發表文章
所有留言
自大家中學畢業之後, 有人生日果個月都會有gathering, 由只有ladies 0既ladies talks gathering, 到大家結左婚之後0既couples gathering, 再"進化"到而家0既 babies gathering, 要book 0既木台越黎越大張, 可以選揀0既地方越黎越少, 而席間0既聲浪就越黎越大! 真係難為坐我地附近果幾枱人! hehe!
Happy Birthday to Cyan! 阿大你個囝最乖, 得佢一個望鏡頭咋!!!! good boy!
Congratualtions Grace and Lois on your newborn babies!!!!
要數Sheryl最愛0既玩具, 一定係呢個Baby einstein Entertainer. 之前d朋同我講話好好玩, 我心諗千幾蚊玩幾個月only, 真係唔捨得買. 好彩前排toysrus開倉, 半價呀! Sheryl真係好鍾意玩喎, 而家每日都玩20分鐘, 仲要一見我地拎出黎佢就會開心到手舞足蹈!
Sheryl: "媽咪, 呢條恐龍同隔離果粒星星都好好味架!!!!!"
Sheryl媽: ....................................
其他時間就有一大班"朋友仔", Sheryl呢期最鍾意係隻octopus!
其實Sheryl仲有一樣(兩樣)好鍾意玩0既玩具, 就係佢阿哥同家姐啦!
而家Sheryl食粥仔食到後段就會唔耐煩扭計, 咩玩具都無效0既時候, 就係時候出秘密武器啦! 登登登登........."慰安狗s"!!!!!!:
Sheryl見到CoCo就會唔喊, 如果比佢摸到CoCo, 仲會笑出聲添, (塊面果兩行眼淚仲未乾!) 所以食親粥仔都要有左右門神坐陣! 不過Milky就好慘, 試過比Sheryl扯d毛扯得好大力, 佢又唔敢掙扎, 淨係dup晒尾!!
Sheryl呢兩隻大玩具咁大功勞, 做埋"慰安狗", 佢地比Sheryl"虐待"完之後, 我都會獎佢地食餅餅, 為左食而無咩底線0既CoCo, 應該唔介意繼續"被虐待"!!! hehe!!!
如果問Sheryl似Daddy定Mammy, 10個有9.99個都會話似Daddy, 身為阿媽0既, 點都希望個囡有d似我, 好辛苦地終於比我搵到兩張叫做似少少0既相:
不過其實都有d勉強!!!!!
跟住睇埋呢兩張, 簡直無得鬥, 想話Sheryl唔似Daddy都唔得......
其實Sheryl 喺08年10月出世之後, 由08年11月至09年6月, 每個月都至少有一個朋友生bb, 大家都係新手媽咪, 自然會傾好多bb嘅嘢, 由其係breastfeed同bb用品. 所以就同大家share下Sheryl嘅"御用"物品啦!
尿片: 正所謂"資源有限, 欲望無限", 尿片係其中一樣highly consumable嘅嘢, 要我百幾蚊買一包"屎片", 仲要巴巴閉咁要訂先有貨? NO WAY!!! 尿片除左好用之外, 容易購買度都好重要! newborn果時用huggies, 不過不失啦, 漏屎都發生過三四次, 不過試問newborn人奶b有邊個無試過"漏屎"呢? 而我都唔相信世界上有 100%唔漏屎嘅片! 不過huggies 比軟硬, 之後試用噓噓樂, 因為平, 點知可能厚同唔通風, pat pat 起紅點, 唔掂! 跟住用妮飄, 好軟, 無紅pat pat, 又唔太貴, 而家就一路用啦!
Face cream: Sheryl未出世果時百幾蚊買左支mustela face cream, 結果而家喺屋企"封塵"! 事關Sheryl面上的奶癬, 用醫生介紹嘅emulsifying ointment (藥房$40左右一大樽)最work, 狂搽一兩日就K.O.
沖涼: 頭兩個月用mustela 百幾蚊一支唔洗過水果隻bathing gel, 真係好方便, 點知早前含致癌物質佢榜上有名, 比我成支投左籃, 轉左用醫生介紹嘅aqueous cream. 原本Sheryl條頸比奶"yip"得多, 好紅仲試過有血水, 用左aqueous cream沖涼之後, 好左好多, 皮膚仲無咁乾! 又係藥房有得賣, 三十零蚊一大樽, 可以沖涼又可以搽面, 正!
抹pat pat: 最初用過huggies / johnson, pat pat又紅又損, 唔掂! 結果要用思詩樂乾棉浸濕同佢抹, 紅pat pat就無再出現啦! 出街就用combi, so far都ok!
抹手抹面: 一直都用思詩樂濕棉, 佢用無菌水, 姑娘介紹用, 抹手抹面之外, 仲用埋黎洗口, 人奶b唔飲水, 有時個口都有陣味, 每日都用濕棉抹下條利同牙肉, 乾淨d之外又可以自少desensitize佢比人攪個口, 第時學擦牙都易d! 不過用呢隻濕紙巾好唔環保, 而家Sheryl大d, 我有時用乾棉濕熟水同佢抹, 環保少少!
睡袋: Grobag, 因為佢有instruction教幾多度就著幾多衫同埋用邊種厚度, 加上又安全唔會驚焗親, Sheryl 成日都9秒9踢晒d被走, 用睡袋睇你點踢!!!
奶樽: ChuChu, 貪佢個奶咀design係唔啜唔會出奶, 唔會chok親佢! 其實我無試過其他, so far Sheryl用ChuChu so far都ok, 而且又唔洗換唔同大細嘅奶咀, 方便好多!
