Nursery interview - part 3: 好大進步 (我覺得only)

之前報左6間nursery, 3間連in都無得in, 1間唔收, 1間未知result, 1間要出年先in.  簡單黎講, 即係一間都未有0係手!

於是係其他學校已經in完一批candidate之後, 再試下報名, 好彩仲有兩間仲安排interview比Sheryl.

今早得登請左半日假, 去in太子道方方樂趣幼稚園.

今日Sheryl好精神, 因為尋晚訓足12個鐘, 去到學校好有興趣周圍explore, 見到老師一d都唔驚.

老師首先推架車車比佢, 佢又識得推返比老師, 仲同老師 take turns一人推一次.

跟住老師叫Sheryl 比架車車媽咪, 阿囡好乖咁比我, 好彩佢上兩個星期學識consistent地叫媽媽, 如果唔係呢part都唔穩陣.

跟住老師比d大舊lego積木佢砌, 我都心知不妙, 因為Sheryl教極都唔肯砌積木, 淨係鍾意"mit"開佢, 奈何呢part幾乎係每個interview既指定動作!  拉鋸左兩分鐘, 佢都唔肯砌, 我唯有試下叫佢收玩具, 好彩佢又肯收, 將d積木逐舊放返入個籃度, 呢part老師都幾滿意!

跟住比d公仔puzzle佢, 叫佢將個公仔放返入去個洞度, 佢識放但係唔識按個公仔入去, 唔知咁樣叫唔叫做到呢?

老師問我地佢係咪有返playgroup, 佢話因為返playgroup差好遠架, bb會唔驚人同埋鐘意同其他bb/老師玩.  呢點我都好同意, 阿囡未返playgroup之前同而家真係唔同左好多, 之前好驚人, 而家上playgroup會主動走去英文老師Ms. Crystal度聽佢講故事, 仲試過肯比Ms. Crystal抱住一陣添..

10分鐘in完, 老師都無我地問題, 只係介紹下學校咁.

最後Sheryl仲拖住老師行出門口, 一副想玩唔想走既樣.

對於我黎講, Sheryl今日表現好好啦, 都做到大部份指令, 同幾個星期前好唔同.  不過始終係細囡, 人地有得揀都揀左大仔先啦, 唔收都唔出奇.   Anyway, 媽咪今日已經好滿意啦, 無論收唔收, Sheryl都已經好叻叻!  hehe!

 

Nursery interview - part 2: 眼瞓求其in

11月21號早上, 又去interview另一間nursery - 康怡中英文幼稚園

Interview前一晚, Sheryl流鼻水加鼻塞, 一晚醒幾次,(其實佢已經病左成3個星期, 睇左3次醫生, 食藥滴鼻咩都試過, 都係唔掂!!!) 我地只係瞓到幾個鐘, 朝早起身真係想死, 曾經諗過不如唔去interview, 因為實在太攰!

End up死頂起身, 好彩Sheryl狀態唔太差 (差0既係我!), 諗住早d去到等Sheryl warm up, 最後都係早左5分鐘only!  由於學校nursery係全英文教學, interview都係外籍老師, Sheryl好似like鬼婆多過本地老師 (可能因為返tutortime都係外籍老師), 佢肯比老師拖手行去課室

開始老師比d積木Sheryl玩, 睇下佢識唔識疊高 - 唔識! 

跟住老師就問我平時邊個照顧佢, 同佢玩d咩之類.  跟住比其他玩具佢玩, observe下點玩, 阿囡將串珠掉晒落地 (人地係串珠仔呀), 老師叫佢比玩具老師佢又無反應, 最後叫佢行下睇下可唔可以自己行, 呢part無問題, 我帶佢行去拎左個蘋果, 佢行返埋位比個蘋果老師! ( 不過人地都無叫佢比! 叫佢比又唔比, 無情情又自己比, 唉!)

