最新淘寶英文書收穫

其實已經有一排無買新書了, 因為地方所限, 同埋去圖書館好方便.

不過家姐仔開始要做好多exercises, 線條練習等, 所以就去淘一淘啦~~~

呢3本exercises又厚, 印刷又精美, 彩色架.  公仔得意又有stickers, 家姐仔一定好like:

無意間見到呢本, Karen Katz嘅lift the flap book好正, 之前家姐仔細個都買左一set, 佢仲好鍾意睇.  今次比我淘到同一系列嘅halloween版 :)  廿零蚊同書局賣果d完全無分別!

最後呢本海綿board book幾好玩:

弟弟可以睇之餘, 家姐仔都可以學下相反詞啊!

 

Aidan @ 4 months

Aidan 4 個月大返健康院打針針, 重 6.82 kgs (15磅), 頭圍42cm, 兩者都係50 percentile.

 

姑娘話Aidan重得好好, 好標準, 問我佢每日奶量.  而家一日5餐, 3次7安, 兩次埋身唔知食幾多, 不過應該少過7安因為弟弟多數食一邊就唔食.

 

姑娘話而家到6個月大都唔好加奶量比佢, 因為一餐7安都幾多下......

 

好彩弟弟係食人奶唔係formula, 如果唔係醫生分分鐘要佢減肥......

 

弟弟而家好多野講, 成日喃喃自語, 仲會玩自己把聲, 一有人同佢傾計佢就笑晒:

 

未識轉身, 放玩具入佢手佢會拎住幾秒, 最大嗜好係食手. 

Aidan開始睇書了 :)

好開心好成功地令到家姐仔成為愛書之人.  家姐仔由3個月大開始我每日都會讀書比佢睇, 唔須要理佢其實識唔識, 目的係養成一個睇書嘅習慣, 令佢覺得每日睇書, 就好似食飯沖涼去廁所噤自然嘅事. 

而家每晚我要同家姐仔講價, 佢話要睇5本, 我話3本, 最後4本成交 XD  如果唔係, 佢可以拎十幾本書上床度睇到唔肯瞓.....

弟弟而家3個半月了, 都係時候開始培養睇書習慣, 就由布書開始啦!

佢堅係睇緊架 XD

等我摸下先.......

呢個pose睇都唔錯.....

同家姐仔一齊睇, 教識家姐之後仲可以幫我手讀比弟弟聽:

Aidan 3 個半月

Aidan已經3個半月大了!

唔知係因為第二胎有經驗, 定係Aidan出世重磅過家姐, 感覺上弟弟好似易揍d.

而家食奶瞓覺時間都好穩定, 好少無原無故大喊扭計, 多數11點幾瞓到第二朝7,8點我叫佢先起身食奶, 食完又瞓過, 到12點先起身.

奶量仍然係一日5餐, 兩餐埋身餵, 兩餐泵出黎餵, 臨瞓一餐formula, 每次食到200ml左右.

唔知而家幾重因為4個月大先再返健康院, 不過已經抱到手軟!

Aidan同家姐一樣, 出世超級硬頸, 基本上呢個動作滿月已經做到, 而家更加無問題.

識同人笑之外仲不斷捺人同佢傾計, 遺傳左佢老豆 attention seeking嘅性格 @@ 

而家最鍾意食手, 開始用手拍d玩具不過仲未識用手玩同拎住...

家姐仔暫時好鍚弟弟, 弟弟都好鍾意家姐仔, 對眼成日追住家姐黎望.  希望你地可能珍惜自己有"手足"嘅機會, 好好相處啦!

美國直送Medela奶樽加奶咀

返左工之後, 每日兩次埋身餵, 兩次泵出黎, 一次formula.  弟弟比家姐仔細個時食人奶叻好多, 唔會食到我痛, 不過就變左食奶樽唔叻. 

家姐仔自細用chuchu奶樽好好無問題, 所以今次都買左chuchu樽比弟弟.  另外之前喺美國買左set Medela儲奶樽包埋奶咀, 於是都照比佢食.  點知medela奶咀弟弟食得幾好, 反而chuchu奶樽食得唔好, 入好多風仲攪到成日嘔奶, 係嘔半餐果隻, 唔係幾啖.... 

於是走去medela代理諗住買多幾個奶咀, 點知發現原來香港d medela奶咀同美國果d唔同, 美國果隻係wide base, for人奶b咀形.  香港其他牌子wide base奶咀又fit唔到落chuchu樽度, 唯有上amazon order返美國medela奶咀 (平過換晒d奶樽加奶咀).   好彩有Aidan姑婆幫手寄返黎, 不過運費真係好金......... Thanks a lot auntie Anita and uncle Raymond! 

 

連奶樽package仲平過單買奶咀. 

 

 

Wide base奶咀比人奶b用真係幾好, 無噤易nipple confusion.  一次過買埋for >4months 用嘅.  呢隻奶咀好在可以fit落窄身chuchu樽度, 唔洗換晒d樽!

 

淘寶玩具收穫

強國最可愛嘅發明, 一定係淘寶XD  小朋友玩具玩得唔耐, 平平地買淘寶貨已經好ok, 不過我會揀有牌子嘅貨尾/瑕疵貨, 起碼用料唔會太差同埋唔會用有毒物料.

 

其實家姐仔d玩具留起比弟弟玩, 不過見到平靚正又忍唔住買XD

 

今次的收獲, 全部加埋只係二百幾蚊人仔

 

最正係呢個ELC遊戲墊, 同香港幾百蚊果個我睇唔出有分別, 淘寶只須130人仔

 

Lamaze玩具, 都係幾十蚊人仔:

 

 

呢個貴d, 四十幾蚊人仔, 不過家姐仔鍾意pororo, 買比佢沖涼玩

Aidan 一百日

Aidan百日宴, 我地"簡單而隆重"地兩家人一齊食餐飯. 

 

今次因為遲左book, 樂怡文師傅booking full左, 唯有試下onda cakeshop. 

效果唔差, 不過真係不及文師傅細緻同用心.  個cake我要黑森林, 佢造左香蕉朱古力, 好在香蕉朱古力好好食, 叫做錯有錯著.

不過講到用心, 真係差幾皮.  我send左相比佢之後再電話同佢confirm, 我想用toy story果種積本砌Aidan個名, 佢竟然話, "噤樣好side我地時間, 要每磅收貴d!"  雖然我唔識整, 但係幾塊正方形子母積本有幾難整?  難整過隻木馬???  搵藉口收貴d都算, 佢竟然用"side時間"黎形容佢整嘅立體蛋糕???

跟住我叫佢整d波波喺蛋糕面, 佢話"我是但整d圓形架咋喎!"    又是但又side你時間, 無心做點會做得好呢?

仲有, 我話Aidan係男仔想要粉藍色, 佢話ok但end up整左粉紅色.  其實....就算我無講, 男仔都無理由用粉紅色....更何況我白紙黑字email寫到明! 

如果大家有睇之前我幫Sheryl訂果d立體蛋糕, 比呢個複雜同detail幾倍, 文師傅仲會比意見點樣會靚d.  人地係想盡辦法點樣整好d, 好有heart, 而唔係是但同埋覺得side時間囉.  雖然onda個cake好食d, 不過order得立體 蛋糕當然係要個look啦.

技不如人唔緊要, 我預左,  無heart果下要不得!!!!!