Sheryl的第一套辦家家酒

一直都好想買套辦家家酒比Sheryl, 當然都係因為圓自己小時候嘅夢, 我諗大部份女仔細個都鍾意玩辦家家酒, 就算唔鍾意玩都一定鍾意靚嘢!

留意到日本Mother Garden嘅木製辦家家酒, 不過香港賣成~$1600, 真係唔捨得.  直到搵到廠家嘅原單貨尾, 連埋運費大約$900.  講真個價錢都唔係平, 不過已經平正價差唔多一半, 所以終於都忍唔住!!!

送到黎, 淨係個盒我都已經覺得好靚~~~

原單貨尾, 同喺日本買無分別!

一打開見到Mother Garden招牌粉紅色, 已經好興奮~~~

配件獨立用泡泡裝包住~~~

Set好之後真係十級興奮!  d士多碑梨制真係扭得架, 仲有click click聲架!

salt and pepper果d樽搖係有聲架!

水龍頭真係扭得~~

soft pink and white 靚爆!

阿囡一玩就掟左個洗手盤落地, 心痛死我..............

喺我高度supervise之下, 阿囡先玩得斯文d...........

加埋條圍裙真係...............super KAWAII ~~~~~

我已經吩咐左工人姐姐幫我好好睇實Sheryl玩, 唔好比佢掟爛呀~~~~~

 

告別playgroup

時間過得好快, 下星期Sheryl就要開始返nursery啦!

原來唔驚唔覺, 喺Tutor Time上playgroup已經上左成個學年!  而家終於要say goodbye啦~

相對維記playgroup, 媽咪真係好鍾意Tutor Time!  老師好pro, 做到真正的英普bilingual, 唔同維記playgroup中文老師唱歌會唱"小魚swim swim swim"! (OMG, 又中又英!).  而且每堂都有theme, 老師preparation好好, 有晒道具, 又有足夠嘅skill去吸引學生注意力!!!  奈何佢地嘅nursery真係太貴讀唔起, 而我地都唔打算行IS呢條路, 所以唯有告別呢間噤好嘅學校!!!!!

阿囡已經熟晒地頭, 自己走去玩唔理我~~~~

18個月果時已經識得自己爬上去唔洗我幫. (p.s.呢條梯好斜好高架!)

不過sir落黎好高速, 都係拖住安全d!

Art piece ~~~

Sheryl第一個及最愛的英文老師 Ms. Crystal ~ 

升左班之後嘅英文老師Mr. Glenn, Sheryl竟然肯比佢hug hug ~

超pro嘅國語老師Ms. Mei ~

好快就進入新階段啦, 媽咪真係有d唔捨得你大得噤快, 希望你都一樣噤鍾意新學校, 媽咪更加希望你會覺得學習係有趣嘅, 千其唔好覺得係壓力就好啦!!!!

第一次去沙灘

住而家呢度嘅好處, 係近南區, 去赤柱石澳只係20分鐘車程!

想同Sheryl去沙灘想左好耐, 終於搵到一日5點去到石澳.  點解5點先去?  因為石澳地理上4點幾5點個太陽就比個山遮住, 唔晒但係都仲熱.  加上Sheryl第一次去, 都係諗住比佢玩下沙先, 玩一個鍾跟住返屋企食dinner就差唔多啦!

登登登登...............三點式索女出場!

索女初時有d驚沙, 不過比我地想像中好好多, 只係warm up左一陣就肯自己行, 雖然仲要媽咪拖住...............

玩波波玩左一陣, 就可以放手自己行啦!

跟住同佢去玩水, 不出我地所料比d浪嚇親, 玩左一陣就要走佬.........

都係玩沙安全d, 最後玩沙仲玩到唔肯走..............

真係要去多幾次沙灘, 等你習慣下唔好驚d浪先得!!!!!!