31 weeks 啦 !!!

今次真係少左好多記錄低弟弟喺我肚入面嘅成長過程.

一來因為第二胎好似所有野都求其d, 第二係因為要照顧Sheryl, 所以真係好唔得閒.

可能第二胎原固, 連產檢醫生都無咩野講, 每次照完u/s都只係話ok, good, size ok....

而我都無咩野問, 連阿b幾重都無問.....真係有點兒太求其!  下次一定要記得問先得!

上次28weeks去照4D, 點知阿囝怕羞用手遮面, 咩都影唔到...

好彩20weeks果時影左一張, 都叫睇到下個樣 : ~~~

至於我嘅身體狀況, 一個字 ---  痛!

唔知係咪多數第二胎都係個肚大得快d呢?  今次個肚28weeks已經好似人地32weeks噤, 而家31weeks仲好似人地就生得噤大....結果係, 盆骨恥骨已經好痛, 坐同行反而好d, 訓就真係慘, 一轉身就痛到標眼淚噤濟........上次醫生話阿囝個頭已經轉左向下,  我估佢可能壓住我少少坐骨神經! 

胎動非常頻密同大力, 有時比佢踢到個胃痛!

所以老人家話有仔襯嫩生真係無錯架, 淨係compare今次同上次, 相隔3年, 已經辛苦好多啦 ~~~

下星期32weeks去產檢, 希望影到阿囝個樣啦!