 

轉位......

 

同場加映...Milky優美嘅睡姿!

咦, 呢張好似有d兒童不宜喎!

Milky X Dr. Dog (episode 1)

４月１號愚人節，　Milky今日又開工，　今次唔係cross over Dr. Pet, 係cross over Dr. Dog呀!  第一次出Dr. Dog o既job, 阿囡比義工姐姐comment為"好興奮", 不過都唔算太失禮!

 

呢日係香港第一個　"狗公園”開幕，　位置係灣仔海濱長廊，　即係紅隧入口隔離!  講真位置就真係好唔方便，　不過叫做好過無，　對於住o係附近o既狗主應該都幾好，　可以放狗又可以睇海景，　最緊要係可以明正言順放狗，　唔洗偷偷摸摸!

 

其實環境真係唔錯, 仲舖晒木地板添

Dr. Milky 同 Dr. Rumba做咩頭"岳岳"?  都係果個原因啦......等o野食囉!  Dr. Rumba好乖好定, 佢係比狗場遺棄架, 因為已經再生唔到仔, 唔可以再做狗場o既搖錢樹!  好彩而家0既主人好鍚佢, 佢其實只係得4歲, 仲可以做埋狗醫生!  如果要養狗, 真係考慮下領養啦!

Milky最鍾意賓賓(外傭), 個賓賓姐姐仲要拎住野食，　Milky實行用手抓佢，　叫佢快D比野食!  阿囡太為食啦!!!!!

哦......有人(狗)開緊工o既時候"吞pok".....,

撞到Samba，　影張相先!

嘩, 5個月大0既黑lab BB, 好鬼死可愛呀!

Milky: 媽咪, 之前d南韓農民係咪o係呢度跳海呀?  我又想跳呀!

  (Milky媽: 叫你同會展合照呀, 成日掛住跳海!!!)

阿囡笑得幾happy!

二十七度o既天氣, 爛玩0既Milky都頂唔順, 要休息下先!

連起身飲水都無力, 要訓o係度飲!

愚人節前夕開P......Wii!

近排大家都中左Wii毒, 正所謂毒海無涯, 大家毒隱發作, 於是決定o係Annie屋企個會所book間function room, 一齊吸毒!  5 pair人好似上身咁, 玩足四粒鐘!  至於CoCo, Milky, MoMo, Creamy, Ginny 同Lego, 就慘被d沉淪毒海0既阿爸阿媽掉低0係屋企......真係.. ....倫常慘劇!!!  社署洗唔洗搵人黎睇睇?

 

集體吸毒......

 

憑呢個pose, 估下玩緊咩?

 

 

呢對阿爸阿媽算最有良心, 帶埋阿B黎開P!

 

不過阿b好似悶到有d呆滯......

 

仲開始眼瞓......

最後......悶到瞓著左!

 

Gary同婉君個ｂ真係好鬼cute, 又乖喎，　我地玩咁耐佢都無扭過計!

開完P就上左阿大屋企, 探下好耐無見0既 Ginny同Lego!  Ginny大個囡左好多，　仲乖左好多添!   不過由於Ginny先入門，　雖然Lego大過佢，　但係都係比Ginny　"洽”！　Lego同CoCo應該會同病相憐，　大家都比屋企果隻　"巴渣”妹　"洽" ！！

 

大個囡嘅Ginny

,

 

Lego靚仔左喎!

Lego有阿大同Philip嘅悉心照顧, 比起初初領養返黎果時靚仔左, 又開心左!

Ginny同BB好friend喎!