Nursery interview - part 4: 終於有offer

2009年度最後一次nursery interview, 係, 我都覺得好跨張, nursery姐, 仲要係街坊幼稚園only, 前前後後報左9間!

今次係北角明慧國際幼稚園, 我地係人地第一輪in完晒收晒人之後先報, 所以都唔抱太大希望.

我報0既係國際班, 即係英普, interview當日, 副校長in我地, 一開口就用中文 (咩唔係國際班咩?), 令我覺得佢有d敷洐.  Anyway, Sheryl表現都唔錯, 做到8成啦, 加上佢好鍾意同陌生人玩, 一坐低就掛住同副校玩, 阿爸阿媽都唔理! 

Interview完之後, 副校同我地講, 其實佢地國際同local班都已經full晒, 可能要wait list, 都預左架啦, 有得wait好過無得wait.  副校話如果xmas前都收唔到通知, 就即係要wait list啦, 仲同我地話唔好意思.  咁即係凍過水啦!

點知過左幾日, 收到佢地封信, 話收阿囡讀international下晝班, 同時wait list上晝班.  實在太好啦, 雖然唔係咩名校, 都總算叫做有offer, 下晝班都照殺啦!

而家可以疊埋心水等出年in維多利亞, 雖然都唔太樂觀, 不過而家起碼有offer係手, 個心都定d!

至於屋企附近0既迦南同康傑, 話等bb 18個月先安排interview, 但係朋友同我講佢地已經full晒, 收大囝都收唔晒, 又點輪到細仔呢?  唉, 想唔洗搭車返學都唔得!