阿囡有新招!

Milky 05年8 月尾黎到我地屋企, 一直都唔係好跟人, 只係跟阿哥(CoCo), 如是者過左成年都係咁, 一直到06年中, 我地決定唔要佢個4尺大籠, 轉左用個膠圍欄比佢訓, 佢就成個唔同晒, 好明顯係開心左好多, 仲越黎越嗲, 以前佢唔會鍚我地架, 而家成日lam我地隻手, 見到我地返屋企仲會開心到跳扭腰舞!

話說最近又識多左樣新嗲招, 就係叫人摸佢!  佢會用手搭係我地隻手上面, 有時仲會撥我地隻手埋佢自己度, 如果我地摸摸下停手, 佢又會再搵隻手仔搭我地隻手! 

阿囡你真係寵壞晒啦!!!!