Sheryl 3歲生日會 - 籌備篇

距離放產假只有四個星期, 要趕住清公司堆積如山的cases, 如果唔係放假都係噤接電話就大件事!!!

 

早於今年年頭已打算今年10月幫Sheryl開佢人生第一個生日會, 之前兩年無攪, 因為覺得佢太細, 又未識同其他小朋友玩, 但係三歲唔同啦, 有同學仔又有自己喜好

 

直到有左弟弟, 知道11月尾預產期, 一度想取消Sheryl個生日會, 因為一定會好多野攪.

不過爹地媽咪又覺得, 弟弟出世後就更少時間比Sheryl, 好似想補償下佢噤, 所以都係決定博一博照開生日會啦!  (真係要博架, 我已經34週啦!)

搵左一個"全包"嘅場地, 一心諗住可以煩少d, 點知到頭來原來都係有好多野要自己預備....

場地包佈置, 不過係超簡單佈置 (氣球同happy birthday字樣banner only), 連名都無.....

結果要自己搵人design 易拉架 , 個design我好鍾意, 不過製成唔多掂, print出黎太黑, 攪到阿囡變左"黑人", 不過距離生日會只有三日, 想叫佢再做過都唔夠時間啦, 唯有算數.....

仲要安排party姐姐帶遊戲

預備回禮gifts

order 多少少佈置用品

order 3D生日蛋糕

邀請及confirm出席人數 (已經特登唔請噤多人......)

 

原來對於一個大肚婆黎講, 都真係幾吃力........

 

好好彩, 我地嘅朋友真係好好, 絕大部份都即時答應出席, 有d仲義務幫手添!  Sheryl有你地呢班uncles aunties噤錫佢, 佢真係好幸福呵~~~

 

阿囡鍾意Minnie同Princess, 其實我已經問過佢幾次鍾意Minnie定Princess多d, 佢都答princess. 

不過媽咪唔太想你噤快有"公主病", 所以當聽唔到, 一心搵Minnie做主角算數, wakakakaka!

原來"公主病"呢家野真係防不勝防, 只可以delay.....

叫左3D生日蛋糕文師傅今年跟呢個主題, 好緊張睇下今年文師傅的"鬼斧神工"製成品

聽日就係生日會啦, 今日去pickup埋d物資, 聽朝要辛苦爹地走一轉粉嶺pickup個3D蛋糕 (不過爹地為左個囡無怨言喎, 換轉係我一定比人哦......:P)

希望一切順利啦!