鼠年快樂!

今年新年好繁忙, 日日拜年又要雀局, 真係忙過返工!  所以要到初八先有時間寫blog啦!

大年初一, 去朱古力奶爺爺度拜年, 影返張大合照先!  朱古力奶d新年衫靚唔靚呢?  其實...係兩年前架啦, 慳錢呀嗎, 一年著一次咋!

今年自己整0既蘿蔔糕, 因為太貪心, 落多左料, 所以底糕變左啡色!

過年喎, 朱古力奶點可以無份?  呢個就係狗狗蘿蔔糕啦, 材料只有3樣: 蘿蔔, 番薯粒, cranberry (for topping) (當然仲要有粘米粉同粟粉啦), 朱古力奶勁鍾意食, Milky聞到都開心到彈下彈下!

CoCo:  媽, 你到底影完未呀? D糕凍左無益架大佬!