台劇 "命中注定我愛你" 好睇, 好笑好感動呀!

雖然呢套劇已經係舊年0既事, 成日都聽人講話好好睇, 到最近終於"的起心肝"買左set dvd!

同睇之前"王子變青蛙"同埋Harry Potter 本書一樣, 一睇就停唔到, 因為真係太太太太好睇啦!  因為呢套唔只係一套愛情片, 仲講到主角大肚生bb, 加上好多笑位, 劇情又好細心舖排, 同三色台果d爛片真係無得比!  人地拍得有heart好多!!!!

劇情大致係講互不相識0既男女主角0係一次"意外"中"上錯床",  女主角仲有左!  被迫結婚後, 婚後第一日就簽下離婚協議書, 等10個月後bb出世就離婚!!!!http://www.settv.com.tw/metro/m119/

當中有好多感動位, 其中男主角同醫生講佢地有左係"意外", 跟住個醫生好惡咁教訓佢:  "每個寶寶都是上帝牽著手帶來這個世界上的,沒有任何一個是意外....孕育一個生命,不是意外,是命中注定的, 所以要珍惜在一起養兒育女的機會"

另外男主角家族生意賣0既肥皂叫"傳承" - "讓生命在愛的環境下延續下去, 就是傳承背後的精神意義"  都好感動呀!

一套劇之所以好睇, 其中一樣好重要就係要引起共鳴, 我地呢d有bb 0既當然有共鳴, 其實對於諗緊生唔生0既人, 都應該睇下! http://www.youtube.com/watch?v=HALnlBm1P4M

當然套劇唔係淨係講生仔, 仲有好多愛情位同笑位, 會令人睇到又喊又笑, 呢樣野我好佩服台灣d編劇, 劇中人物好少, 但係好專注同仔細!  呢點係香港d劇集永遠都見唔到0既!

Sheryl @ Studio

7月21號係我同CoCo爸0既拍拖紀念日.  今年同之前好唔同, 因為唔可以兩個人去慶祝, 而係多左個Ms. Fung!

所以今年0既慶祝節目就係......帶埋Ms. Fung去影相!  人地話影bb相最好就係bb坐得穩但又未識行0既時候, 因為唔會影影下走佬, 同埋呢個時候應該係最cutie!

我地揀左全城至平果間影樓, 好多bb都係去呢度影, $388有38張相, 仲有5個造型, 真係好抵, 就算 Ms. Fung唔合作都無咁肉痛呀嗎!

一開始影全家福, Ms. Fung唧都唔笑, 一味啤住攝影師哥哥同助手姐姐發呆, 好辛苦先令到佢笑, 影樓又開"溫暖"0既冷氣(因為驚bb凍親), 我地真係熱到想死!

跟住就影波波, Ms. Fung終於都開心少少, 因為佢好鍾意拎住d波波bang bang, 不過都係無咩笑容.  之後就到影寫真, 即係唔著衫影, 阿Ms. Fung即時好鬼happy, 又笑又搖個身, 所以唔著衫呢個造型d相最靚!  (原來鍾意唔著衫, "該燴"囉!)

 

而我就好鍾意呢個Anpanman加帽帽造型, 好colorful好正!

 

呢個廁所沖涼加坐塔造型都幾可愛, 不過Ms. Fung已經開始扭計, 可以揀到0既相都少左啦!

最後呢個廚師造型認真大件事, 一埋位就喊, 全程一泡眼淚, 結果...最好係呢兩張啦! 

正所謂一分錢一分貨, 去之前都預左唔會好high quality, 都係志在玩下開心下, 加上又唔知Ms. Fung表現如何, 無謂貼錢買難受啦!  其實出黎效果都唔錯啦, 有幾張都影得Ms. Fung幾靚囡! (雖然本身唔係靚果jar, 就係咁先勁! wakakakaka!)

不過阿Mr. Fung就唔係幾滿意, 話d相構圖同燈光都唔掂, 仲要唔執相添, 攪到我地自己執到死下死下! 

Anyway, 佢地d佈景都幾靚又多選擇, 以咁0既價錢有咁0既質素都ok啦! 

我地加左錢買大poster, 而家好期待呀, 因為見到d sample都好靚架! 不過要等成個半月先有得拎, 所以自己用software整住幾張止下渴先!

富貴"樹wim明"

日日都忙到頭都暈0既我, 早兩個星期駭然發現朱古力奶就黎到期滴frontline同食heartgard.  我地通常都會0係滴頸之前同佢地去游水同沖涼, 不過今次問題黎啦...........

CoCo爸比人停牌3個月, 試問我呢個高牌齡0既生锈車牌又點可能車到朱古力奶去屯門呢?????

之但係牌可停, 水不可不游, 所以最終就好"富貴"地call的去屯門 (由小西灣去屯門, 係由香港東南去西北呀!!!!).  好彩有discount, 都無咁肉痛!!!!

第一次搭的士搭咁耐, 牛奶妹同平時一樣, 任人擺佈, 比CoCo爸挾持住訓0係佢大脾度,成程扮石像! 

至於阿囝就.....周身唔自在, 搵黎搵去都搵唔到一個佢覺得舒服0既位訓低, 結果攪左好耐, 唯有將個狗頭long左係中間, 勉強叫做搵到一個容身之所! 

但係訓得一陣又要8掛起身四圍望, 點知起完身又搵唔返之前果個位, 成程車都好唔得閒, 0係後座地下行黎行去! (難為我對腳比佢踩左n次!!!!)

回程時已經無影相, 因為兩隻野攰到變左石像!!!!

"鴉烏"攪Sheryl

記得我細個果時d大人成日嚇我話如果唔乖就會有"鴉烏"黎捉我!  據我當時(幾歲大)0既理解, "鴉烏"=巫婆之類, 其實當時我都已經唔信架啦!  wakakakaka!

最近Sheryl令我對"鴉烏"有另一番理解, 事緣而家佢一眼訓或者扭計就會喊住叫 "鴉烏", "鴉烏"!  唔通真係有"鴉烏"???

不過呢隻"鴉烏"真係好恐怖, 最近晚晚都黎攪 Sheryl (攪佢即係攪埋我地, 因為我地都無覺好訓)!  之前Sheryl一直好地地, 食完最尾餐奶就一覺訓天光, 最近晚晚又抱又搖又唱歌都唔肯訓, 係咁搵野咬, 我手臂都比佢咬左幾啖!  呢隻咁可惡0既"鴉烏"就係Sheryl上面果兩隻門牙!!  之前出下面果兩隻都好d, 而家出上面呢兩隻真係......攪到人都癲!!!!!!

Sheryl因為呢兩隻"鴉烏"攪到成日"fing頭"同搵野咬, 係咩都咬, 仲要好狼好狠咁款!  晚晚好辛苦咁用成粒鐘tum左佢訓, 佢就每兩三個鐘醒一次, 一路喊一路叫"鴉烏"一路搵野咬!

呢兩隻"鴉烏"真可惡, 唔知幾時先肯走??!!!!