大阪親子遊 +7.1大減價掃貨 - Day 3

01.07.2010 - Day 3

到7月1號啦, 日本全國一年兩次大減價開始.  另一次係1月, 不過1月勁凍, 都係7月去好d!

由梅田搭3個站地鐵去心橋.  一出站就有大丸新館, 年青版, 好多嘢睇架!

跟住一路行到落道頓堀, 全程有遮頭, 不過有單車行, Sheryl落地行都要小心睇住佢.  途經agnes b 專門店, 部份減價, 但係自己買唔到嘢, 買左呢對超正減價水靴比Sheryl.

去到道頓堀, 食超好味的四天王拉

食飽繼續行落難波, 途經某寺廟, Sheryl突然好高興, 喺咁喺人地門口擺pose, 真係善哉善哉!!!!

近難波有間bic camera, 其實同yodobashi差唔多係好大好多層嘅電器舖, 有一層係賣玩具嘅, 人地日本百貨公司好好, 開左好多玩具出黎比小朋友任玩, Sheryl淨玩免費玩具都開心到不得了.  最後我揀左個平平地嘅anpanman玩具比佢, 係佢呢期最鍾意嘅入coin噤制玩法

經過出名食咖喱飯的自由軒, 又食......

Sheryl好合作, 我一開始shopping佢就nap左, 瞓醒之後心情大靚, 仲見到大minnie 公仔, 好happy!

真係度度都減, 正!

 

嘩, 超攰, 打道回府(酒店)休息下先, 順便喺房比粥仔Sheryl食.  有新玩具, 勁開心!

8點幾快charge完就行過阪神百貨搵嘢食.  途中有d舖仔都減緊價, 講真d款同牌子嘢差唔多, 但係價錢只係千零二千yen (約HK$160 - HK$240), 超抵, 又掃!  阿囡等我掃貨時自娛中......

Dinner食shabu shabu set, 好好味呀, 不過就貴d, 成3500yen一個人.

 

 

大阪親子遊 +7.1大減價掃貨 - Day 2

30.06.2010 - Day 2

起身食完早餐, 就搭御堂筋線去天王寺動物園.  只係6個站, 去到動物園前站行大約5分鐘就到

地方好大, 好多唔同嘅動物, 地方乾淨 (呢個係去日本嘅好處), 加上係平日, 其實無咩人, 行得好舒服!

Sheryl見到平時喺電視度先見到嘅動物, 勁興奮指住d動物叫: giraffe, zebra, tiger, lion.....etc.

 

仲有地方比小朋友玩, 大人可以過下冷河!  Lunch就食左園內餐廳的冷烏冬, Sheryl絕食, 淨係食飽同奶, 比左少少烏冬佢好彩都肯食.

下晝3點幾, 回程返梅田, 行酒店對面的Yodobashi.  雖然未到7月1號, 但係Comme Ca已經有部份減緊價, 買左3件分別6折同半價嘅衫仔比Sheryl.

之後太攰返酒店休息, 順便heat返d錫紙粥仔比Sheryl食.

Dinner 就去Yodobashi上面食sushi, 百零蚊一個set, 抵食又新鮮, yummy!

 

 

 

 

大阪親子+7.1大減價掃貨遊 - Day 1

29.06.2010 - Day 1

搭朝早10點CX出發去大阪, 今次我地用晒d asia miles換左兩張business class機票, 因為d分上年已經到期, 已經比左一次錢extend, 今年唔用又要再比錢extend, 所以把心一橫用晒佢.

平時Sheryl九點幾先起身, 今朝7:30am摷醒佢, 所以佢心情勁差, 成朝苦埋口面無晒笑容!

去程好好彩有新機坐, business class d 位真係無得頂, 有晒petition Sheryl唔會騷擾到人!

加埋前面呢個腳踏可以變成一張床

起飛時突然喺電視度見到Sheryl叔叔

我可以同阿囡share個位都ok

飛機餐, 雖然係business class但係都依舊唔好食

張床太舒服啦!!!

去到關西空港等行李期間發現兩隻lab, 其色呢隻好乖, 黑色果隻好似貪玩d, 同埋似search食物多過毒品, hahaha!  Sheryl仲指住黑色果隻叫"馮志高!" (即係CoCo) wakakakaka!

行出機場門口就有limousine直達New Hankyu酒店門口, 仲有人搬行李, 正!

咁啱姨姨早我地幾日同朋友去左大阪, 所以一到步就join埋姨姨一齊玩半日!

先去附近食出名拉

再過對面行Hep Five

今次目標之一, Hysteric Mini shop!  不過無減價!

Hep Five有間300yen店, d貨好似Franc Franc咁, 件件都係300 yen only (即約港幣$26), 掃左9個items!  阿囡玩人地d頭cool, 讚佢兩句靚靚就手舞足蹈勁得戚!

行完已經超攰, 決定去Hanshin百貨買臨關門前大減價的sushi返酒店食, 好多阿"襌"搶, 點知比完錢之後竟然見到有隻老鼠喺地下行過!  嘩, 有無攪錯呀, 日本都會咁?  d sushi仲食唔食好?  不過太攰又肚餓, 唯有照食!

當晚Sheryl都好攰, 好快就瞓左.  不過酒店房好細, 無bb床, 要我同Sheryl share一張單人床, 攪到我一晚比佢整醒幾次, 慘!