發表文章
32週幾去覆診, 醫生話馮三小姐而家4磅幾, 唔算size大, 如果要順產應該唔難, 到出生時會大約6磅幾. 不過呢, 今次醫生見到三小姐個頭轉左上上面, 上兩次明明已經向左下囉喎! 醫生話而家仲未知, 因為呀三小姐可能會再轉, 如果下次35週再check個頭都仲未向下, 就好大機會要開刀.
其實如果完全比我自己決定, 我都未決定到用無痛自己生定係開刀, 所以就算真係無得揀要開刀, 都無咩所謂. 不過只係淨返6個星期左右, 三小姐突然玩嘢唔掉頭, 攪到我有d緊張添!!!
喺我開始緊張嘅時候, 好彩新到個工人都算ok, 話頭醒尾而且都叫聽話, 煮餸好食, 星期日放假仲問我佢可唔可以早d返黎, 唔想喺街度hang around, 返到黎仲主動做家務, 好似拖地同整生果比我地食, 平時都好鬼樸素, 有時係我地覺得佢d衫太殘........! So far 都叫ok啦, 希望佢喺三小姐出左世之後, quality都可以keep到啦! 加上我地而家又0係房裝多個ip cam(Panasonic BL-C131), 雖然只係我公司睇到, 不過都總算係房同廳都睇晒, 放心好多! (特別鳴謝Eddie教Coco爸set個ip cam, 如果唔係, 我地都唔知要攪幾耐先set到!!!
至於朱古力奶呢, CoCo自從工人黎左之後, 好似仲比之前嗲多左, 我地返屋企之後, 佢成日都挨身挨勢, 訓0係地下都要將個頭挨埋我地隻腳度! 攪到果日婆婆問點解CoCo而家成個女仔咁?????
你就好彩啦, 而家好難搵到好工人啦! 我請好多個都唔得, 煩死人! 呀, 你幾時再嚟中環睇醫生呀?
回覆刪除唔駛客氣, CoCo爸都好醒目, 用電話遙控都做到! 不過話時話, 你set喺房咪即係唔鎖房門, 俾工人日頭入去?
回覆刪除仲有, 你set喺自己房, 唔驚個wireless signal俾人hack咗, 睇到房入面嘅嘢呀? (我唔知易唔易, 不過總之wireless嘅嘢有啲保留好D)
回覆刪除何唔到你咁high-tech, 失覺晒
回覆刪除點解你叫個女做“三”小姐既﹖﹖﹖ 係唔係因為你有Coco同Milky??
回覆刪除係呀﹐ 而家請個好既工人真係唔易架﹐ 希望你果個會keep住好就好喇﹐ 佢之前有無湊過BB架﹖﹖
話時話﹐ 你有工人幫你湊Sherly﹐ 但係你一有時間就要自己湊返﹐ 同佢玩同溝通多啲呀﹐ 我識好多人啲BB都痴晒工人唔痴老豆阿媽呀﹐ 有個每逢夜晚連阿媽都推開忝呀﹐ 所以唔好靠晒工人呀!!!!
哈﹐ 唔好意思﹐ 串錯左你個女個名忝。。。 係Sheryl, 唔係Sherly..
回覆刪除