手信

阿媽去旅行, 朱古力奶就一定有手信啦, 今次唔係買左好多0野, 因為都唔算平! 

其實淨係個Air Kong係我買0既, 另外兩個Milk-bone玩具係朱古力奶姑婆送比兩隻野0既, 我估......朱古力奶應該唔洗兩分鐘就可以K.O.呢兩件玩具!

仲有兩舊"for powerful chewers" 0既膠骨骨, 同埋食肥狗0既牛/豬皮骨!

美國Sanrio出左一系列狗狗用品, 不過淨係呢兩樣arm大狗用!

0係Target減價0既狗狗相架一對, 張sample相仲係lab lab黎架!

最後, 都係最貴0既, 就係呢個傳說中可以減低90% shedding 0既"Furminator", 香港賣四百幾蚊, 係美國買都唔平得好多, 只係平幾廿蚊, 同朱古力奶試過, 真係一邊梳, 一邊成地都係毛, 直頭好似人地剪羊毛咁, 唔知係咪心理作用, 好似又真係甩少左毛, 不過呢排兩隻野甩毛都甩得好勁下, 要梳密d先得! 

表舅父Cookie的五星級生活

住係舊金山嘅朱古力奶表舅父Cookie, 可以話係有一個五星級的家，天生'活潑熱情'嘅Cookie, 平時究竟有咩做呢？

Cookie屋企附近有個'放狗山'Fort Funston，好多人放狗，你地睇下地方幾大! 

(Cookie: 車，　幾大都唔關我事啦，　阿媽話唔比放繩喎，　如果唔係，　我實走狗走到影都無!

)

 

好啦，　行完山，　返到屋企即時坐番張”大班椅”先!   Cookie: "你地咪坐我張龍椅呀，　我鬧你架！

”

 

話咁快又天黑，　比人困番入個一廳一房嘅”豪宅”，　仲有張好”ｃ服”嘅梳化床!

 

眼瞓嘅Cookie, 真係可愛到屎，　任人魚肉，　用佢張被包實佢，　都照瞓可也！

    Cookie:  你地攪我攪得咁過癮，　阿叔我家陣好眼瞓，　聽日你地就知味道!!!!!

丁丁已經去左新屋企啦!

上星期唔喺香港, 到而家先得閒update丁丁嘅情況.  丁丁(已改名叫"菲菲")weekend已經去左新屋企啦!  新主人一家三口, 仲有隻拉布拉多囡Circle陪菲菲玩, 又成日可以去游水, 菲菲終於都苦盡甘來!  我地呢個weekend可能會去探下佢, 到時再影d相比大家睇下!

今次當然要多謝領養人Circle媽, 佢唔介意菲菲pat pat有撻癬, 又唔介意vet話菲菲要check 下個hip, 因為菲菲而家起緊水, 等佢起完水一個月之後, 就會帶佢去desex同照hip x-ray啦!  Circle媽仲話菲菲好乖, 同Circle相處得好好, 又唔吠, 仲成日笑!

  菲菲就算比前主人遺棄過, 都無損佢樂天嘅性格! 

其實有個人, 更加要多謝, 就係暫養人阿Min

, 佢真係好錫菲菲, 成日帶佢去玩, 最後仲決定可以收養埋菲菲添!  要喺阿Min同Circle一家之間選擇, 真係好困難, 喺衡量過居住環境之後, 最終決定將菲菲交比Circle一家照顧!  菲菲有阿Min不計回報咁照顧佢, 菲菲真係好幸福!

最後要多謝好多好多幫過菲菲搵新主人嘅朋友, 雖然菲菲比前主人遺棄, 令我好心痛, 但係就發現原來都仲有好多好多有心人, 喺有須要嘅時間, 會行出黎幫忙!  如果人人都諗住"實有人幫嘅, 洗咩我幫呀!", 咁呢個世界會變成點, 真係唔敢諗!  幫, 當然要量力而為, 但係原來每個人只係出少少力, 好多人嘅"少少力"加埋, 都可以有"奇蹟"!!!!!!

希望其他被遺棄嘅狗狗, 都可以好似菲菲咁好彩, 有機會遇到"奇蹟", 搵到新嘅家!