Art Playgroup (2yrs6m)

自從幾個月前上完左柏斯個KuluKulu Club之後, 就無再上任何course.  因為個人認為Kulu Kulu 個課程太disorganised, 老師完全無experience handle噤細個小朋友, 上堂場面經常失控, 連control小朋友坐定定都做唔到, 仲學咩鬼野呀?

有人會話(特別唔係做人父母果D), 噤細個梗係坐唔定, 學黎做咩?  其實Sheryl返學坐得好定, 守秩序, 跟老師指示無問題.  點解返學同上Kulu Kulu可以係兩個人??  完全係因為學校老師有technique去控制佢地, 而Kulu Kulu嘅0靚妹老師完全唔掂!  上音樂堂學唔到野係其次, 連basic嘅守秩序都失守, 唔掂!   所我我都無再報Little Mozart個course.

直到Sheryl 2.5歲, 見佢每日訓醒晏覺噤無聊, 屋企樓下商場又有畫畫同跳舞學, 屋企落去全室內唔洗經馬路, 雖然唔係咩名氣教室, 不過噤方便就去試下啦~

報名前帶佢去畫室幾轉, 等佢睇下哥哥姐姐畫畫, 佢又好似好有興趣噤 :~

報左一星期一堂嘅Art Playgroup, 會畫下畫做下手功:~

第一堂的作品 ~ 母親節花花 :~

 

以上作品當然唔係Sheryl畫架下, 應該係老師畫, 佢幫手填下色, 貼下眼仔噤. 

有d教小朋友畫畫嘅老師質疑點解老師畫唔係小朋友畫都仲要去上堂, 又話咩要原創唔抄襲, 又話小朋友太細根本唔識畫.  對於一個教小朋友畫畫嘅老師竟然噤都唔明我真係好失望~~~  我唔可以話自己係"幼兒教育"嘅專家, 但係對於小朋友發展同咩歲數做d咩我應該一定更清楚, 話晒讀書做野都係呢瓣! 

唔通我會expect一個2.5歲連筆都未拎好嘅小朋友去認真學畫畫?  Art只係一個媒介, 可以train到小朋友好多野:  專注力, 小肌肉控制, 填色concept, 混色concept, 仲有滿足感.  唔通要認真畫得出一幅畫先叫"值得"學?  如果個課程係要Sheryl認真執筆去畫, 我諗我會即時退學囉.  幼稚園都會做下手工玩下finger paint畫下畫, 噤係咪都唔應該呢?

對畫畫/art有執著係好, 不過唔須要噤偏激, 畫畫唔係一定要4,5歲同小朋友"溝通"到先可以學, enjoy藝術唔應該有年齡界限, 同埋邊個話2.5歲"溝通"唔到呢?