愛上猛獸 (14個月)

一直以來, 除左間唔中睇下your baby can read同埋disney隻免費dvd之外, Sheryl其他玩具都比較bb, 心諗唔洗谷得佢太勁, 只要做到up to age level 0既野就ok. 

不過當Sheryl識行之後, 開始發覺佢講野比較慢, 雖然佢會講mama, 不過只係發音, 唔係有意識咁叫, 加上語言發展如果遲, bb會容易發脾氣 (因為表達唔到自己), 影響深遠.  其實我都有d內疚, 平時放工返黎想自己休息下, 少花時間教Sheryl新野, 成日覺得佢仲係bb, 唔洗咁快啦!

直到帶佢去interview nursery, 發現原來佢有好多野都唔識, 玩玩具0既方法仲係好bb, 加上見到其他同齡bb已經識好多野, 先發覺原來係時間要認真少少教Sheryl啦!

bb語言發展先要有好既 "語前" skills, 例如模仿, 理解, 同埋口部肌肉協調.  如果呢幾方面未得, bb係唔會識講野.  睇返Sheryl, 佢13個月時既模仿同理解能力都比較慢, 所以當時我就決定要開始"認真"地"train"佢.

原來認真train真係好有效架, 真係唔可以睇少bb既能力!  一個月後(14個月大), 模仿能力進步左好多, 例如幫公仔梳頭, 餵公仔食野, 跟住your baby can read做動作 etc.  仲好鍾意模仿聲音, "乞痴", "happy"

理解都好左, 之前唔識疊積木, 淨係識"mit"開, 而家識疊高.  之前唔識identify object, 而家有d concept. 

谷左一排模仿同理解之後, Sheryl真係講多左好多野, 識叫mama daddy (仲會指住我地張結婚相叫，haha), 指住叫餅餅同raisen (佢讀"ree"), 有日比本書佢睇, 佢自己逐版掀, 仲指住d圖畫逐樣講: 襪襪, 奶奶, apple, bb (baby). 

本來諗住開始教佢揀蘋果, 香蕉, 啤梨, 但係佢一d興趣都無, 教左好多次都唔識, 我用果set圖卡係免費送既, 一面係生果, 後面係動物, 教親佢都將張卡反轉睇動物!  我又買埋生果模型比佢, 佢都係唔like.

既然佢咁鍾意動物, 我就把心一橫唔教生果住, 教左動物先, 千辛萬苦揾到呢set立體jumbo動物, 仲要辛苦親戚0係美國幫我拎返黎（原來實物係好大盒架，真係唔好意思啦！）

勁鍾意玩:

Learning "Tiger":

Sheryl超鍾意呢set animals, 玩左一個星期已經認到lion, tiger, giraffe, gorilla, elephant  (80% accuracy) 仲識講 line (lion), tie (tiger), ra (giraffe)!  總算無白費我０既心血！  不過為左要keep住佢既motivation, 每日只可以玩１５分鍾，　要o係佢無興趣玩之前收埋．等佢呢set學好ｄ之後，就開始另外兩set - jumbo farm animals 同埋 jumbo pets (其實係我好鍾意呢幾set animal, 造型超似，用膠造所以好輕，企得穩又洗得，oversize仲好鬼cute!  haha!)

要教ｂｂ新野，原來最難同最辛苦係點樣令佢有興趣!　Sheryl認知方面仲係比較慢，我要努力唔好偷懶先得！