7月7號晚, 發現Sheryl發燒, 不過無其他任何symptoms, 食得瞓得玩得, 比左退燒藥佢食, 諗住可能出玫瑰疹.
點知過左兩日都仲燒緊, 仲開始有幾聲咳, 所以決定同佢去睇醫生.
Dr. Chan放大假, 唯有去睇Dr. Sue. 醫生話喉嚨發炎同感冒, 唔係出疹. 婆婆陪我一齊帶Sheryl去睇醫生, 之後公公仲專程過海黎車個孫女返屋企!
等公公期間去左食kfc, 當然無Sheryl份, 睇佢個病樣幾慘!!!
到左第4日, 仲燒緊, 食左退燒藥就退到38度左右, 藥力過左仲試過升到上 39.5度.
約左公公婆婆食飯, 出門口前見Sheryl退左燒又幾精神, 就照去啦. 點知食食下飯升到39.5度, 個人呆晒....................
第二朝拿拿聲再去睇醫生. 多人到企晒出門口..........
醫生話噤耐唔退燒, 加上又有痰同咳, 驚佢有肺炎, 於是即時照X-ray
點知....真係肺炎!!!!
醫生話係好初期同輕微, 可以選擇返屋企食抗生素, 如果兩日後仲唔退燒就一定要入院. 又或者選擇即時入院.
入院當然放心d, 因為肺炎病情可以轉壞得好快, 不過細路唔同大人, 入院抽血同打drip唔係人噤品, 要綁住仲會喊到死! 醫生話其實Sheryl嘅情況都可以試左返屋企食藥先, 噤我地就選擇唔入院.
當晚餵左兩次抗生素都失敗, 因為支野超苦加超"傑", 一食完就嘔返晒出黎.......
一心諗住天光都係要入院, 點知天光Sheryl竟然退晒燒 (36.8度), 加上我試下將d藥溝埋d果汁比佢食, 終於食到無嘔, 好好彩唔洗入院!
過左4日食晒支抗生素, 無再發燒但係仲有勁多痰, 所以決定去覆診.
見到你個樣精神返........................
仲喺診所門口玩到kaka聲, 我個心先安樂d!