My daughter(s)

Sheryl出世之前, CoCo同Milky間唔中日頭可以入房同我地一齊瞓晏覺, 特別係冬天, 有朱古力奶一齊瞓真係10度以下都唔洗開暖爐!  不過自從Sheryl出世之後, 屋企嚴格"攪衛生", 所以朱古力奶好耐無瞓過我地張床. 

Sheryl而家都3個月大, so far對狗毛都無敏感(touchwood!), 加上我唔buy屋企太"無菌", 咁樣BB抵抗力反而會差d!  而且外國有研究指出有養狗嘅家庭, 反而可以減低小朋友敏感嘅機會, 所以適量嘅接觸, 係絕對無問題嘅.

早排Milky沖完涼之後, 我地就"特赦"佢入我地房一轉, 一向好discipline嘅Milky, 好似忘左形咁開心到死, 第一時間衝上床, 佢好乖, 會避開喺床度瞓緊覺嘅Sheryl, 我地一叫佢down, 佢就瞓低, 仲開心到反左肚要我地摸佢! 

Milky:  "好開心呀, 可以瞓返媽咪張床啦, Sheryl妹妹, 我地一齊瞓呀, 係咪好暖呢??"