Bedtime reading for Aidan @11m

有了Sheryl變成電影精的經驗之後, Aidan從來無電影睇.  而家有時家姐睇卡通, 佢喺側邊都會睇一陣, 不過佢對卡通無興趣, 睇幾分鐘就走佬.

但係佢對睇書都無咩興趣睇兩三版就走佬.  喺臨瞓前少d環境上嘅stimulations, 佢先可以坐定睇到本書嘅80%

好似睇得好入神, 其實係抆緊隻狗d毛....
 

好認真地turn the page,

學習blending (movable letters)

自從弟弟出世之後, 都無時間玩Home Little English.  Sheryl而家K2, 學校有教phonics, 而家26個字母嘅sound(vowels and consonants)都學左,  將要開始phonics最難嘅部份 - blending.

對自小無native english speaking 訓練嘅我黎講, blending真係幾難.  不過學識blending之後, 對串字睇書都好大幫助, 所以學phonics對現今嘅小朋友真係好重要.

由簡單copy 串字開始:

跟住無圖畫, 每個word分開3個音同佢讀, Sheryl都ok:

到最後要佢讀個字出黎再放返張match嘅圖就唔多ok了.  因為佢要自己拼個字嘅讀音出黎, 基本上佢係唔識拼.  練左幾次, 可以拼到box 同dog啦!!!

Halloween姊弟裝

早前美國網站Oshkosh大減價, 買左d衫比兩姊弟, 時近Halloween, 當然有Halloween theme嘅衫. 

不過唔係太鍾意halloween扮得好誇, 所以揀左呢兩件mickey minnie t-shirt, 又平又靚

唔好意思, 弟弟剛沖完涼唔肯著褲就掛住搵家姐玩.....

家姐最like Minnie, 呢件啱晒佢!

喺香港好難買到姊弟裝, 因為弟弟太細了, 雖然呢兩件唔係一set姊弟裝, 但幾十蚊一件真係好鬼抵

Aidan學行路 @11m

一直以為男仔發展一定慢過女仔, 所以都預左弟弟可能14個月先識行, 點知......

呢隻馬騮仔真係唔等得, 10個月開始已經努力扶住野行, 而家11個月單手扶野行已經無難度了.




行到成頭汗........

佢以為自己識行之後, 一放返佢落playpan就喊到拆天!  

睇黎善良的弟弟好快就會變成追到我斷氣的小魔怪了........

Music Wonderland 畢業了

上左半年的Music Wonderland畢業了.

家姐好鍾意上, 因為係唱歌為主, 會彈少少琴, 訓練listening多. 

因為我自己識彈琴, 所以明白佢地上堂教嘅野看似簡單, 其實係train緊一d好重要嘅學樂器嘅foundation, 因為如果Aurel唔好, 學任何樂器都只會事倍功半. 




Music Wonderland最後幾堂會試上JMC內容, 包括唱歌 (其實唔簡單架, 因為係要唱drmfs)

其實真係好鍾意Tom Lee Yamaha 呢個課程, 有家長可能覺得淺同進度慢, 但係識樂器嘅人就會知佢個課程其實唔係唱歌仔噤簡單, listening真係好重要的.
 
不過決定唔上JMC, 一來家姐會開始單對單學琴, 二來JMC要上兩年, 好大commitment, 出年家姐K3轉下晝班d時間又唔啱.  最大問題係要有大人同佢一齊上, 工人姐姐同嫲嫲其實未必應付到, 即係要我同佢上, 但係又夾唔到時間.

唯有忍痛唔上JMC......不過yamaha呢個course 都係強烈推介的.

Hip Hop B @ 10m

弟弟被嫲嫲形容為愈大愈靚仔... 

帶左daddy頂帽之後又好似真係順眼左喎!

應該係因為遮住左d反地心吸力嘅頭髮, wakakakaka!

Hip Hop look:

Lego Read & Build

剛剛想買呢盒Lego Read & Build, 點知原來婆婆已經買左比Sheryl玩了. 

玩lego 一直係Sheryl弱項, 佢d visual perceptual skill好似比較弱, 所以好少玩lego.

呢set有本故事書同砌一個好簡單圖形, 對鍾意睇書的Sheryl黎講真係一個推動力.

成功戒掉weekdays看電視

之前Sheryl一直都有喺我地食dinner時睇disney junior嘅習慣. 

一來我地要照顧弟弟, 之前仲breastfeed緊時真係連飯都無時間食......

不過而家升左K2, 功課多左, 又有明年考小一的壓力, 加上弟弟大個d易揍好多, 覺得要比返多d時間家姐, 首先要stop左佢weekdays睇電視先.

