寄宿前的晚餐

我地星期六去北海道一個星期，唯有帶CoCo Milky去Pet Oasis寄宿!  阿媽我真係一千萬個唔捨得，　唔好話一星期，　一日都擔心死我！！！　CoCo呢隻裙腳仔，阿爸阿媽超出佢視線範圍佢都會超級緊張，支支聲叫！Milky以前唔痴人，但係而家跟得CoCo多，比佢影響埋，一唔見我地佢又會好緊張!    唉，無阿爸阿媽喺身邊嘅小朋友係好陰公架!  今次我又要掛心掛足一個星期啦!

朱古力奶去寄宿之前一晚，一於食豐富ｄ，　有雞柳＋europa+糧，　當然仲有平時食開嘅cranberry supplement, joint supplement同埋香到震嘅三文魚!

CoCo越大越可愛!!!

CoCo:  "半夜12點幾架啦大佬, 阿爸阿媽你地仲唔捨得"nan"去訓

, 我落完街玩追波, 家陣已經剩反半條狗命............喂喂喂, 阿媽你又攪咩呀??????"

 

CoCo媽:  "阿囝阿囝, 阿媽部新G9有marco微距 function玩架, 比我影下你個鼻呀!

"

CoCo:  "有無攪錯呀? 

又話影一張, 足足攪左5分鐘都唔捨得走.......好........咁我唯有出絕招.......

扮訓!!!!"

我嘅小玩具

前幾日去灣仔太原街, 又有新收穫!

呢set扭蛋係電筒仔, 其實已經出左好耐, 曾經喺某間精品店見到賣成二百幾蚊, 而家一set$99

仲有呢個mini 扭蛋機, 好可愛!