充滿"動感"0既28週

話都無咁快已經到左30週啦!  呢幾個星期, 我個肚入面好似有人打拳咁, 日日係咁踢, 有時隔住件衫都睇到個肚彈下彈下! (有d恐怖!)

上星期28週幾去產檢, 醫生又幫我照4d, 點知今次bb面前就係條臍帶, 遮到正一正,   攪左一輪, 照出黎好似仲唔清過上次......

醫生話bb個頭仔已經向左下, 而size都仲係中碼, 出世應該都係6磅多d, 我聽到不知幾開心, 千其唔好咁"大隻"呀, 阿媽好辛苦架!  雖然bb size keep住比週數細一個星期左右, 不過醫生話唔洗改預產期, keep住係10月23號. 

至於點樣生呢?  初時一心諗住半身ma醉開刀, 而家又15/16想用無痛!  問醫生, 醫生就梗係話要最尾果個月先決定到, 問佢無痛係咪真係唔痛, 佢就話一d都唔痛, 我話有朋友試過臨生果時會停藥, 由唔痛變成勁痛, 醫生就話多餘, 根本唔須要痛架 (但係我朋友係搵同我同一個醫生無痛分娩喎…). 不過我個人比較奇怪, 其實唔係最驚陣痛, 如果無痛可以減左8成陣痛都已經好好, 我係驚0係”敏感位置”有傷口, 仲要0係無ma醉0既情況下剪同聯針, 之後又要處理個傷口, 諗下都覺得痛.  反而開刀就可以食止痛藥, 加上肚腩好似無咁敏感, 個傷口之後又封實晒, 好似容易處理d, 不過諗起要係個子宮度開一刀, 又唔係好想......!  話晒我咁大個女都未做過手術, 最多都係手指頭割過粒纖維粒only!!!!!!

剩反8-10個星期, 開始好緊張添!!!!