最後老師問我 "is there anything important that you want me to know about Sheryl?"  係呢個時候, 我理應大賣廣告, 介紹下自己既職業, sell下自己識得點樣同Sheryl做developmental training!  點知可能因為太眼瞓, 竟然諗唔起要sell自己, 淨係同老師講Sheryl好鍾意聽音樂, 一有music就會dance!  (試問呢樣野有幾important呢? Shxt!)

跟住老師問我有咩問題, 我又九唔搭八問佢有關佢地playgroup既野, 老師話, playgroup果d要問返reception!  哈, 我應該問nursery既野, 整咩走去問人playgroup呢?

見完出黎, 我個頭開始痛, 仲要有wing wing地0既感覺!  睇黎呢間都係凍過水, 早知係屋企瞓下好過!

之後返屋企休息, 下晝見精神好少少, 就同Sheryl去左IFC行街街.

已經有Christmas decoration啦:

阿囡影影下相突然嗲起上黎, 係咁痴塊面埋黎:

痴痴下仲kiss kiss添:

放佢落地行完一輪, 開心到屎:

去Starbucks仲share我舊muffin:

我諗每個daddy都鍾意同囝囡玩騎膊馬:

Nursery interview - part 1: in完都唔知.....

上星期六, Sheryl第一次interview nursery, 之前真係無準備, 畢竟只係13個月大0既BB, 想點???? 

今次in北角衛理堂, 本來係21號先in, 因為咁啱同另一間撞左期, 所以就打去改左14號, 不過老師話14號果日in果d全部係K1大仔, 驚Sheryl會驚喎!  由於衛理堂唔係我地最鍾意果間, 因為母語教學, 所以無所謂, 諗住當"見識"下點樣interview囉!

當日去到, 已經好多人, 埋去登記報到, 見到張name list淨係10月份出世0既都有成兩版紙, 有成40-50人 (10月only, 仲有其他11個月, 咪有成6,7百人???)

由於學年0既計法係由1月到12月, 即係同年1月出世同12出世都係同一年, 一齊in, 開學時間係8月, 如果到8月未夠兩歲好多學校都唔收, 收都要on waiting list.  即係細囝(9至12月出世果d)好唔著數!  咁有d人又會話, 比佢讀遲一年做大仔囉!  Sorry, 而家d學校連大仔都唔收 (細又唔收大又唔收, 死未?)  加上等多一年佢又夠歲數入K1, 即係唔洗讀nursery? 

Anyway, 有得in就照in左先, 報到完即時就有老師行埋黎, 帶我地去課室, 出乎意料之外, Sheryl竟然肯拖住老師同daddy一齊行去課室!  由於Sheryl應該係當日最細果個 (因為當日係in K1), 途中d老師個個見到佢都讚佢得意, 仲讚佢得13個月就行得咁好好叻叻.  我開心之餘, 心諗一陣埋枱玩玩具就死梗, 阿囡一定無反應.......

去到課室, 入面有兩張大長枱, 放滿玩具, 有其他小朋友係另一邊玩緊, 老師拎左d玩具比Sheryl玩, Sheryl果然開始發呆, 眼定定望住老師, 其實老師都無同佢講野, 佢都驚到咩都唔玩, 我地就比d玩具佢, 佢都係拎住搖下bang下, 叫佢比玩具daddy又唔比, 攪左幾分鐘, 老師就叫我同Sheryl上天台玩, daddy就落樓下聽簡介會.  當時, 我地仲以為剛才係warm up, 因為一d問題都無問我地, 老師只係比d玩具Sheryl自己玩, 無特別考佢d咩!  我同sheryl上到天台playground, 好多小朋友玩緊, 老師話玩完聽完簡介會就走得!  Oh no!  原來in左架啦????

當日氣溫得十幾度, 天台風涼水冷, Sheryl唔肯玩, 連落地行都唔肯, 死要我抱!  結果連簡介會都未聽完就call daddy走人!

試問咁0既表現, 又點會收呢?  但係一個13個月大0既bb, 咁0既表現又係好合理喎!  結論係, 如果大家想生仔, 唔該夾一夾時間1月至6月出世!  So ridiculous!!!!!