4日假期最後1日, 終於都有陽光啦, 於是就帶左Milky去遊赤柱啦!
第一站係聖士提反海灘, 一去到Milky就識到新朋友!
個海好吸引呀, 好彩Milky細膽, 唔敢跳落海!
Milky沙龍集:
下一站就係下午茶
有好多途人過黎摸Milky, 呢位小朋友好堅持要摸Milky個鼻!
假期嘅赤柱好多人呀!
Milky: "影完未呀, 坐到咁高, 嚇屎我啦!"
訂閱
發表文章
所有留言
2008年3月25日 星期二
2008年3月18日 星期二
細膽Co
前排香港警隊出左個"大膽全", 家陣我地有隻"細膽Co"!
其實呢件事發生0係農曆新年期間, 不過我一直都病到得返半條人命, 所以無寫blog. 由於事發當日事出突然, 所以影唔到相, 要靠大家豐富0既想像力去幻想下"細膽Co"當時個樣.
年初四早上, 我地照平時一樣落平台放狗, 我就同Milky行埋一邊玩波波，CoCo爸就帶左CoCo去另一邊便便，我同Milky玩玩下就聽到ｄ鑼鼓聲，原來離遠有人舞獅，跟住隧舞獅向我地呢邊行緊過黎，其實都仲有一段距離，Milky無咩反應，只係企定定豎起對耳仔聽． 點知突然間，我見到CoCo扯繩扯 CoCo爸返過黎， 我見佢個頭一直擰向右邊，係咁bear住隻舞獅，一直向左邊打橫行，條尾夾晒入後腳中間！ 試問對眼望住右邊，個身打橫向左邊行，又點睇路呢？無錯，話口未完，CoCo就成隻狗撞左埋個垃圾桶度（好彩無撞跌）！
雖然見到佢咁驚都有ｄ心痛，不過佢個狼狽樣真係笑死人！真係狗不可以貌相， ”細膽Co”真係得個樣!
2008年3月10日 星期一
馮二少, 你有無攪x錯???
我今朝唔舒服起唔到身返工, CoCo爸返左工之後我就起身落樓下買早餐食, 諗住一來一回都係10分鐘, 唔洗欄住朱古力奶啦 (平時我地用圍欄圍住佢地0係客廳果邊, 唔比佢地過飯廳同鞋櫃, 因為朱古力奶試過咬餐"木台"腳同拖鞋). 好鬼唔舒服0既我買完早餐返黎, 真係最多10分鐘左右, 竟然比我見到我對新買0既boot同埋一對襪, 橫陳0係客廳中間!!!!!!
對朱古力奶, 我0既容忍度一向都好高, 無論佢地咬爛d咩, 我都唔會真係好嬲, 就算嬲都好少打, 最多鬧同time out 佢地. 雖然見到對boot攪成咁好肉痛, 我都只係好惡好惡咁鬧CoCo, 我一路鬧一路同對boot同襪"收屍", 順便檢查下爛成點, 大大話話都鬧左兩分鐘, 個衰仔一路眼碌碌望住我, 我鬧佢佢當我唱歌 (佢不嬲都唔驚我, 當我死0既!)!
好啦, 都算啦! 點知攪左幾分鐘, 比我發現個衰仔個咀好似怪怪地, 一睇之下, 發現原來佢一直含住d野, 原來係隻鞋爭!!!!! 
對襪0係日本買0架, 質地好舒服, 就咁就一命鳴乎!
第一眼睇, 隻boot都唔係爛得好勁姐......
睇埋另一邊, 真係火都黎埋!
個衰仔就係含住右手邊果舊鞋爭唔捨得放口!!!!
犯狗比我拖入廚房time out, 初時仲唔知錯, 眼超超!!!
困左5分鍾, 開始扮野, 扮晒死狗同碌對扮無辜0既眼對住我!
我係唔會心軟0既, 佢結果比我困左20分鐘先出得黎!
訂閱：
文章 (Atom)