CMSA巴屎閉閉暨CMSA爸媽爛屎得閒有舖癮部落: 1月 2009

2009年1月26日星期一

一百日

2009年1月21號, 是Sheryl滿100日的日子. 老人家總說有"百日哭", 過了一百日就不哭了. 好彩Sheryl不用等到一百日已經不會"瘋狂地不知原因"地哭, 自從兩個月時戒夜奶後, 揍Sheryl已不太吃力. 加上Sheryl兩個月大開始懂得對人笑, 還會發出很多聲音撩人傾計, 開始變得比較可愛, 不像頭一個月時的小魔怪!

一百日其實沒有特別的變化, 實情是每日都在變! 比較明顯的變化是Sheryl食奶樽進步了很多, 已經沒有經常從咀裹漏奶出來, 但相反地, 吃人奶好像差了, 有時會好"忟", 只食10分鐘左右, 又比以前容易嗆到, 所以我都很擔心她到底吃人奶可以吃多久. 當然我還可以"全泵"給她吃, 但是如果沒有了埋身餵的stimulation, 很懷疑奶量會慢慢減少, 我的目標是最少餵到6個月大呀!!!!!

另一樣變化比較大的是Sheryl的雙眼皮開始明顯了, 因為眼皮的'腫"已慢慢減退, 樣子都開始似多些女仔了! 穿上裙仔都不太像"男扮女裝"了!

Sheryl很愛笑, 只要有人跟她說話, 她就會笑! 爸爸媽媽都希望她會是個愛笑和開朗的女孩, 就像哥哥姐姐(朱古力奶)一樣!!!!

2009年1月21日星期三

My daughter(s)

Sheryl出世之前, CoCo同Milky間唔中日頭可以入房同我地一齊瞓晏覺, 特別係冬天, 有朱古力奶一齊瞓真係10度以下都唔洗開暖爐! 不過自從Sheryl出世之後, 屋企嚴格"攪衛生", 所以朱古力奶好耐無瞓過我地張床.

Sheryl而家都3個月大, so far對狗毛都無敏感(touchwood!), 加上我唔buy屋企太"無菌", 咁樣BB抵抗力反而會差d! 而且外國有研究指出有養狗嘅家庭, 反而可以減低小朋友敏感嘅機會, 所以適量嘅接觸, 係絕對無問題嘅.

早排Milky沖完涼之後, 我地就"特赦"佢入我地房一轉, 一向好discipline嘅Milky, 好似忘左形咁開心到死, 第一時間衝上床, 佢好乖, 會避開喺床度瞓緊覺嘅Sheryl, 我地一叫佢down, 佢就瞓低, 仲開心到反左肚要我地摸佢!

Milky: "好開心呀, 可以瞓返媽咪張床啦, Sheryl妹妹, 我地一齊瞓呀, 係咪好暖呢??"

2009年1月19日星期一

Your baby can read

之前同事介紹我買呢set dvd + flash cards, 佢話佢囝囝好鍾意睇, 加上又唔係太貴, 所以就成為Sheryl第一set dvd啦!

Instruction話由3個月開始睇, 其實我覺得3個月都未必識睇d咩, 不過當係比多d stimulations Sheryl, 好過佢眼金金睇tvb果D爛片!!!!

咁細個bb, attention span當然好短, 每次睇10分鐘左右, 不過佢又睇得好留心喎, 睇到"baby"果時仲特別興奮添! (唔通佢知道係"同類"?) 我鍾意呢set嘢係用"真人"影像, 而唔係卡通公仔, 因為bb應該鍾意睇human face多d. 學唔學到英文就未知, 不過at least可以occupy下Sheryl, train下attention span都好呀!

http://www.infantlearning.com/

2009年1月16日星期五

三個月

3個月大的Sheryl基本上日夜已經好有規律, 食完臨瞓餐奶之後(12am)就一覺瞓天光, 朝早7:30am要我叫醒佢先起身食奶, 食完之後又瞓, 瞓到差唔多12pm. 跟住日頭就好少瞓.

12pm - 1pm 食奶

1pm - 1:30pm 同大人傾計

1:30pm - 2pm 聽Mozart同玩玩具

2pm - 2:30pm 瞓覺

2:30pm - 3pm 睇dvd

3pm - 3:30pm 扭計搵人抱

3:30pm - 4:15pm 食奶

4:15pm - 5pm 玩玩具同扭人抱

5pm -7pm 瞓覺

7:15pm 沖涼

7:30pm - 8:30pm 食奶, 同mammy daddy傾計

8:30pm - 10:00pm 瞓覺

10:00pm - 10:30pm 扭人抱

10:30pm - 12am 食奶, 扭眼瞓

已經開始食手指了, 當然未可以dissociate隻手指公黎食, 只係食到食指側面, 仲會食到jap jap 聲!

打直抱都已經好穩陣!

我地開始多左帶Sheryl出街, 不過成日都要人抱, 餐餐飯都要我地兩個輪流抱!

下個月就4個月了, 下個task係試食米糊, 真係個個月都有新target!

2009年1月13日星期二

CoCo的4歲 "陰公"生日會

今日係CoCo四歲生日, 阿爸阿媽無論幾唔得閒都要同阿囝慶祝下! 過去兩年CoCo Milky d 生日蛋糕都係我自己整, 因為驚街買果d唔知有咩成份, 自己整就最安全又一定無防腐劑. 但係今年真係忙到訓都唔得閒, 唯有做左一樣為人父母最差0既行為 --- 用錢買野做補償!

買返黎0既花生漿味birthday cake:

CoCo對住個cake當然勁開心, 不過總係好似有少少憂鬱咁... (唔知係咪我心理作用!)

自從上次我post左某人買比CoCo果張床之後, 引黎極大迴響! 近至各方狗友, 姨姨婆婆, 遠至美國0既姑婆, 都替CoCo抱不平, 極力要求要買過張大床比CoCo, 最終某人0係輿論壓力下就範, 阿囝有大床啦! 仲有生日禮物 "CoCo the Elephant"陪訓添!!! CoCo對張床真係"愛不惜手, 趕佢都唔走"!!!!

咁多好野,又點解會"陰公"呢??? 話說前幾日有人發現個杯墊"受傷倒地", 有被咬0既痕跡, 有人一怒之下打左CoCo一身, 跟住果兩日疑犯再度犯案, 估計某人應該又再"教訓"左CoCo一次! 直至CoCo生日會之後, 疑犯又再犯案, 某人正打算施刑之際, 工人姐姐供出真兇, 原來真兇係MILKY!!!!!!!!!