3日極速戒片 (2yr6m)

一直唔心急同Sheryl戒片, 因為我相信外國文獻, 太早戒片對心理/生理都有影響.  加上Sheryl兩歲時正係冬天, 所以一直等到天氣回暖, Sheryl兩歲半才正式開始.

其間有唔少人問仲咩仲唔戒片?  好多小朋友兩歲已開始戒片了!  我覺得, 著多幾個月片有咩問題呢?  代表無人噤叻咩?  哈, 香港父母咩都要鬥快, 連戒片都要鬥快?  Oh NO!

我深信當佢ready, 戒片自然事半功倍.  當然我無戒片經驗, 不過我信外國文獻, 結果.....

戒片頭兩日只係有兩次accident, 第3日開始, 已經可以全日唔著片了!  (當然訓覺例外啦).  出街返學就"安全"起見仍然著片, 不過Sheryl已經唔肯喺片痾, 出街都一定要去toilet了.

所以戒片過程, Sheryl沒有太多錯敗感, 相反加強左成功感, 呢個係我噤遲先戒片嘅重要原因!   不過由於佢戒得太快, 我無諗過佢噤快出街都唔用片, 所以拿拿聲買左個出街用嘅廁板, 如果唔係我大住個肚抱唔到佢喺大人廁所度痾~

呢款幾好用又唔貴:

 

而家佢都試過有一兩次掛住玩/睇電視趕唔切話要weewee而瀨尿, 不過佢自己都會好唔開心, 好down噤 ~~~  所以如果太早戒片令佢有更多機會fail, 我諗真係會影響自信心架!!!