完成人生第一年的返學生涯!

時間真係過得太快啦!  轉眼間Sheryl已經完成左第一年返學生涯.  Pre-nursery呢一年, Sheryl好似大個左好多噤, 由最初喊到死下死下唔肯入課室, 到而家自己話要返學, 去到學校仲頭也不回地入去, 都只係好似尋日嘅事噤! 

 

而Sheryl間學校係happy school, pre-nursery我都唔expect佢會學識好多野, 不過佢返左學之後, 講野快左好多, 誡左片, 自理能力進步左好多, 返pre-nursery, 都不外乎係想噤姐, 所以對呢間學校都好滿意.

 

自己從事幼兒發展, 始終覺得幼稚園呢3至4年, 都係以培養學習興趣同發展語言能力為主, 因為凡事只要有興趣, 有motivation, 先有動力去做得好, 如果太早就"填鴨", 令佢對學習失去興趣, 今日贏在起跑線又有什麼意義???  回想我地返學嘅年代, 小學年年考第一, 中學時大大退步嘅實在大有人在!   雖然我知道我呢個選擇喺好多家長眼中係好冒險, 因為考小一時又要爭崩頭!  希望我嘅選擇無錯啦!

 

去年8月PN開學時, Sheryl仲係一個未夠兩歲嘅BB:

一年後, 已經變成一個"小女孩"了!

學校入面, 最鍾意就係註校護士姐姐:~

媽咪希望你可以一直享受校園生活, 享受學習新事物的樂趣和滿足感就夠了!  學習生涯是長跑, 媽咪絕對不須要你贏在起跑線的! (也請你千萬不要贏在起跑線, 因為媽咪沒見過長跑比賽時起步帶頭的最終可以取得第一呢)

開始適應校園生活

由8月中開始, 一個鐘, 兩個鐘, 直到9月份開始正式返3個鐘, Sheryl總算開始適應自己上堂了.

而家每朝帶佢返學, 去到學校樓下都會開始扭下計, 去到課室門口同老師交接時會喊, 不過我喺出邊"裝"佢, 見佢唔夠30秒就收左聲, 而且已經好專心噤玩緊玩具.   加上每晚臨瞓我會同佢傾下計, 問下佢學校d嘢, 佢每次都會好sweet噤笑住答我, 好似好回味噤, 我諗佢應該enjoy返學啦, 係再要d時間適應下同媽咪分離果一下.  好似校長喺簡介會都提到, 始終都仲未夠兩歲, 須要嘅適應時間比"大囝"長係好正常嘅.

入左課室後一分鐘嘅情景, 收晒聲玩緊玩具lu.........

放學返屋企食完lunch就nap, 起身都下晝4點幾, 食完tea就同嫲嫲爺爺落街行下玩下, 返上黎玩一陣玩具就6點幾食dinner.  食完dinner我地返左屋企daddy又帶佢落街玩多轉, 之後我地食飯佢就同工人姐姐玩, 好快又到9點要沖涼食奶, 跟住我同佢bed time story後10點前就要瞓覺啦,  返學嘅生活非常充實!

課餘大玩具...................MILKY家姐!!!!!   呢張相影得佢兩個幾似樣喎, wakakakaka!

Pre-nursery第一階段適應期-同室分離

開學頭5日只係返一個鐘, 家長都可以陪上堂.  

 

 

第一日Sheryl好驚陌生環境, 成日都要我抱

 

放左學即時開心晒!

 

 

第二日好d, 無抱過, 但係要痴住我痴到實一實

 

第三日daddy帶返學, daddy出左班房15分鐘都ok無喊

 

初時唔肯自己"咩"書包, 見其他同學仔"咩", 佢終於都肯"咩"

 

第四五日同室分離都尚算ok, 但係同園分離就喊爆!

 

跟住兩個星期開始返兩個鐘, 家長都可以喺度, 不過就要開始試下同園分離.......

 

 

 

 

 

返學生涯開始!

過去大半年, 一直為Sheryl找Nursery的問題煩惱, 因為Sheryl係"細囡" (即同年8月後出世), 好多幼稚園都唔prefer"細b"!  當然, 如果我係全職媽媽,我會考慮乾脆出年比佢直接讀K1, 呢年可以返住playgroup先．不過可惜我要返工，要將照顧Sheryl呢件重任假手於人，而Sheryl過左１5個月之後，照顧佢唔係淨係食，痌，瞓，仲有"教"! 而"教”呢樣嘢如果交比工人姐姐同嫲嫲，後果．．．可以話係不堪設想！　我唔係指知識嘅教導，而係自理能力同脾氣嘅控制．

所以雖然我知道噤細個返學好易病，同埋初時返學要比較長嘅適應期（即係發癲期），我都希望佢可以返兩歲nursery.

 

之前一直為返下晝班而擔心，始終Sheryl開學時都只係得１歲１０個月，午睡對佢黎講真係幾緊要，所以daddy喺申請左轉上晝班之後，一直都keep住同校長交涉，校長話今年人數好多，雖然我地交信交得早，轉上晝班條隊我地排第一，　不過根據往年經驗，開學前最多都係得一個轉到，甚至無人轉到！　一路等到７月尾都無消息，我地都打定輸數，點知８月頭竟然收到信可以轉上晝班，真係喜出望外！！！

知道可以轉上晝班之後, 終於有返d心情準備開學嘅嘢.  衫label, 鞋貼, 防水名貼, all ready!

第一個書包 - 除左知識之外, 媽咪更希望佢可以為你滿載返學嘅喜悅同笑聲!!!!

制服誘惑

下個月就要開始返Pre-Nursery, 上星期拎左校服.

最細size 2, 睇sample果時覺得好細, 所以訂左大一個碼, 點知..............

超大, 要拎返去換!

套sport wear就要左size 2......

ok啱身!

著起校服, 突然好似大個囡左好多噤!  其實下個月開學都未夠兩歲(1歲10個月only), 又好似有d唔捨得佢要一個人返學, 又擔心會成日病.........................

阿囡當然未識驚, 仲掛住玩幫bb沖涼.......

玩玩下......諗住自己坐落個盆度.........

好明顯, 你對大細嘅概念仲未掂!