CMSA巴屎閉閉暨CMSA爸媽爛屎得閒有舖癮部落

2008年1月12日星期六

契仔契女聖誕寄宿記

我由聖誕節前開始病, 一直病到而家先叫好返d, 原來已經成個月無寫blog添! 遲到好過無到, 呢個聖誕假期最特別0既就係我屋企有4隻狗!!!!! 真係......忙過返工! 至於朱古力奶, 就過左佢地一個星期0既非"狗"生活!

契仔契女比人剷晒d毛, 變左孖潤腸!!!

我地養開大狗, 最唔慣就係契仔契女既"貼身膏藥"性格, 真係你去到邊, 佢地都一定要"chi"住你. 珠女仲要最鐘意0係人大脾訓覺!

波仔: "契爺你做野啦, 唔洗理我架!"

契爺: "契仔你洗唔洗chi到咁實呀............."

經過warm up之後, 契仔契女好唔客氣, 真係serve themselves at home咁!

Milky: "..........我舊骨骨呀......你地無咁大個口唔好咬咁大舊骨喎 !"

搶完Milky玩具之後, 下個目標就係CoCo啦!

CoCo: "珠女你做咩呀, 張梳化我訓開架喎, 拿, 你好走開啦, 如果唔係我唔同你客氣架, 我......................"

CoCo: "我.............走先啦!"

珠女: "哥哥, 我成功趕走左隻大舊衰啦!"

波仔: "阿妹你係得0既, 搶到呢個靚位!"

2007年12月11日星期二

Professor Milky - 馮妙琪教授

做阿媽0既, 最開心梗係囝囡事業有成啦! 阿囡今次由Dr."榮升" Prof., 阿媽我真係好榮幸! 難得Prof. Paws唔嫌棄阿囡爛玩, 比個機會佢試下做professor!

可能香港d學生都係比較passive少少, 上堂學英文果時反應唔太熱烈, 反而一落左堂, 成班小朋友就十級熱情, 圍住Milky又摸又拉! 阿囡表現都唔錯, 不過佢d懶樣出晒黎, 人地外籍教師教緊英文, 佢竟然好唔比面咁訓左0係地下訓覺(係mi埋眼果隻喎!), 真係......失禮屎我!!!!!

Prof. Paws 呢個program好有意義, 小朋友有英文學之餘, 又可以學習下愛護動物! 最尾果日有一part幾touching架, 成班小朋友要"宣誓"做animal cadet, 佢地對住Milky講 "I, animal cadet, ............, promise professor Milky that I will love all animals and teach others to treat all animals well..." (好似係咁上下). 希望 Milky可以帶比呢班小朋友一個正面同美好0既回憶, 令佢地更加愛護動物同專重生命!

呢間學校0既網頁post左好多相出黎, 當中仲有Milky 比人影左0既懶樣! http://www.star.edu.hk/gallery2/main.php?g2_itemId=7128&g2_page=1