拎返之前買落嘅遊戲同練習出黎, 估唔到Sheryl好鍾意玩, 仲以為要戒TV一定好難, 點知Sheryl好叻, 幾日已經無再話要睇電視, 仲主動話要做練習.  全個戒電視過程都無眼淚同責罰, 呢點真係出乎意料之外!

Logico (淘寶大陸正版) 最受阿囡歡迎, 因為有得填色...
 

智高fun上年未太識玩, 而家好enjoy, 不過有d太深都未得...

所以別小看孩子的適應力, 只要用對方法, 壞習慣不難改的!  家姐仔加油!!!!

Aidan出玫瑰疹+氣管炎@10m

Aidan上兩個星期發高燒 (39.8度), 仲加埋咳, 勁多痰咳到嘔.  睇醫生初時仲好精神, 喺疹所爬黎爬去........................

回程時太眼瞓, 頂唔順喺車上面瞓左

 

之後食完4日藥都無好轉.  正考慮入唔入院, 始終覺得噤細個要打drip抽血好慘, 所以都係決定睇第二個醫生先.

唔舒服喊到變左豬頭.......





原來係出玫瑰疹, 醫生話佢唔好彩同一時間中埋感冒, 攪到氣管炎, 所以先噤辛苦!  Poor Aidan Boy...........

因為高燒要塞藥, 弟弟最鍾意呢個睡資姿就啱晒啦....塞完佢都唔知,   大覺瞓中.....

維多利亞小豆豆合唱團

早前收到學校通告, 邀請Sheryl加入佢地嘅"小豆豆合唱團".   家姐一向鍾意唱歌, 不過走音架喎......

通告話家姐有潛質...走音喎...wakakakaka!   可能係有潛質比錢, 因為係要比學費的.  Anyway, 唱歌又真係家姐仔鍾意嘅, choir可以訓練下佢跟下規矩都好.

合唱團有機會join校際音樂節, 雖然幼稚園租別係不設"比賽", 只係計分分grade, 不過都應該係一個好好嘅經驗 

 

除左校際, 仲會join下其他表演同比賽, 平均每月三百幾蚊都算好抵啦!

合唱團有三十人左右, 好多都係K3學生, 身為K2細囡嘅Sheryl, 分分鐘係合唱團入面最細果group, 希望佢ok啦!

美國直送 - Britax Frontier 85 booster seat

呢篇blog遲左post, 剛剛先記起, 一定一定一定要post返!!!!!

弟弟出世之後, 要買多一個carseat , 因為Sheryl當時已經3歲幾, 加上佢又幾高, 要買就要買booste seatr了.  即係用大人安全帶, 個booster只係幫佢坐高少少.  

一直都覺得呢個system好似唔多安全, 條大人安全帶對一個3.5歲嘅小朋友黎講, 實在係太鬆, 佢可以好容易就自己鬆綁.  朋友仲試過剎車時個小朋友瞓著左, 連人帶booster一齊郁, 個頭撞左埋個窗度!

上網search資料時見到呢篇野:  http://mama4.wordpress.com/2009/04/08/dont-use-booster-seat/ 一路睇一路喊, 睇完個心好up, 雖然意外呢d野有時真係避都避唔到, 不過如果能力範圍以內可以的話, 都希望可以盡量做, 畢竟小朋友嘅安全最重要!

受害人媽咪開左個website宣傳booster seat安全,  http://kyledavidmiller.memory-of.com/About.aspx  , 一個安全booster seat應有5點式安全帶加isofix system, 而喺美國最高安全規格的品牌係Britax. 

喺香港睇左好多booster seat, 幾乎全部都係用大人安全帶, 如果要5點式安全帶就只可以坐到4歲.  見到Chicco同英國Britax有5點式安全帶, 但無isofix同埋好好好貴....起碼3千幾4千蚊起碼

美國amazon Britax Frontier 85 有齊5點式安全帶加isofix system, 都只係賣HK$1700左右, 呢個價錢喺香港係唔可能買到安全d嘅carseat.  不過體積噤大, 無可能ship返黎, shipping仲貴過個 booster seat!!!   產品reference:  http://www.britaxusa.com/car-seats/frontier-85

真係要好感激Sheryl 姑丈公幫忙, 當寄倉行李帶返黎!!!!!

張Booster用isofix system, 真係可以好穩陣地fix喺張椅度, 雖然係5點式安全帶, 不過一d都唔會辛苦, 座位好闊, 仲有位放杯, 你睇Sheryl幾happy!  最緊要係你安全又開心, 呢兩樣野多多錢都買唔到!