發表文章
Sheryl而家兩個半月大, 前幾日去健康院, 有~11.5磅重, 姑娘話重得好好, 不過身長就得 3 percentile, 要見埋醫生. 醫生話都唔知點解, 因為我同CoCo爸都唔係好矮, 不過醫生話唔洗擔心, 而家個比例都算正常. 醫生問我Sheryl每餐食幾多, 其實Sheryl日頭就食140ml - 180ml (5至6安), 但係臨訓果餐食成210ml (7安), 如果埋身食人奶就食15分鐘左右. 醫生話佢都食得好勁下, 問我有無"窒"佢食, 梗係無啦, 臨訓果餐如果我唔stop佢, 佢仲可以食多過7安架! 埋身餵就更加唔知佢食左幾多, 佢食夠就自然甩咀啦，不過我而家每次泵奶都泵到200ml左右, 咁即係佢平時埋身食都食到咁上下份量.
之前Sheryl臨訓食左210ml之後, 就可以訓成7-8個鐘一直到天光, 仲要係我摷醒佢先起身食奶. 但係呢兩晚情況有變, 食成240ml (8安) 之後都仲伸伸利要搵野食, 嚇到我同CoCo爸都唔敢再比佢食, 逼佢訓覺, 點知未天光5點幾6點就醒, 仲要鬼死咁肚餓, breastfeed 大約5分鐘左右就清一邊, 好大力咁sucking，攪到我有ｄ痛添！
餓成咁係咪即係臨訓果餐唔夠飽？食８安都唔夠咪好大食？ 咁我究竟應唔應該再比佢食多過８安呢？ 我地已經將臨訓果餐拖１１：３０pm先比佢食， 如果佢仍然５點幾６點起身，咁我下星期返工實死得！！！！
埋身食人奶就食15分鐘左右？
回覆刪除oh........係咪大個咗會食快d？因為我 Athene 有時食成40分鐘都好似唔夠...
有時食20分鐘就ok.....
不過無可能一覺瞓天光....(envy envy)
sheryl笑得好開心呀!!!
回覆刪除BB通常3個月左右就會到達類似猛長期嘅時期(唔太記得五確叫物)，身體會突然需要多很多營養，所以奶量亦會突然激增。我記得呀仔那時也是由已差不多介夜奶又突然半夜起身搵食，可能Sheryl已到這猛長期，我有朋友的bb甚至要一餐飲9-10安，超恐怖！你或許嘗試臨瞓那餐再餵Sheryl多點奶吧！
回覆刪除哈，我通常每晚四、五點先瞓，無法啦！每日要等阿仔夜晚瞓咗覺先有自己私人時間，不過因有嫲嫲餵阿仔食早餐，我好多時都瞓到十至十一點先起身，有時同阿仔瞓晏覺時又會再補多一、兩個鐘，所以都夠瞓嘅！
回覆刪除阿仔個blog條link係
http://www.babyhome.com.tw/joshua_js