契仔契女聖誕寄宿記

我由聖誕節前開始病, 一直病到而家先叫好返d, 原來已經成個月無寫blog添!  遲到好過無到, 呢個聖誕假期最特別0既就係我屋企有4隻狗!!!!!  真係......忙過返工!  至於朱古力奶, 就過左佢地一個星期0既非"狗"生活!

契仔契女比人剷晒d毛, 變左孖潤腸!!!

我地養開大狗, 最唔慣就係契仔契女既"貼身膏藥"性格, 真係你去到邊, 佢地都一定要"chi"住你.  珠女仲要最鐘意0係人大脾訓覺!

波仔:  "契爺你做野啦, 唔洗理我架!"

契爺:  "契仔你洗唔洗chi到咁實呀............."

經過warm up之後, 契仔契女好唔客氣, 真係serve themselves at home咁!

Milky:  "..........我舊骨骨呀......你地無咁大個口唔好咬咁大舊骨喎 !"

搶完Milky玩具之後, 下個目標就係CoCo啦!

CoCo: "珠女你做咩呀, 張梳化我訓開架喎, 拿, 你好走開啦, 如果唔係我唔同你客氣架, 我......................"

CoCo: "我.............走先啦!"

珠女:  "哥哥, 我成功趕走左隻大舊衰啦!"

波仔:  "阿妹你係得0既, 搶到呢個靚位!"