電奶泵(medela swing): 呢樣係我未生之前最hesitate買唔買嘅product! 因為又貴(成千幾蚊)又唔知用唔用到, 最後生完上左奶先買, 經過頭兩個月嘅適應期之後, 我真係無左佢唔得! 仲要買多個放喺office用! 手泵係平好多, 但係一日泵幾次, 真係手都軟埋! 我有個朋友話佢前前後後買左4,5個手泵, 因為泵到爛晒, 最終都要買電泵! 即係仲貴過一開始就買個電泵!!!
Puree food: 初時試食Healthy Time米糊, 食左Sheryl呵唔到屎屎, 仲好似谷得好辛苦, 成塊面都紅晒! 結果放棄米糊, 直接食10倍粥, 又ok喎, 無消化不良0既問題! 其實我地細個果時都無米糊架啦, 咪又係咁食粥仔! 所以我個人認為米糊唔係must, 我地問過醫生, 佢話米糊同粥仔其實分別唔大!
奶: 暫時食緊3餐人奶, 一餐奶粉, 一餐粥仔. 奶粉仲食緊森永, so far ok! 遲d打算減到只係早晚食人奶, 咁我就輕鬆好多啦!
今年係我第一年以"母親"0既身份過母親節, 感覺有咩唔同? 除左訂位食飯果時要concern 埋有無位放bb車之外, 真係無咩特別唔同. 有心0既日日都係母親節啦!
星期六同左爺爺嫲嫲去赤柱行街影相, 星期日就同公公婆婆去食法國大餐. 不過出左門口先醒起唔記得帶相機, 唯有上openrice copy左少少食物相比大家睇啦! 原因係呢間0係Soho 0既法國餐廳d野好食又唔貴, 真係要介紹下!
Brasserie Le Fauchon
http://www.openrice.com/restaurant/sr2.htm?shopid=8121
佢地主要menu係分3個course同4個course, 可以0係menu入面自己揀, 都係2百零蚊. 我地今次4個人就揀左兩個2人餐 ($688each), 貴過一人餐少少, 不過多好多野食! 我記性唔多好, 唔知有無記錯個2人餐0既內容:
任食法包
白酒煮硯
Parma ham with 蜜瓜 (原本係三文魚Caesar salad, 我地轉左)
蟹籽龍蝦湯
鵝肝 / 田螺
青檸sorbert
半隻龍蝦蕃茄天使麵 (原本係跟忌廉麵, 又比我轉左) / 澳洲霜降西冷 / (仲有一樣唔記得左係咩, 好似係seafood)
心太軟伴雪糕 / cream brulee
coffee / tea
法包好好食:
白酒煮硯:
蟹籽龍蝦湯, 飲緊有粒粒蟹籽, 好得意:
主打之一 ~ 煎鵝肝:
焗田螺 (不過鵝肝好食d, 如果兩份都要鵝肝就要加$80):
Main course搵唔到相, 不過個龍蝦 angel hair好好味, lobster好新鮮! 個澳洲霜降西冷都好正, 肉質鬆軟, 唔係又硬又實果隻!!
最後就係好正0既心太軟加雪糕:
Sheryl當晚表現都叫ok, 比我食到sorbert先開始喊要人抱, 果然見係母親節, 特別孝順! (我要求幾低, 咁都話佢乖!!!)
祝所有母親都母親節快樂, 有餐安樂茶飯食! wakakakakaka!
Sheryl不嬲都唔多似女仔, 出街10個9個都估佢係男仔, 剩返果1個都只係猶豫地問"係女仔黎架呵?!" 雖然佢阿媽我唔想佢成日做pink lady, 不過由於佢實在唔太lady, 我亦有意無意地偏向買女性化嘅衫比佢, 希望佢可以似返個女仔啦!
行H&M比我發現呢頂勁lady嘅帽, 只係$39.9咋!!!!
Sheryl: "阿媽話單靠頂帽扮女仔唔夠"力度', 要加多條勁lady嘅裙喎!"
Sheryl: "好啦, 見阿媽咁恨, 我擺返個沙龍pose比你影啦!"
Sheryl媽: ".......... okok.........不過.....有d似男仔扮女仔喎..............!"
影左咁多張相, 都係呢張最似女仔! (因為基本上唔係好見到個樣!)
時間真係過得好快, Sheryl已經6個半月大啦!
影相識望鏡頭:
至於活動能力方面, 轉身已經爐火純青到鍾意打側身瞓覺!!!!! 仲好粗魯添......
"瞓唔定"嘅Sheryl又點會安於瞓喺度呢? 平瞓唔夠一分鐘, 就要自己趴轉身, 仲成日gut高個pat pat想爬, 爬......當然係未成功啦!
坐都穩陣左好多, 自己坐一陣都ok, 特別係每朝8點鐘睇atv嘅baby first, 睇到入晒神, 唔覺唔覺就自己坐左幾分鐘!
仲對電腦好有興趣, 而家d bb真係high-tech!!!!
食果方面, 而家食緊4餐人奶1餐粥仔, 不過食粥仔只係開始左3個星期, 未可以食肉, 除左粥之外, 仲有紅蘿蔔蓉, 蕃茄蓉, 同埋西蘭花蓉. Sheryl最鍾意就梗係蕃茄蓉啦, 因為酸酸甜甜!
除左粥同奶, 有時仲會食下甜品......腳趾!!!!!!!!!!
直到而家, Sheryl都仲係一個鍾意笑嘅bb, 希望佢繼續keep住開朗嘅性格啦!
